قلت ليهم هيي يا متخلفات انا جعت ☺ ايثار قالت لي انتي طبيعي جعانه قلت ليها الله اكبر عليك م تسحريني قووموا ارح واحنا ماشيين لقينا تسابيح ماف قبلت لقيتها سرحانه جييت طقت ليها بي اصابعي زحت لي اصابعي وطوالي اتعترت وجييت واقعه في الارض رجلي وحده طارت يمين وحده طارت شمال 😑 والجامعه كلها بتعاين لي والشله المحترمه ما فضل ليهم الا يموتو بالضحك (ليهم حق عاد م فضيحه ☺☺) وزول داير يرفعني ماف الا جا ماني قال لي ياساتر ياساتر ورفعني (اتمنيت الارض تتشق وتبلعني يااخ ) شكرتو وقمت مشييت لي الشله ونبذتهم لم الله غفر ليهم يستاهلو يلا بعد وصلنا الكفتريا عملنا شيير وجبنا بوش ياخ اكلنا لم اتكيفنا زاتو وانا بلحس في اصابعي وشايله صحن البوش شافني ليك ماني ديييشك ياخ انا جريت جري ما شاف الا غباري (😂😂💔)
بعداك طلعنا من الجامعه م كان عندنا محاضرات تاني ركبت الحافله لحدي البيت معاي ريان ساكنه جيرانا بالحيطه بعد نزلنا اشوف ليك كلب جايينا من بعييد قبلت على ريان ليقيتا جرت خلتني واعيي يا مصيبتي بس شنقت ليك عبايتي فووق وكتحت والكلب ما صدق كتح وراي 😭😭😭 وبقييت جاريه وهو ساكيني خييطه الحله دي كلها وانا جارييه واعيييي وبس لقييت لي باب كدا متاكا ساي ودفرتو ودخلت توووشك
