وقعت في المويه واتمليت بالطين والنشكله انو في ناس في الشارع 😢😢 (احراج ياخ) قمت والتوب من المويه بقى تقيل شديد اخخ بس رجعت البيت بكر رجليني كر يعني اسي ما اقع الا قدام الناس ماشه وبطنطن دخلت البيت لقت امي ما جات جدعت التوب وغيرت هدومي ومشيت لي ريان اول ما دخلت لاقاني عصام قال لي مالك يا وجع وش سفهتو وخشيت لي ريان وبدينا القطيعه قطعنا في تهاني وامتنان وهديل والجامعه والحله والخرطوم كلها والسودان كلو احمم معليش انفعلت ☺😆😇 المغرب اذن طلعت مشيت ومن حيث لا يحتسب ظهر قدامي كلب اول ما ختيت رجلي بره باب ناس ريان وعينك ما تشوف الا النور جريت جريه وحده تاني ما وقفت خالص ( غايتو الكلب دا شكلو خاتيني في راسو هو وسيد )
انا ابيت اقبف والكلب حلف كان يقيف وانا جاريه ولا اتلفت زاتي والكلب اتاري وقف قبيل وانا جاريه ولا جايبه خبر وفي بتين كتنو ماشين في الشارع والواطه كانت ضلمت كدا وشافوني جتريه وماف حاجه وراي طوالي جرو وراي وصلت لي دكان كدا وتوووشك خشيت 😈😈 في راجل كدا قال لي في شنو قلت ليهو الكك كلب ( نظام بقطع من الجري وكدا افهموني) والبتين قعدو يتلفتو وحده قالت لي كلب شنو احنا افتكرناك جاريه من حاجه قلت ليهم والكلب قعدو يضحكو وانا يادتب فهمت الرصه انو الكلب وقف وما كان ساكيني (سجلو تاني موقف محرج في اليوم )
يتبع.....
