امي طلعت وخلت لي الخدره في محلها جيت قعدت في السرير دايره ارفع رجلي صينه الخدره دي طارت هناك واتقلبت ☺😆😢 الليله وووب علي امشي وين انا قبلت وراي اشوف ليك رامي بيصور بس مسكتو ليك وخنقتو رميتو في الواطه واشيل وادق فيهو لم سمعت صوت امي بتجر في سلك الباب طوالي جرييت خشيت جوه واتدسيت تحت السرير وسمعتها بقت تهرج ورامي بفتن فيني وامي دي جات داخله وتفتش فيني وقالت وفاء امرقي لي انا بلعت ريقي تمنطاشر مره 😢😢 مرقت ليها وبس خبتتني ليك خبت مشيت نمت طوالي غدا زاتو م اتغديت 😳😳😭
تاني يوم صحيت الصباح كان في برد مبالغه وغيوم شايله شلت لي عبايه خشيت فيها ومرقت لاقيت ريان في الشارع ومشينا في الحافله شغاله احكي ليها وهي التافهه بتضحك 😂😂😂💔 وصلنا الجامعه لقينا تسابيح وايثار قاعديين اتونسنا لم قلنا بس مشينا لقينا المحاضره لسه مابدت وكانت مع ماني والساعه الجا قال لينا تست انا نطط عيوني قدر الفنجان وفتحت ليك خشمي دا مترين وقلت ليو كيف يعني لمن استغرب زاتو وزع لينا الورق وانا اصلا مابقرا ( اي طب اسنان دا خشيتو كيف زاتي ما عارفه☺) غايتو ايثار الله يديها العافيه نقلتنا الامتحان كلوو والحمد لله طلعنا ناجحين بعد طلعنا مشينا الكفتريا انا قلت ليهم بمشي بجيب طعميه نفتها في البوش (اصلا بنشيل صحن البوش من بتاع الكفتريا يومي ) مشيت جبتها وانا راجعه لمت ليك فيني حشرا كبييره ولونا سودااا بس الساعه الفكيت ليك الطعميه وباقي القروش وقمت جريييت جري نضيف وصلت للبنات قالو لي وين الطعميه قلت ليهم جدعتها بقو يعاينو لي بطريقه ممطمنه خالص
يتبع ........
