تووشك دخلت البيت ورزعت الباب ☺ لقيت ولد قاعد في وضايه جنب الباب قال لي بسم الله في شنو قلت ليو كلب ساكيني زحاني وطلع جا راجع قال لي الكلب مشى 😉 قلت ليهو طيب شكرا قال لي انتي ساكنه وين الساعه العدلت ليك وقفتي وغزيت يديني في نصي وقلت ليو وبخصك في شنو (بتلائم كمان 😈😥) ولا استنيتو يرد زاتو ومشييت ورزعت الباب وراي ومشييت البيت وانا حالفه ريان دي اليله ما بخليها دخلت البيت لقيت رامي بحضر في التلفزيون قال لي وعليكم السلام سفهتو ودخلت غيرت هدومي وطوالي جرييت لي بمبر (بمبر ولا بنبر كلوو واحد 😂💔) وطلعت في الحيطه وناديت ريان لم حلقي نشف م ردت لي لفحت توب امي ومشيت ليها بقيت بضرب في الباب واكورك ليها قمت ختيت عيني في قده الباب الساعه الباب اتفتح ورب جيت واقعه
وريان الكلبه تضحك فيني مسكت ليها رجلا وجريتها طوالي جات واقعه وبس مسكتها ليك لبعتها لمن الله غفر ليها ☺ واموول جات جاريه ( اموول دي ام ريان اسمها امل بنقول ليها اموول ) جات جاريه بي مفراكتها طوالي ادتني ليك لبعه جاتني في كليتي وريان دي جاتها في راسا وبعداك قالت لينا في شنوو (اجي ي اموول بتدقي ساي انتي 😆😈) قمنا اتنفضنا وخشينا جووه بعد نبذتها وشاكلتها بقينا نلعب في ليدو وانا ولدي خلاص قرب يحج قتلتو لي بس مسكتها ليك من شعرا وجريتها ولبعتها وقلبناهو شكل ونتضارب اموول جات عاينت لينا بي نظره كدا م مطمنه خالص ومشيت بس الساعه النشوف ليك عصام واقف لينا بي حزامو اليله ووووب😢 ( عصام دا اخو ريان الكبير وبدقنا ليك دق اعوذ بالله ) جا وقع ليك فينا ددق دقانا دق دق العيش بس ومشى طوالي قمت قلت لي ريان هوووي انا ماشه 😢 وختيت ليك التوب في راسي ورقت مشيت البيت دخلت كان في ضل في الحوش وامي جات وهي ورامي فاعدين بره وامي بتورق في خدره رامي قال لي مالك ماده بوزك قلت ليو عصام 😭😭دقانا بقى يقول لي الدقو منو يا ناس الدقو منو طلعت سفنجتي وفنيتو امي قالت لي هووووي تعالي ختي لي توبي دا وورقي لي باقي الخدره دي انا ماشه عليي امل دي وجايه (امي واموول صحبات شدييد😆😆) قلت ليها صفوويه ياخ انا تعبانه قالت ليي هوويي خلي حنكك دا ( اجي ي امي حنك شنو ☺😈😐)
