احببتها صعيدية ( كاملة )

الفصل الرابع

#احببتها_صعيدية
الفصل الرابع
...............................

تليفون الحاج كرم رن
الحاج كرم :: ايوة يا ولا يا سامبو
سامبو :: الحجني يا معلم كرم الحكومة طبت علي المكان والانفار اللي بتطلع الحاچة ضربت نار عليهم ف الحكومة جتلتهم
الحاج كرم :: بتجول اية الحكومة كبست علي الدار والرچالة اللي شغالين اتجتلو ف ضرب نار مع الحكومة يا واجعة طين وانت كت فين يا هباب البرك مش جايلك تجف مع الرچالة.
سامبو :: في واحد غريب الرجالة مسكوة جمب الدار لما شافهم بيخرجو صندوق علشان يحطوة ف العربية ف مسكوة وحبسوة جوة البيت وهبابة ولجينا واحد متلتم فضل يضرب نار ودخل البيت خد الراجل الغريب وخرج بية وبعدها الحكومة كبست علينا وانا كنت خرجت بعيد .
الحاج كرم :: اخفي دلوك يا ولد المحروج لحد ما اشوف هيحصل اية و انا هكلم البية الكبير واشوف اية العمل .

........................

عصام قاعد في الأوضة بتاعتة وحاطط ايده علي راسة و عمال يبكي زي العيال الصغيرة
دخلت عليه زينب مراتة واول ما شافتة عمال يبكي خبطت بأيدها علي صدرها
مالك ياابو امير بتبكي ليه كفانا الشر؟
عصام :: ماليش يا زينب انا بس عيني اطرفت
زينب :: اهي عليا انا بردو يا ابو امير اشحال لو مكنتش مراتك ..
مالك ياخويا .. لو علي الحاج فالحمد لله اطمنا عليه واهو بجي كويس وفايج وواعي للدنيا
عصام انفجر من العياط زي العيال ورمي راسة في حضن مراتة وحكي ليها الكلام اللي الحاج نعمان قالهولة
زينب :: اخص عليا ياعم الحاج نعمان بقي ده كلام يتجال بردو
وانت ياخويا متزعلش نفسك طالما الحاج جالك ان امك ربنا يرحمها ست شريفة وعفيفة انت مزعل نفسك ليه
عصام :: اه لو بس اعرف مين الكلب ده وفين اراضيه
زينب :: وانت يعني لو عرفتة ولو عملت اللي في دماغك هتستفاد ايه غير انك تصحي حكاوي جديمة ماتت واتنست ومش هينوبك غير الفضيحة والجرسة والناس مش هتصدج ... اسكت ياخويا وخلي اللي فات مات وماتنبش تاني فيه

.........................

احمد دخل البيت من غير ما حد يحس بية
وطلع اوضتة ودخل بص ف المرايا الجرح اللي ف دماغة لاقة سطحي ومش باين وسط الشعر ف طهرو
وفضل يفتكر كل اللي حصل وهو مش فاهم حاجة
ولقي نفسة عمال يفكر ف الست المتلتمة اللي رغم انها كانت بتحاول تغير صوتها علشان يبان انة قووي
صورة عينيها مش راضية تفارق خيالة رغم الاضاءة الضعيفة الا أن عنيها قدرت ترمية بسحر عجيب سيطر علي عقلة وسرق من عينية النوم ازاي العيون دي تقدر تكون بالقوة والشجاعة دي
فضل يا يفكر يا ترا هي مين وانقذتة لية وازاي اصلا ست تقدر تدخل علي ناس كدة وتضرب نار خصوصا انهم ف الصعيد يعني الستات مش بتخرج من البيت اساسا بدا يفكر انها ممكن تكون مع الناس اللي مسكوة لكن رفض الفكرة لانها مستحيل تكون معاهم وتعمل معاة كدة
فضل سهران بيفكر فيها لحد النهار ما طلع

..............................

ڤيلا الحاج كرم الصبح
سامية دخلت اوضة هجر تصحيها .
سامية :: اصحي يا ست هجر البلد كلها مجلوبة والحاج كرم من الصبح وهو طايح ف الكل ولا علي حامي ولا علي بارد
هجر صحيت :: جوليلي حصل اي وانا نايمة
سامية :: البلد كلها مالهاش سيرة غير الرجالة اللي اتجتلو ف شرج البلد من الحكومة وهما بيطلعو مساخيط من بيت مهجور ف النواحي دي
هجر :: بس كدة مفيش حاجة تانية ؟
سامية :: بيجولو واحد من الرجالة اللي ما اتجتلتش كان بيصرخ بيجول عفريتة بت الجبل خرجت من المجبرة ولعنتها حلت ع الكل .
هجر ابتسمت وافتكرت اللي حصل