احببتها صعيدية ( كاملة )

الفصل الثالث عشر ( #الكره_والانتقام_رحي_تدور_وتطحن_الجميع

#احببتها_صعيدية
الفصل الثالث عشر ( #الكره_والانتقام_رحي_تدور_وتطحن_الجميع )

( #حين_تقتل كل شئ من اجل شئ واحد
#تهدر كل شئ من اجل شئ واحد
#تخسر كل شئ من اجل شئ واحد
#لا_تبالي ل اي شئ الا شئ واحد
#تظلم_الدنيا امام عينيك وتصبح لا تري سوي شئ واحد
#ثم_تكتشف ان ذلك الشئ كان #لا_شئ )

الحب مثل الموت ؛ وعد لا يرد ولا يزول.......

...................... ڤيلا الحاج نعمان .................
* تليفون معتز رن *
معتز :: ايوة يا عباس في جديد ولا اية ؟ .
عباس :: ايووة يا بية الست اللي براقبها راحت العيادة اللي كانت بتروحها قبل ما نروح نجيبها لما كانت متعورة .
معتز :: انجز يا عباس اكيد مش متصل بيا علشان كدة بس حصل اية ؟
عباس : بعد هي ما دخلت بشوية وقفت عربيات ونزل منها رجالة بجلاليب دخلو العيادة وخدوها هي والدكتور اللي كان اتصال قبل كدة .
معتز :: امتا حصل الكلام دة ؟
عباس :: من نص ساعة وانا طلعت وراهم و اول ما وصلو البر التاني غيرو العربيات وفصلت متابعهم لحد ما زاغو مني بس هما مخرجوش من المنطقة اللي انا فيها دي وخفضل ادور و اول ما الاقي اشارة ل وجودهم هبلغك جنابك
معتز :: ومبلغتنيش لية يا زفت كان زماني اتصرفت ؟
عباس :: مكنش في وقت يا بية اول ما حصل اللي حصل طلعت وراهم بس انا لفيت نص المنطقة اول ما اوصل للبيت اللي مستخبين فية اكيد العربيات هتبقا واقفة قريب منة هتصل ب حضرتك .

* معتز قفل معاة وكان هيتجنن وجري بسرعة علي باب الڤيلا   علشان يخرج رجالة عصام منعوة *
واحد من الرجال :: لا مواخذة يابية بس عصام بية علينا حضرتك متخرجتش واصل .
معتز :: يعني اية هو هيحبسني هنا ؟
الراجل :: معارفش يا بية احنا بنفذو الاوامر وبس .
معتز :: انا هكلم الحاج نعمان واشوف اللي بتعملوة دة .
الراجل :: اللي تشوفة يا بية .
* معتز قفل واتصل بالرجالة بتاعتة اللي متواجدة ف البر تاني علشان وقت ما يحتاجهم  *
معتز :: الو ... ايووة يا حسين ... عايزك تجمل كل الرجال وتكمل عباس تشوفة فين و تروحلة ومحدش يعمل حاجة الا لما اكلمك .

معتز دخل الڤيلا وهو زي المجنون عايز يوصل للحاج نعمان ومش معاة رقمة *
معتز :: ياااا حااااااااجة امينة .
اشواق :: امي نايمة يا استاذ متزعجش .
معتز :: انا عايز الحاج نعمان ضروري في مصيبة حصلت .
اشواق :: طيب هتصل بالمحل الكبير ويخلوك تكلمة  .
* اشواق بثت على رقم المحل اللي مكتوب ف ورقة جمب التليفون الارضي بتاع البيت واتصلت *
اشواق :: ايووة ..... اني بت الحاچ نعمان ...... عايزاة ضروري دلوك  روح جولة يلا..
اشواق :: ايووة يابا خد الضيف عايز يكلمك ف حاچة ضروري
معتز اخد منها السماعة بسرعة  :: االحق ياحاج الدكتور احمد اتخطف من شوية خلي رجالة عصام يسبوني اخرج من الڤيلا انا قربت اعرف مكانة هو ف البر التاني  .
الحاج نعمان :: انا چايلك دلوك يا ولدي .
معتز :: مفيش وقت يا حاج انا في رجالة مستنياني علشان نلحق الدكتور قبل ما يفوت الأوان .
الحاج نعمان :: اانا هخلي عصام يكلم الرچالة اللي جدام الڤيلا  يچيبوك ونتجابلو ف نص السكة .