#احببتها_صعيدية
الفصل السادس ( #بدايات_واسرار_جديدة )
جواب مكتوب بعلم وصول ..
ل بنت جميله زعلانه اسمها اشواق
قولولها الشده دي هتزول
وبكره أحلي بأمانه
قولولها ربنا يعينك
علي الحزن اللي جواكي
وليه ماليه الدموع عينك ؟!
ومين بس اللي بكاكي ؟!
خساره الدمعه يا عبيطه
علي الحد اللي راح أو ساب
ف 100 مليون ''سلامه'' خلاص
وطظ ف كل واحد غاب
ولو عشتي الحياه وحدك ..
ولو مالكيش حبيب وصحاب
وماله .. الوحده أريحلك
من اللمه اللي مش هتدوم
قولولها اطمني شويه
وطمني قلبك المهموم
كفايه دموع ابوس ايدك
خصوصآ اللي أخر اليوم
عينيكي الحزن بهدلها ..
كفايه سهر .. وقلة نوم
بقالك فتره تعبانه ..
وتحت عينيكي كله سواد
وطول الوقت قلقانه
ومكسوره .. وخوفك زاد
بقالك فتره ع الحال ده ..
عيونك فيها حزن غريب
ملامحك بنت ف العشرين ..
وقلبك كل يوم بيشيب
ابوس ايدك .. كفايه دموع
مفيش ولا حاجه تستاهل
يا بنتي ده قلبك الموجوع
بمال الدنيا يتاقل ..
جميله ف عز أحزانك ..
ولسه ف نظرتك قوه
ورغم الدمعه ف عيونك
مازالت ضحكتك حلوه
خساره تكشري تاني
خساره تعيطي ثانيه
وعهد الله هترتاحي ..
يا أجمل بنت ف الدنيا
..........ڤيلا الحاج نعمان.............
* تليفون البيت رن الحاجة امينة راحت ترد*
الحاجة امينة :: الووو
نعمة :: ايووووة ياما والنبي كت عايزة اشواج ف حاچة مهمة
الحاجة امينة :: حاچة ايي ؟
نعمة :: مفيش ياما كت عايزة اسألة علي حاچات هنا كات هي داساهم وانا معرفاش مكانهم
الحاجة امينة :: بت يانعمة لو احمد واد عمك هو اللي جالك تتصلي علشان اشواج تروح العيادة جولي احسن اطين عيشتك
نعمة :: والله ياما احمد مايعرف حاچة واصل دة انا اللي جلبت العيادة ع الحاچة دي وملجيهاش ومفيش غير اشواج هي اللي تعرف مكانهم
الحاجة امينة :: طب استني . بت يا اشووووواج انتي يا بت انزلي كلمي اختك نعمة بتجول عايزاكي ف حاچة
* اشواق نزلت ترد وباين علي وشها الحزن والايام اللي فاتت اهملت ف اكلها وبقت مش بتخرج من اوضتها الا لما يجي الحاج نعمان ويدوب تقعد علي السفرة معاهم وتقوم اول واحدة وتجري علي اوضتها ماتخرجش منها تاني *
اشواق :: ايووة يا نعمة حاچة اللي عايزاني فيها يابت
نعمة :: عايزاكي تيچي دلوكت حالا العيادة
اشواق :: جلتلك جبل سابج ماعيزاش اي حاچة تخص احمد
نعمة :: والله العظيم يابت احمد مايعرف اني هكلمك
اشواق :: طب فيية اي لكل دية ؟
نعمة :: تعالي وانتي تشوفي بعينك
اشواق :: مفهماش حاچة بس لو طلع احمد اللي جالك تچبيني لسانك مش هيخاطب لسانك يا نعمة اديني جلتلك
نعمة :: واني موافجة يلا جوام بجا مسافة السكة تكوني هني
اشواق :: ماشي سلام
....
الحاجة امينة :: خدي يابت يا اشواج نعمة عايزكي ف ايي ؟
اشواق :: معرفش ياما باينها حاچة ف العيادة معرفاش تعملها هروح اجضيهالها وارچع علطول
الحاجة امينة :: اسمعي يابتي احمد واد عمك جالها صراحتن كدي انة ماعيزكيش ومرواحك العيادة هيخلية يفكر انك هترمي نفسك علية واني يابتي عايزاكي عزيزة انتي بت الحاج نعمان چوهرة مايعرفش جيمتها اللي زي احمد هو عنية اتعودت علي بنات برة المايعين اللي لبسهم الواحدة ف الشارع منينا تتكسف تلبسة لچوزها انتي يابتي تستاهلي راجل بصحيح يجدر جيمتك ويشيلك فوج راسة وجوة عينية
أنت تقرأ
احببتها صعيدية ( كاملة )
Actionبنت شالت هم أكبر من ملامح سنها ، صعب جداً ان عيّل فجأة يملك قلبها.
