🥀زوجة رجل عجوز💞
💞💞راح اعطي لبدة صغيرة عن بطلتنا
اني👇
لم كنت صغيرة عمري 3سنين زلقت أمى بدرج العمارة وهيا تنظف مع الجيران كانت حامل بالشهر السابع وماتت قبل تصل للمستشفى
جدي غصب خالتي تتزوج ابي اللي يكبرها 18السنة وهيا كانت مخطوبة لي ابن عمها.. وخالتي انتقمت مني لاني السباب في زواجها بي ابي.و قطعت علقتها بي بيت جدي وماتعرف أخبارهم لحد الآن.
بس ابي كان يزور فيهم كل كم شهر يطمن عليهم من وراء خالتي
اللي قرارت تنتقم مني َ
وهمالتني وكرهتني ولم تحبني وكانت تخللي فيا عند الجيران والشارع وماتدري شي عني وكانت جارتنا اللي قدام بيتنا تهتم بيا مع انها عندها ثلاث اولاد. وكان ليها دور في تربيتي
عندي ثلاث أخوة من خالتي من ابي
زوز توم باسم وابتسام... طير شر ويكرهو ني زي امهم اللي هيا خالتي...
واتين.. اختي الصغيرة بعدهم بثلاث سنين.. حلوة وحبوبة وتشبهني في كل شي حتى في الذكاء
على فكرة.. اني دماغ نابغة وشطورة هلبا في قرايتي رغم إهمال خالتي وانها متهتم بيا وجرتنا هيا اللي تنظف فيا ودرس فيا في العربي لاني منهبش العربي بس جارتنا رحاب ماعندها بنات تحبني زي بنتها ولم كنت بشهادة الابتدائية نجاحت بامتياز والترتيب الأول على المدرسة. وعطوني شهادة تقيدر وطلبوا من ولي أمري يستلمها وخالتي رفضت تمشي لان ابي بالصحراء
حتى انها متعرف ليش ومشت معيا جارتنا اللي هيا معلمة باللغة العربية في نفس المدرسة.. ولم رجع ابي حكاله جارنا
وخالتي نكرت وقالت كانت مريضة واني مقولتلها واني نكذب
وابي ضربني وهزبني فوق هاذا طلب مني نبوس رسها ونعتدار منها. ومن يومها زاد كرها ليا مش لان ابي عتب عليها لا
لاني جبت امتياز.. واللي كذبت على أبي انها قرتني وتعبت على دراستي واني نكرت جميلها عليا ونكدت على ابي
ومرات الايام وشهادة الاعدادية نفس الشي جبت امتياز وبتقوق بس مشي أبى يوم كرمتني المدرسة وخالتي قعدت تنق على أبي باش يحول من الشقة لان فاكرة جرتنا ريحاب هيا سبب نجحي.. ودرات مشاكل معها ومنعتني من الذهاب لي بيتها وحولنا وصارت تقولي قري خوتك اللي يكرهوني وتطلب مني اشياء فوق طاقتي ونظف نطبخ باش تشغلني على قرايتي.. ومع هاذا نجاحت في الشهاذةالثانوية
بتفوق وجبت الأولى على مستوى طرابلس.. وباسم وابتسام رسبوا للمرة الثلاثة إعادة سنة واتين صارت زيهم بي اول عدادي.. لأنها ذكية زي وحتى شكلها لهاذا امها متميلش ليها
لأنها تشبه امي هلبا حتى اكثر مني..
لم طلعتي الإفادة ندرس خارج ليبيا.. عبت راس بوي وقف ضدي وحرمتني من الدراسة خارج ليبيا.. وخديت المنحة ودرست في جامعة طرابلس قسم جولوجيا نفط حتى الجامعة كانت تبي تحرمني منها بسبت انزوجوها وخير مادير المصيبة في الجامعة وتحب شي واحد. اندير العار
المهم.. في هاذي ابي رفض وقف معيا وكنت كل يوم نظف البيت و الجنان وفوق هاذا نطبخ الغدي والعشى والعزومات وقت الامتحانات بس اني كنت ذكية معاش نقولها على موعد الامتحان وندرس بالليل لصبح ونروح نرقد ونظف البيت
على فكرة يدرس معيا ورد ابن رحاب جرتنا في نفس الكلية
واني سنة رابعة وفي امتحانات السميستر القبل الأخير ..
🥀نبدأ قصتنا وبدايت عذابي🥀
ورد... ها ليان قدمتي كويس
اني.. بعون الله ممتاز قول
ورد.. أه كيف تقدري توفقي مع خالتك الشريرة
اني.. هههه خذيت عليها.. كيف حال خالتي رحاب
ورد.. بخير لاهيا بتمشي للعمرة هيا وبابا بعد بكرة
اني.. سلملي عليها ومشيت نجري لان الباص اتصل انه وصل
واني خارجة نصدمت بدكتور
اني.. أسفة دكتور احمد
الدكتور.. ولا يهمك عادي
ومشيت نجري
ورد.. الباص وصل خايفةتعطل يفوتها
الدكتور.. إن شالله جوابت
ورد.. اي طالع لجدي
دكتوراحمد.. هاذي حبيبتك
ورد.. لا جدي صديقة بس نعرفها من الطفولة كنت نتنافس انا وهيا على الترتيب رغم اني امي دراس فيها
احمد..اي من سنة اولا لفتت انتباهي لذكائها
ورد..تعرف انها حصلت على ايفادة تدرس خارج البلد بس ضرفها الصعبة منعتها
احمد.. خصارة احكي نسمع... ورد حكله كل شي من غير تفصيل باختصار
.....
اني.. السلام عليكم
صاحب الباص.. آخرة مرة تتاخري
اني.. تمام اليوم اخر يوم
صاحب الباص.. والله بنشتاقلك يامشفشفة
اني.. خاليك في حالك
صاحب الباص.. هههههه متتغيري توضعي
وصلت لبيت
خالتي..هو كل يوم تتأخري انتي تعرفي الساعة كم توا
اني.. غدي وطيبته قبل نمشي ونظفت البيت
خالتي.. في ناس جاين اليوم
اني.. من هم
خالتي.. جاين يشفوك
اني.. الموضوع سكرنه من زمان .. زوجي بنتك كان عاجبينك
خالتي.. انتي اللهي في روحك وخلي بنتي في حالها واخر مرة تدكريها في لسانك من انت باش تقولي بنتك وجت شدتني من راسي وقعدت تريش فيا واني نعيط
ابي.. طلع من داره
بابا... شن في ليش تضربي فيها
خالتي. قولتلها خيرك عطلتي نشغلت عليك قالتلي مادخلكش
اني..تكذب
خالتي.. شفتها شفت قليلت الأدب
بابا.. شن اللي سمعته يابنتي
اني.. نقصد والله ماصار هكي جايبة ناس يخطبون قولتلها مانبيش نتزوج
خالتي.. تخشى يشفوك غصب عنك
اني.. قبل مانتخراج زواج لا لا فاهمة ياخالتي
بابا.. امشي غيري حوايجك وتغذي
ومشيت
بابا.. خيرك سناء أصبري عليها السمستر هاذا بس وتكمل
خالتي.. تتزوج يعني تتزوج لأمتا بنتحملها ونتحمل لسانها الطويل زي امها ورافعة خشمها لسماء.. من تخساب روحها
بابا.. الله يرحمها
خالتي.. بشوية الله لايرحمها هيا وبنتها بسبب تعاستي
بابا.. الله يهديك وخش داره
وجوا الناس ورفضت نطلعهم.. وصكرت على روحي الدار خاصة أن بابا طلع براء البيت ونسي هاتفه في البيت
خالتي.. سامحونا.. عندها امتحان ومشت تقراء عند معلمة
الضيوف حصل خير ماقولت ا امتحانات كان هاذا أجلنا الجاية وروحوا
خالتي.. قعدت الطق ع الباب واني ارفضت نفتحه وهيا تسب واطق وماخلت ماقالت
باسم.. افتحي ياحيوانة ولا نكسره الباب
ابتسام.. خلوها لم بابا يمشي العمل تعرف حسابها الكلبة
اني.. ميارديت عليهم قعدت نرتب. ونظف في غرفتي ونفرز في كتاباتي.. ورتبت ملابسي ملابس واتين اختي اللي من عام طلعت من دار اختها وجت معيا في داري وحطت كل مايخصها في غرفتي.. تمشي ترقد بس في غرفت ابتسام
لم جي بابا طق عليا فتحت
بابا.. ليش درتي هكي طلعتي لناس وبعدين ارفضتي
اني.. مخدتش رأيي وماقالتلي عليهم حطتني تحت الأمر الواقع
وقعد بابا يهزب فيا ويحط الحق عليا
وتاني يوم وكان اخر يوم في الإمتحانات خالتي سكرت عليا باب البيت بالقفل واني قريب جنيت كان عندي امتحان مزال ساعة بس والباص فاتني وقعدت نبكي.. واتصل بيا ورد.. حكيتله كل شيء
ورد.. خلاص توا نتصرف.. وجي ورد وطق على البيت
اني مافي حد
وخدي سلوم وحطة على شباك الصالة الفوقيا ونزلت من الشباك ومشينا طول للكلية
الدكتور.. تأخير 10دقايق ممنوع الذخول
ورد.. دكتور والله ضرف قوي
الدكتور.. ممنوع
اني... ورد اني اسفة .. دكتور بالهي ماتحرمه وضيع مستقبله بي سببي.. اني توا نطلع بس هو لا ارجوك دكتور وقعدت نبكي
الدكتور.. الطلابة تمتحن ارجوك ياطالبة ماتشوشوا عليهم
ورد... ليش امك ماتت ليش
الدكتور امها ماتت
ورد.. اي دكتور
اني قعدت نبكي وبقوة
الدكتور.. ياحول الله خشوا.. بسرعة
ورد.. خلاص اسكتي وحولي تركزي بالهي عليك
الدكتور.. اي يابنتي عظم الله أجرك واحسن الله عزاكم وغفر الله لأمك
اني... أمين
وخشينا وامتحان والحمد الله كله تمام
الطالب اللي ورأي.. ليان.. السؤال الرابع باللهي عليك
اني..قمت ورقتي باش هو ينقل
الدكتور.. حطي ورقتك لوطا ياطالبة
اني.. حطيت ورقتي وكتبته في ورقة بنعطيها لطالب اللي خلفي
الدكتور.. ياطالبة هاتي ورقتك واطلعي..
اني.. نضت وعطيت ورقتي في نفس الوقت أعطيت الورقة لطالب اللي خلفي
الدكتور.. هيا انتي خلاص اخر مرة فيك تكملي امتحانك
اني... الف شكر ليك يادكتور جميلك فوق راسي والله ماننساه
ومديت ورقتي وطلعت
الدكتور.. قعد يقراء في ورقتي بسرعة
طالبةليان..
اني.. نعم
الدكتور.. مهندس صالح شن يقربك
اني.. بابا
الدكتور.. صار امك ماتت
اني.. اي دكتور
الدكتور.. من عشرين سنة صح.. أو انت بنت المرة التانية
اني.. دكتور ودمعتي نزلت
الدكتور.. امشي اطلعي اجاباتك هيا سبب مسماحتي ليك وسلمي على بابا وبالليل نجي نعزي بوك
ورد.. دكتور تفضل
الدكتور.. وانتي حسابك عند دكتور احمد
ورد.. احكي مع جدي وهو يقولك كل شي سلام دكتور
روحت لقيت خالتي جان جنونها مني وضربني طريحة نباش القبور وقالت لي بابا جي صاحبي طلعني من البيت والجيران شافوني طالعة معه
اني.. انت صكرتي البيت بالمفتاح عليا وتعرفي عندي امتحان تبيني نرسب نعرفك اني
خالتي..شن قصدك صغاري فاشلين تتشمتي في خوتك
ابتسام.. الحقيرة دايرة على حل شعرها اخرتها شباب في بيتنا
هذا الجامعة اللي علمته لك
اني.. انتي خاليك في حالك
بابا.. لا لهني وبس تشوهي صمعتي لا
خالتي... طالعة لي امها
اني.. امي اشرفك منك ولا تحسابي منعرفش.. حطيت يدي فمي
خالتي.. صكتني كف على وجهي قعدت تريش فيا وتسب فيا وبابا طلع براء البيت
وحبسوني في غرفتي عشرة أيام من غير أكل ولاشرب طول اليوم بس واتين كانت دخلي اكل من الشباك وبعدها بوي جي فتح عليا وطلب مني نحكي الشي اللي كنت بنقوله
اني.. شئ سكت لاني قللت أدبي بس
بابا.. اللي يريحك اصلا نعرف انها ماتحبني وانها تكذب وتتفشش فيك ونعرف كل شيء واتين تحكيلي في كل شئ بس مانبي ها تزيد تتفشش فيك لم نكون بالعمل
اني.. بابا انت مصدقني
بابا.. اي يابنتي بس اللي دراتيه غلاط
اني.. والله مافي شئ غلط هو ساعدني باش نلحق الامتحان
بابا.. اي دكتور منير قالي ان امك ماتت.. وضمني
اني.. اي كل يوم امي تموت واني نموت الف مرة معها وقعدت نبكي.
٠٠٠
احمد..ريهام شن صار في الموضوع
ريهام.. ماطلعت البنت قالت عندها امتحان ومشت تقراء
احمد. رافضين تقصدي
ريهام.. لا بعد الامتحانات نتصل ونشوف الموضوع
ورد..جدي انت مستعجل
احمد. لا بس الوحدة انا عارف امك حتى بشهور ناتشوفها وخوالك كل واحد وحياتيه
احمد عمره 48سنة
. دكتورفي الجامعة زوجه بوه بعد الشهادة الثانوية وسافر للخارج قري وجاب بنت وزوز اولاد وبنته اتزوجت بعد الشهادة الاعدادية ورجعت لي ليبيا بس كملت قريتها في معهد معلمات متوسط وصارة معلمة عربي
وأولاده كملوا درستهم الكبير درس طب متزوج وعنده ولد
والصغير جولوجيا نفط زي بوه وصار مهندس نفط متزوج بنت عمه وماعندها صغار وشريرة وتحب الفلوس والمظاهر
ومرته ماتت من سنتين كل مرة بتزوج مايصير بالاحراء كنته الصغيرة تفركش في الموضوع.. وبنته تبي تزوجه وتطمن على بوها والمرة هاذي مصممة تزوجه
الي اللقاء
في الحلقة القادمة
نشوفوا يصير منه الزواج او لا
