زوجة رجل عجوز
🥀الحلقة 5🥀
احمد.. ليش ماعطيتتي رقمك لورد
اني.. ورد شن ذكرك فيه توا..
وحطيت كاس الشاي من يدي
احمد..سمعت حديتك مع اختك امس
اني.. تنهدت.. أه ليش أمس ماحكيت في الموضوع
احمد.. نسيت توا اذكرت لم اتصل بيا الصبح
اني.. الصراحة هو أكثر من صديق وزميل دراسة هو بنسبة ليا بمكانة اخي
أحمد.. اي نعرف بس مارديتي على سؤالي
اني.. انت قولت سمعت حديثي معنها وصلك الجواب وجيت بنوض
احمد. ردي قعمزي ماتنوضي لين نكمل فطوري..
افطري كملي فطورك.. و مسمعتش ردك على اختك لهاذاأسألتك
اني.. حاضر ورديت قعمزت
احمد قولتلها اني متزوجة لازم ناخد أذن من زوجي قبل واذا زوجي متفهمش الوضع منردش عليه اول فرصة نشوفه نقوله الوضع اختلف اني متزوجة وان شالله يسمعنا على بعض كل خير
احمد.. على فكرة بكرى بنتي اتصلت قالت إنها رجعت أمس من العمرة وانها تبي تجي اليوم على الغذي..
اني.. تبني نطيب الغذي نقصد تحب شي معين نديره ليها
احمد.. بطيبي انتي
اني.. اي انت ماذقتش تطيبي لحد توا
احمد.. خلاص ذوقينا
اني.. في حد معها او بروحها
احمد.. في أولادها ثلاث شباب زوجها بيمشي لي امه
اني.. حاضر
ودرت الغذي امبطن وبراك وكسكسي بالبصل وقليت فلفل وبطاطا وحمرت فخض دجاج لم كملت طلعت وخليت مليكة تنظف في المطبخ وطلعت لمعت التحف والطاولات وسعدت مليكة في تنظيف البيت كانت في وحدة تجي تساعد فيها بس لان يوم الأحد إجازتها ماجت.. مع أذان الظهر خشيت للحمام دوشت والبست قفطان طويل ومطرز بالفضي لونه ازرق ملكي وفي نصه حزام من فضي لبست صندل فضي وقمت شعري فوق ومكياج هاذي
احمد.. بنضرت إعجاب صحة
اني.. سلمك كم الساعة قالت بتجي
احمد.. قريب توصل غير علقوا في الزحمة
تعبتي اليوم غذاء وتنظيف الحق ربي يعطيك صحتك
اني.. متعودة اني غير ليا هلبا مرتاحة قريب شهر حركتي قلت
احمد النشط كله وتقولي لالا ربي يحفظك وحضني من الخلف
اني اتكيت عليه وحسيت بذوخة وجع رأس
احمد.. خيرك انتي تعبتي صح
اني.. لا راسي دايخة شوية بس
احمد خودي اشربي وفتح الصندوق بجنب الصالون طلعت ثلاجة خدي شكولاطة منها وقالي كوليها كلها
وراحت الدوخة بس راسي قعد يوجع
اني في حبوب راس
احمد أي بالمطبخ.. وطلع كلم مليكة واني ارقدت على السرير الحق تعبت غير تحشمت نقول تعبت
أحمد.. توا مليكة تجيب الحبوب وصلت بنتي بنطلع لصالة نستقبالها كان تاعبة ارتاحي توا نقولها رحاب مدققش طيوبة هلبا بنتي
اني.. لا عيب كان تعبت نعتدار ونخش داري نوعدك
وطلعت معه
احمد.. حبيبت بابا تعالي وارتمت في حضنه
اني نصدمت هاذي ماما رحاب فكري انشل
احمد.. تعالي سلمي
اني. ارتميت في حضنهاماما رحاب وبعدها بعدتها وجي قدامي ورد.. مصدوم اكثر مني
اني.. ماما رحاب يعني ورد
احمد.. هز راسه بي أي
شديت رأسي وحسيت بذوخة.. وغبت على الوعي
لم فتحت عيوني لقيت روحي على الكنبة ورحاب حضنتني واحمد ورد وصهيب وأياد واقفين على رأسي
احمد.. الحمد الله فاقت
رحاب.. يابنتي نوضي انتي بخير
اني حضيت راسي بحضها وقعدت نبكي وبقوة
شوية تكلم ورد.. ليان
اني.. نضت من حضنها وقفت طول
انت اسكت ولا كلمة منبيش نسمع منك شي ففاهم
احمد فيك تشرحلي
ورد.. احمد صار احمد.. انتي من كل رجل العالم ماأخرتي تتزوجي الا جدي.. ليش جدي احكي
اني.. واني شن عرفني انه جدك ياسيد كاتوم اه ولا نذكرك
ورد.. شن بذكريني سكرتي شفرتك وبعدين اعطتيها لي أختك ولم طلبت رقمك قالت ماعندها
اني.. لا والله نذكر انت مني انت مخزن أسراري انت كل شي ليا بذنيا كل صغيرة وكبيرة بتعرفها عليا
نذكرك يوم جيت بنقولك أني خلاص استخرت بنوفق على الزواج بشرط نكمل درستي
طعنتني انك تحب حنان ومن سنه ولا مرة فكرت تحكي... ولا كلمة.. نعرف قلبك وحر فيه وتفهمت الوضع بس ماتقول احمد يكون جدك لا فاهم لا وربي ماننساها ليك ودفيته من قدامي
ورد.. وطي صوتك.. يعني يومها جيتي تشوفي في عريس الغفلة مش بتخدي الكتب والشيتات..
وتاري تسأل فياياسي احمد وتقولي انت تحبها وانت حط عينك عليها ضاقت مالقيت الاء ليان
احمد.. اهداء انت وهيا خلاص ولا كلمة اني تفجأت زيك بيها يوم العرس انت تعرف ماريتها
ورد.. وانتي ماتعرفي صح او خططي باش توصلي لجدي
اني.. ورد لعند هني وبس
جهاد. فهمون شن قاعد يصير
ورد.. السي احمد ارسم وخطط واتزوج صديقت عمري حتى ماعطني علم غدر بيا
احمد مد يده ونزلها على وجه ورد بس اني جيت قدامه والكف جي على وجهي لين طحت وزاد وجع رأسي
احمد.. ليش درتي هكي ليش
اني.. راسي ودموعي نزلت بروحها. الحبوب احمد
وخديتهم من يده وخشيت داري
جت بتخش وراي رحاب
احمد.. رحاب خليها
وعم الهدواء
رحاب.. بابا خش شوفها باللهي عليك
احمد.. لا اعطيها شوي وقت
رحاب.. خش انت ولا نوض اني
ورد.. في نفسه ياريت اني نخش نهديها ونحطها على صدري وتنهد
امه.. ورد عيب عليك اللي درته تشك فيها وفي جدك
ورد.. والله تلخبطت عليا معاش نعرف الصح من الغلط
..صهيب.. تبوا الحق طرف وقوية مسحت على قلبي هزبت ورد وعطته على راسه
جهاذ. ههههههه والله معه حق
ورد.. ضحك اول مرة نشوفها بالعصبية هاذي تي كنت نلصق فيها باش نسمع شن تقول
رحاب.. المراء خدت كف بدلك وانت تضحك ياقلب ميت
رحاب. بابا
بابا.. حاضر وخش لعندي
اني نحدفت على السرير نبكي شوية حسيت احمد فوقي وحضني من الخلف
احمد.. اسف والله ماقصدي
اني.. حول كان قوتلي راهو ماصار هاذا كله.. ليش الصبح ماتكلمت
احمد.. خفت من دز لليلة العرس واني نفكر ونقول ورد عنده علم او لا وانتي ليش ماجبتي سيرته
اني.. قعدت تبكي بقوة ضربتني
احمد.. ليان ياصغيرتي باللهي عليك نوضي ردي الكف
اني سكت ومسحت دموعي وقربت منه وبوسته من فمه بوسة طويلة ولم سحب روحه جبدته تاني وبسته بقوة
احمد مسح على راسي وبعدها حط يده على اكتافي وهمس
هديتي
اني..نضرت له بنضرت استغراب
احمد.. ياريتك صفعتني.. ولا درتي هكي اغسلي وجهك واطلعي نستنا فيك براء
اني.. احمد
احمد.. ولا كلمة فاهمة بعد يروحوا الضيوف نتكلموا
اني مسحت دموعي وغسلت وجه وهو طلع
رحاب.. شن صار
احمد.. شوية وتطلعي هيا طيبة بسرعة تهدأ
رحاب.. اي تربيتي نعرفها
صهيب بصوت وطي لي جهاذ.. شوف فم جدك شكله رضها
جهاد.. ضربه بونية على بطنه
صهيب.. اييييييييييا كسرة شن قولنا حنى
اني.. طلعت وابتسمت وسلمت عليهم انت صهيب صح
وانت جهاد
صهيب.. صح والأخ الحمار ورد.. واشر على ورد
ورد.. صدقت اول مرة تقول الحق.. وضربه على راسه
صهيب ناض جيت بينكم وربي يستر والكل ضحك وتغدوا وكان صهيب هو سيد القعدة ضحك وحكي وتعليق ام ورد مانطق بي أي كلمة موجها ليا واحمد حتى هو نادر ماتكلم لم تتلاقاء نضرتنا يبتسم وينزل عيونه.. وطول الوقت راسي صداع مرة مرة نحط في يدي على راسي وطلعوا روحوا..
احمد.. الحق تفجأت الاكل في قمة الروعة والترتيب والنفس حلوا.. شكلي معاش بناكل الأمن يديك
اني.. الحمد الله عجبك.
احمد..ان شالله يكون عجب رحاب
اني.. ماما رحاب تعرف اكلي ومش اول مرة اضوقه
احمد.. والله
اني.. اي انت نسيت كنا جيران وحولنا بعد الشهادة الاعدادية
احمد.. كنتي تطبخي ومن وقتها
اني.. لا من سادس ابتدائي
احمد.. انضلمتي كثر
اني.. احمد بعد إذنك بنرقد رأسي
احمد.. ارتاحي شوية نكمل ذخاني ونلحقك
خشيت فراشي وبكيت وحطيت راسي تحت المخدة قعدت نبكي وحسيت بيد احمد علي كتفي وقامني
احمد.. ليان نضت معه وحطني في حضنه.. وقال تحبيه
اني.. نصدمت لهدرجة باين عليا
احمد. رد اسألني قولت تحبيه
اني.. حضنته بقوه منعرفش
احمد.. ضغط بالقوة على اكتافي وصار يهز فيا. فقت لروحي شن قوتله وقعدت نبكي
احمد.. ردي
اني.. لا لا منعرفش لا مستحيل عمري ماشفته الا خوي وبس فاهم خوي بس وتوا حفيد زوجي وحطيت راسي بقوة تحت المخدة وقعدت نبكي واحمد ناض قعمز على الصالون
وقعد يذخن ما أرقد نحس بي حركته طول الليل ومع الساعة 7الصبح طلع واني خدني النوم
نضت الساعة 2واحمد مارجع بالي نشغل
... ياربي شن قولت لازم ننكر ونتصرف صح طول عمره عقلي كبير ونقدر نتصرف ونكتم احساسي.. حتى وكان توا خلاص معاش يقدار يتزوجني مرة جده توا الأفضل نحفظ على زوجي ونكسبه خير مانرجع لي خالتي ونضيع على روحي اللي اني فيه واني ماصدقت افتكيت منها
الحق محسيت بفرق العمر تفكيره شباب ويدر في مجهوده نكسب احمد خير مانخسرهم الإثنين وقلبي نسكر عليه وعلى حبه
اتصلت بي احمد اكثر من مرة مارد وقلبي وجعني وقعدت انفكر
...
احمد طلع لشط وقعد يفكر في علاقتنا لوين بتوصل وعرف قصدي اتأكد أن ورد يحبني.. بس قاعد مشوش من ناحيتي معرفش شن شعوري لان اني نفسي منعرفش
وقرر يصارح ورد ويقوله يطلقها خير ماتقعد قدامة طول عمره يتعذب.. بس هو الحمار اكثر من مرة سألته ويقول أختي
اه اه راسي خلاص القرار ليها هيا .. اخ منك يا ليان خشيتي قلبي من يوم عرفتك وتوا سكنتيه وجددتي نبضه وسكبتي في شراينه عسل وشعيراته شهد الحب.. أه منك عمري ماحسيت بالدفئ قلبي اللي يوم عرفتك وهدواء نفسي.. والله ما زعلان ولا راح ازعل منك حتى لو تحبي ورد.. وقوليها ليا بس ياصغيرتي انتي نفسك لتعرفي ماهو شعورك نحوه
واركب سيارته ومشى لجامعة ونزلي المواد وارجع لبيت
...
اني قرارت نتصل تاني به وحولت وماردش
مليكة.. ست ليان هاتف الدكتور في المكتب يرن وهو مش موجود
اني.. ياربي ونسي هاتف هني وخديت حذفت هاتف
احمد السلام عليكم
اني.. جيت طول احضنته.. احمد شغلتني وين كنت وليش مش رافع هاتفك ليش عطلت ليش
احمد.. حضني.. كل هاذا خوف عليا
أني.. شن تقول انت رجلي كيف مانخافش عليك ونشغل بالي من ليا غيرك قول.. وقعدت نبكي وراسي يوجعني بقوة
احمد.. راسك
اني.. اي راسي بقوة.. نبي حبه احمد
احمد.. بالك واخدة بردة تعالي وقعمزنا على الصالون في الصالة
احمد. فطرتي
اني.. لا كنت نتصل بيك ولم ميارديت نشغلت عليك
احمد.. ومافطرتي
اني.. توا غدي مش فطور
احمد.. والله لخبطي الأمور كلها انتي نفطرو الساعة 2. و3 ونتغداء مع المغرب. والعشى الساعة و1و2.
اني..هههههه ٠الاسبوع الجاي تبداء القراية وترجع الأمور زي ماكانت
احمد.. اي صح مشيت نزلت لك المواد وجددت القيد
اني.. شكرا ريحتني
احمد.. كنت ماشي نوقع لقيتهم ينزلوا مشيت نزالت لك
وافطرنا وخش ارقد واني قعدت نتفرج على التلفزيون
رن هاتفي.. رقم مش معروف
اني.. ايو من معيا
سوزان.. انتي ليان صح
اني.. وصلتي من معيا
سوزان.. اني خالتك سوزان
اني..تفصل خالةسوزن تبي حاجة
سوزان.. معرفتنيش عندك حقك.. اني خالتك اخت امك وابوك عطني رقمك
اني.. يااااااه توا اتفكرتي.. وحكتلي كل شي وأنهم ماليهم دنب وأنهم حضرو عرسي بسيف على خالتي بصرار من بابا وانها شرطت علينا مانحكولك ولانعرفوا مين نكونوا
اني.. اي شفتكم اللي خالتي ترقص وتغيض فيكم اللي معك جدية صح
سوزان.. اي ومرت خالك
وسكرت وقالت تبي تزورني هيا وجدية
احمد.. حذفني بالمخدة انتي ماتخلي حد يرقد
اني.. حرم عليك شن درت لك ماجيت قربك بكل
احمد.. من بكرى قرقر في الهاتف
اني.. هههههه ورديت حذفت عليه المخدة تبي قهوة
احمد.. شافلي بنضرة تجنن وقال وابتسم نبيك أنتي
اني.. معدلة قهوتك صح
احمد.. اي جبي حاجة حلوة معها
ومشيت درت قهوة.. لقيته يصلي في العصر سلم. جي قعمز لوطا من على الصالون وحط راسه على رجليا وقالي.. اني تبي تستمر علاقتنا صح
