زوجة رجل عجوز
الحلقة 🥀2🥀
مرته ماتت من سنتين كل مرة بتزوج مايصير
بالاحراء كنته الصغيرة تفركش في الموضوع
وبنته تبي تزوجه وتتطمن على بوها والمرة هاذي مصممة تزوجه
.......
اني طلعت من الغرفة وابي مشي لصحراء وقعدت خالتي تنتقم مني نظفي اغسلي ورتبي واطيبي وهزايب وضرب من الصبح وكالعادة يكلوا في سفرة وحدة واني ناكل بروحي زي الكلبة(حشاكم) وتطلع مع بناتها واني مانطلع نقعد بالبيت والصبح تنوضني نشري الخبزة ولدها راقد هو بالشهادة الإعدادية المفروض بالشهادة الثانوية هو اخته وجه الشر
اني. واتين نوضي حبيبتي افطاري وراجعي شن قريتي
واتين. حافظة اختي والله خافظة
اني. حتى وكان راجعي بالك نسيتي حاجة
ومشيت اشتريت خبزة من الكوشة وأرجعت درات فطور وأعطيت واتين فطورها بالغرفة
ابتسام.. جبيالي فطوري
اني طلعت ميارديت عليها وخشيت داري اتكيت على السرير
شوية وخشت خالتي
خالتي.. ليان ليش ماعطيتي ابتسام افطورها
اني.. هيا ناضت
خالتي.. لا راقدة
اني.. لم تنوض توا نفطرها
خالتي. نوضي فزي من مكانك اعطيها فطورها هيا وباسم
اني نوضت ومشيت لمطبخ
ابتسام.. جيبي الفطور في غرفتي فاهمة
اني حاضر.. درت الفطور وخشيت به لدارها وخطيته وراها من غير ماتقولها وطلعت
خالتي عطيتها فطورها
اني. اي من ساعة شوية وسمعتها تعيط وتسب
خشت امها خيرك
قالتلها اني حذفت عليها الفطور
خالتي.. حيوانة
ابتسام.. والله ياماما
اني.. طلعت وخشيت داري وسكرتها بالمفتاح وخالتي ضربت بنتها نعرفك تبي تغيبي لكن والله تمشي للمدرسة غصبا عنك
بعد مشوا
خالتي.. افتحي الباب اطلعي اغسلي الفراش
اني.. مريضة غدوة نغسله
خالتي. اطلعي توا قولت بوك بيروح الظهر اغسلية قبل يرواح
اني.. حاضر ياهمي وقعدت تبكي كانت بطني توجع فيا
وركبت الفراش لسطح وكانت بطني توجع وزاد الألم وقعدت نغسل بشوية ونرقد شوية وكان ولد جارنا يصلح في خزانهم شافني نزل ونقز على سطحنا وعرض عليا المساعدة في الأول ارفضت بس بعد زاد الألم وافقت وهو كمل غسله وجي ينشر فيه شافته خالتي اللي بلغت بابا اللي كان كيف وصل واني كنت تاعبة ومع التعب وغسل الفراش وقيم الرزين زاد الألم وكنت خلاص بندوخ من وجع بطني
ولد جارنا.. انت بخير كيف حالك في حد بالبيت معك انزلي
بابا... ياساقطة شفت بعيني اني
اني.. بابا وكنت..وسكت خلاص الألم شد عليا
خالتي. شفتها ماقتالك تزوجها قبل الدير العار.. نعرفها
ولد جارنا.. شن ترفس انت وهيا اني ساعدتها على نشر الفراشة مرتك الظالمة غصبة عليها تغسلة وهيا مريضة
خالتي. وشكتلك مني هيا
اني.. خلاص بطني ودموعي عبوا عيوني
اني. بابا كذب والله مريضة ومانعرف على شني تحكي مرتك
بابا... كثر خيرك فيك تمشي أنت
خالتي.. وين يمشي
بابا. توكل ياولدي.. ومشى ولد جيراننا
وخالتي قعدت تنق على بوي يوافق على العريس وقلتله هيا سبب تعستنا تطلع من البيت باش تعيشوا عيلة بخير وهنا
وجوا تاني خطبوني وطلعت غصب عني من اصرار بابا
وبابا وافق وغصبني عليه رغم عرف عمره وأنه اكبر مني بي 25 سنة.. وقالي انه مريض ومش دايم ليا وحب يتهنا عليا قبل مايموت ومن هاذا الكلآم واطلعي شوفي حياتك تفتكي من الهم اللي انتي فيه.. حكيت معه اكثر من مرة وكان بابا رافض وقال إن الراجل موافق تكملي دراستك وان سمستر الاخير وحرام يضيع عليك..
اني هذا بعمرك يا. بابا
بابا.. لا عمري لاشئ كل في الأمر متزوج وهو صغير
اني.. نهار أحرف ومتزوج تاني
خالتي. على راسك واللي جوا يخبوا فيك كناينه
اني.. ومحوز ولاده.. وووواه عاليا ووواه قعدت نبكي ونقطع نخبط ونقطع في شعري
بابا... خلاص اسكتي غدوة بيجي يشوفك
اني.. لا ويشوفني كان نعحبه اولا ولا يحلم نطلعله
خالتي تطلعي بسيف عليك
اني. نشوفوا.. ولا نقولك أي أي خاليه يجي باش نقوله في وجه يستحي على حاله
وخشيت داري واليوم اللي بعده اتصل ورد وقالي النتيجة بتطلع غدوة.. قضيت الليل كله دموع وبكي ونضت الصبح، مشيت للكلية.. ولقيت ورد قدامي
اني.. هلا ورد كيف حالك
ورد. بخير انتي ليش وجهك هكي خيرك
اني.. شئ شويت تعب بس ونزلت دمعتي مني
ورد. مرت بوك
اني.. في غيرها
ورد. شن دارت المرة هاذي
اني. اها ياورد جايبة عريس جديد
ورد.. صار المفروض تتعودي عليها كل مرة تجيب مش جديد عليها
اني.. الجديد بوي موافق عليه
ورد. شوفيه واذا قال تكملي دراستك وافقي كان ولد كويس
اني.. تي هووو.
حنان جت تجري. ورد ليان طلعت النتيجة طلعت
اني.. حنان شني قولي بسرعة
ورد.. ههههه شني اكيد معدلي اكبر منك
حنان.. لا
اني.. والله ههههههههههه شوفت
حنان.. حتى انتي لا
اني.. تي احكي ولا نقولك بنمشي بروحي
حنان.. تعالي نقولك
اني.. شني
حنان.. انتي ماصفتيش
اني.. كذب وقعدت نبكي ودمعتي نزلت بروحها وقعدت نعيط بقوة وبصوت عالي
حنان.. اسكتي اسمعيني اني اسفة
ورد.. حط يده على كتفي اهدي خلاص باللهي عليك اهدي وأتى حطيت راسي على كتفه وقعدت نبكي بقوة
ورد.. توا خالتي تنفذ مخططها
ورد.. اهدي
دكتور احمد. شن في خيرها تبكي
حنان.. دكتور كنت نبصر عليها وقوالتلها انك ماصفتيش
ورد.. تبصري. يعني نجحت
حنان.. اي كيف تصدق انها رسبت انت وهيا
اني.. قربت منها تحكي جدا
حنان.. اي حبيبتي
اني.. سمعت ورد
ورد.. اي بس من معدله اكبر
دكتور احمد.. ليان طبعآ
اني.. صح دكتور
دكتور.. اي صح بس بنسبة بسيطة
اني.. مسحت دموعي وضربت حنان بالشنطة ع رسها وشوطها تيرووو لين عيطة
وشفت لدكتور تحشمت منه.. وهو ضحك بقوة
اني.. ورد باي سلملي على خالتي رحاب ومشيت نجري
ورد.. الله يسعدك يارب
دكتور... ورد تحبها
ورد.. اي بس مش زي مافي راسك
حنان.. اي دكتور والله نغار منها
دكتور. . شن دخلك انتي لتغاري
ورد.. حنان تكون زوجت المستقبل كان امي وافقت
دكتور.. مش نوافق اني قبل
حنان.. قعدت تشوفه وتراجي في رده
دكتور مش موافق مافيش دعي تكلم امك.. اذا كانت ليان موافق
حنان.. نزلت دمعتها وخدت شنطتها وناضت بتمشي
ورد.. استنى حنان متمشيش
دكتور..بس اذا كنت تحبها اني موافق
حنان.. مسحت دموعها
والدكتور.. هههههههههه رديتلك مقلبك في ليان
ورد.. لا جدي انت طيحت قلبي اني متفقين عليا انتم
زعلت على ليان وتوا حنان
..
وصلت لبيت وبشرت بابا بنجاحي
خالتي.. حاجة كبير اخرتك زواج وبيت تخدمي رجلك وصغاره زيي
بابا.. سناء خلاص الف مبروك يابنتي
اني. وعدتني بي إيفون الاخير انت
بابا.. إن شاءالله
خالتي.. إيفون في عينك يجبه لك رجلك
اني. بابا
بابا. يصير خير يابنتي
خالتي.. خير هاتفها هاذا العام اللي فات شريته
توا ساد بتاتك ولا نسيتي مصريف العرس انتي
واتين.. الف مبروك انتي وعدتني تعطيني هاتفك كان نحجتي وبابا شرالك آيفون
اني.. هو ليكي ياعمري وضميتها وبستها
خالتي.. اي اي منعرف الغلا الكذاب هاذا امتا يكمل
ابتسام.. والله كان شرتلها حتى إني زيها.. دلعها على حسابنا لا
وباسم.. واني
خالتي.. اي معهم حق خوت زي بعض
بابا.. انتي قولتيها زي بعض خالي ينجحوا ويصير خير
واتين.. هههههههه قصف قوي بابا هههههه
اني. شديت ضحكتي خير متنقلب عليا وتم بطريحة من خالتي
باسم.. ضرب وتين كف وجي بيريش شعرها اني دفيته وحطيتها خلفي.. جي بيضربني دفه بابا
وقاله.. ابعد يدك لان كسرها
خالتي. خير مع الولد شن دار
بابا. شي ضرب اخته
ابتسام.. خلي يربيها ام لسان ناقص هيا بس
بابا.. يربي روحة واني مزالت مامت اللي بي ربيها ولدك
خالتي.. ولدي.. ورن هاتف خالتي
خالتي.. الووو اهلين ريهام
ريهام.. عمي قال خلي نكمل ونقرو الفاتحة ونحددو العرس قبل السمستر ومشروع التخرج
خالتي.. اي ان شالله توا نتفهم مع بوها ونبلغك امتا تجوا
ريهام.. غدوة اني نتصل وبنسمع منك مايسر ان شالله
خالتي. تمام بعون الله... وصكرت
بابا.. شن قالتلك
خالتي..يبي يجو يقروا فاتحة وحددو العرس
بابا.. لا يحدد العرس الفاتحة قبل الحفلة بيوم
اني.. بابا خلي بعد السمستر العرس
باسم.. تي امشي القلبي وجهك من علينا اف عاد
بابا.. لا عطيت كلمة للراجل اني تكملي عنده
اني.. قعدت نبكي وخشيت داري
بابا.. تعالي
خالتي.. خليها توا تسكتب ان عرفها دموعها ميكملوش
واتين.. بابا اشتريها اكس مكس.. توا توافق
خالتي. اول مرة تقولي كلمة في وقتها اي صالح امشي اشريلها باش تطلع للناس وماتفضحنا
باسم.. حتى إني
خالتي اسكت ان توا مش وقتك خلي نفتكوا منها قبل
بابا.. شن حسك قولتي
خالتي.. لالا امشي اشريلها الهاتف هاذا الاخير اللي قالت عليه
ابتسام.. اي تخدمي على مصلحتك تبي هاتفها ايفون إكس
الحقير تاخد شن تبي من بابا
خالتي.. سكري خربتك لو تنجحي زيها كان خديتي احس منها
باسم.. قوالتك اخرتها رجل عجوز تخدمه ههههه ممرضة ليه
اني.. سمعته.. وقوالتلها حسبي الله ونعم الوكيل فيك وفي أولادك
خالتي.. تدعي عليا وخدفتني بشبشب اللي في رجلها
هربت خشيت داري نجري وسكرت على روحي لا تاني يوم الصبح طلعت نبي نمشي لجامعة بناخد بعض الكتب والشيتات متع السمستر الجاي باش نحضرهم ونقراهم على مهل وخشيت لمكتب دكتور منير
اني.. السلام عليكم
دكتور منير.. وعليك السلام يابنتي تفضلي
اني.. كيف حالك دكتور احمد
دكتور احمد.. بخير الف مبروك النجاح
اني.. الله يبارك فيك
دكتور منير.. وين الزردة
اني.. مش خسارة فيك توا نكلم بابا يجيبها
دكتور احمد.. ربي يسعدك ومدلي بعض الشتات وكتب وقال
دكتور منير طلبهم مني واني منعطي لحد قبل بس لم قال ليان قولت تستاهل الحق انتي جديرة تاخدي كتبي
اني.. شكرآ وخش ورد وحنان وهو شاد يدها والضحكة مالية وجها
ورد.. السلام عليكم
ورد.. ليان ماقلتي بتجي اليوم
اني.. متوقعتش تشوفني صح وشفت لي يديهم
ورد.. سحب يده وقال لالا بس استغربت كنتي تقوليلي لم بتجي
اني..كنت انت قولتها..شكرآ دكتور احمد ودكتور منير وطلعت نجري من المكتب
ورد. ليان استنى وطلع ورايا.. ليان ليان شن في قولي
اني.. شفت لي حنان كانت جاية وره.. من امتا انتم على علاقة
ورد.. من سنه
اني.. ماخطر على بالك تقولي سنة
وانتي ياصاحبتي امتا ناوية تقولي
حنان.. مجتش فرصه وبعدين لازم نحكيلك يعني
ورد.. حنان خلينا بروحنا لو سمحتي
حنان.. نعم نخليك بروحك معها
ورد.. قولت امشي خلينا بروحنا وكان صوته عالي
اني.. قعمزت على كرسي وحنان مشت ورد جي جنبي وقعمز
ورد.. والله كان شعور من طرف واحد ولم اتأكد منه كنت بنقولك بس خفت نجرح مشاعرك
اني.. ليش انت خوي ونتمننالك السعادة كيف تجرح مشاعري
ورد.. مش عارف نحس في شي بينا اقوة من أخوة انتي صديقتي واختي وكل شي منبيش نخسرك سامحيني غلطة صح لم ماقوتلك
اني.. لا كنت نقولك كل صغيرة وكبير انت كنت عايش معيا كل لحضة يوم تحب وقلبك يتحرك متقولي ماتشاركني فرحتك
ليش ورد ليش حتى انت طلعت زيهم خايف نحسدك خايف نكون مش قد المقام.. لا وحنان صديقتي الروح برواح
اتاريها كانت تسحب مني في الكلام انتي تحبي ورد في شي بينكم انتي منين تعرفيه انتي شن شعورك نحوه كانت تشكك فيا في مشاعري نحوك وتقولي فكري.. تريتها تجس في نبضي اكيد هيا قلتلك متقوليش صح.. تتهناء بيها ربي يسعدكم
سلام أخي
ورد.. تعالي انتي مش زعلنا صح
اني.. لا من اني باش نزعل الف مبروك سلام بابا قريب يوصل
ورد جي قدامي ومنعني نمشي
ورد.. ليان شن صار في موضوع العريس
اني... ههههه اسفة نحب نحتفظ بخصوصية الموضوع لان منبيش حنان تعرف اخباري
ورد.. ليان انتي تحكي جد انتي تشكي فيا ننقل خصوصياتك
اني.. ورد وشفت لدكتور احمد جاي قريب يوصل
ورن هاتفي
اني.. الووو بابا طالعة سلام.. وطلعت
ورد ليان استني
دكتور احمد.. خيرها تعركتوا
ورد.. جدووو خليني في حالي
جده.. تحبك البنت
ورد.. اسكت توا تسمعك حنان جاية
جده.. اوكي باين عليها
ورد.. تي بعمري واختي وهيا اكدة هاذا لي توا غير زعلنا لان اني وحنان في علاقة من سنة وهيا ماعندها علم
جده.. معنها انت تحبها وخفت على مشاعرها
ورد. لا حنان اللي طلبت هاذا مني ياريت ماسمعت كلامها اف غير الموضوع حنان وصلت
....
اني قعدت نبكي ولم وصلت لي بابا مسحت دموعي
بابا.. خير ليش تبكي
اني.. لالا مافي شئ
بابا.. اكيد موضوع العريس صح
اني.. في غيره بابا فكر والله بتضلمني انت
بابا.. انتي تبي واحد نقصد في حد بحياتك
اني.. بابا انت تحكي زي خالتي
بابا.. لا والله نخقد كان في حد قوليله يجي يخطب واني نوافق عليه
اني.. ياريت في كل همي دراستي بس عمري ماعطيت وجه لحد صدقني بابا
بابا.. معنها خلاص سكري الموضوع وارضي بنصيبك
اني.. سكت ودموعي قعدت تنزل.. بس مش من كلام بابا مش فارقة معيا المهم نفتك من خالتي
دموعي سببها ورد ليش زعلت لنكون نحبه او في شئ
الي اللقاء
ونترقب شن بيصير ليان في الحلقة القادمة
