أنقلاب

البارت الاول🖤

بسم الله الرحمن الرحيم
اول رواية ليا بأذن الله
إنقلاب🔥

الكاتبة: العفريت الملائكي🦋

..............................................................
(وتين.. تعالي نننزلو خلاص ليل
وتين : لا بنقعد شوي
ليال: انشالله تيبسي وتولي كباب مجمد مدخليش اني نزلت باي 🙂
( غر تعالي تعالي شوفي فيسع ي ليال اججري
ليال: جيت ي مخلوعه شن فيه
وتين: شوفي الطرف الاغبر واككك🔥🤤
ليال: جت عينه ف عينها و وخرت ( مش كانه هدا حمزة يلي كانو جيرانا قبل لايربي لا ميطلعش هوا )
وتين: خيرك سرحانهه يكلبةة
ليال: لاش شي غر نتفرج ع جماله
وتين: معاك حق يكبدي ي هكي الانتاج ي بلاش🤤 حييي انزلي فيسعع عمي عادل شااافنا
ليال : حيعلمنااا كله منككك... ونزلو طيارة للحوش وخشو داخل 😂🔥
.................................................
نتعرفو ع ابطالنا🤤❤
ليال: عمرها 18 .. قصيرة.... ..جسمها متناسق... شعرها طويل وكستنائي وكيرلي... عيونها بنيات ..حنطية .. بنت وحده بين زوز خوت

خوتها: أحمد.. م 95 ابيض طويل نقشه عادي وحنين وعلاقته حلو بأخته وخاطب❤
وزكريا م 98: حنطي عنده غمازات نقشه حاد جسمه معضل وحشيشته الهياجه والتفاهه بس مش بتع بنات وبنداق 😂😂 بس لما تطيرله يحرق الدنيا
........................................................
بوها؛ صالح تقدرو تقولو عند الغلط مايعرفش حد
عنده كم معرض سيارات وفيلات للإيجار ويخدم ف النفط
...............................................................
امها: وصال امها طيوبة وتحب الخير🤫😂❤
…………………………………………………
وتين: البيست فرند بتعها ونديدتها و الزوز مع بعضهم طيور شر و للموت مع بعض .. متوسطة الطول..جسمها عادي..بيضاء.. عيونها عسليات... شعرها كستنائي مع خصلات صفر قصير ... اصغر حده ف خواتها ..تافهه زي صاحبتها مزاجية ونكدية وعصبيه كوكتيل مشاعر . 😂🔥
عندها اختين دنيا و ديما وخو صغير. معتصم.
دنيا.. تقرا طب تانية جامعه ..مواصفاتها. حتى هيا بيضاء وشعرها طويل وعيونها خضر طبعا اختها ديما نسخه منها بس عيونها زرق بس الفرق بينهم سنهه .. ديما مخطوبة لولد عمها وهيا طبعها هادي وع حالها اما دنيا دابها داب قرايتها لا تهش لا تنش
معتصم يقرا 7 ابتدائي
بوهم: عامر يخدم ف الدولة ومش منقص شي ع صغاره ويحبهم ويشوف فيهم بالدنيا وطيب ووسيرته كويسه بين الناس
امهم: نيروز حتى هيا هادية ونقشها حلو وقنين وتبان اصغر من عمرها ع حالها وهدرازة واهم شي تعرف اتطيب🤤❤
وحقه نسيت اقارب ليال ووتين ❤
باقي الشخصيات نعرفوهن القدام
………………………………………………
نزلو يجرو ويضحكو لدار وتين
ليال: خشي معاي خ ناكل جيعانه بنموت
وتين: انتي هدا هوا ماكلة ماكلة مرات نشك ان امك جايباتك ع طاولة المطعم 🙂
ليال: هاهاها الحسد الحسد بطلي تلكليك وريني ماكلتكم 🙂
وتين : اهوني قدامك شوفي خ نمشي نجيب فوني
ليال: به🙂
طلعت وتين لدارها وف الطريق تسمع ف امها تتكلم نادتها
وتين :ماما يماما ي اممممي ايحح مسمعتنيش خ نشوف لما طلت شافت امها تسلم ع مرا وتقولها تفضلي قعدت تحاول تشوف مابانش وجه المرا مشت وفاتتها
………………………………………………
نيروز: تفضلي خشي اناستينا
نعيمة تكون سلفتها: زايد فضلك غر قلت نجي نشرب الشاهي عندك كسدت كيف حالكم وحال البنات
نيروز : الحمدلله بخير ... وخشو للمربوعه يهدرزو
………………………………………………
ليال: تاكل ف الفراولة ومنسجمه
وتين: اسمعي تعالي نركبو لداري ياسركك يهمي مفهمتش كيف تاكلي ومتسمنيش
ليال: رزق عمي عامر وله انتي شندخلكك بري وانا لاحقاتك
وتين: هيا فيسع
ليال: هي ... راجي راجي نسيت المشروب
وتين : ربي يكون ف عوني
وركبو لدار ………………………………………………
ف مكان تاني
حمزة: زيدها اقووووى عليهم يااا😂😂😂😂
سالم: يجري بالموطو ويسطرب لين ولعت شرارة ف اللوطا
حازم: انتم مهابيل هل انتم مهابيل مفهمتش اني شن يقولوله هدا
حمزة : خيركك خواف ي ي مستر فلفسه ) سموه هكي لانه دماغه معبي معلومات وتقافه مش زيهم المايعين 🙂)
حازم :اقعدو فيها عندي خدمه غدوة وقت عليا
سالم وقف الموطو بحداهم ودهش من السواقه: وين ي فلفسه
حمزة بيمشي بيروح قال عنده خدمة 😂😂😂
سالم: تي هده تسمي فيها خدمة وهما كلهم ع بعضهم ف الشهر 400 كان تغسل بطون الخرفان من العيد للعيد ارجلك يخي احتمال تبدا مليونير من جرتهم 😂😂😂
حازم : به مليح لكن بعدين ماتجينيش زي الكلب العربي تبي حق مالبورو
سالم: تي نبصر عليك ي فلفوسنا😂😂
حازم: تم تصبحو😂😂
سالم: حمزة: وانت بخير
( الكاتبة:  العفريت الملائكي)
حمزة: لفلي وحده سلومة
سالم: هي دقايق ي كوكوكوبس الرقائق 🤤😂😂
ولفو وشفطو لين تصندلو
حمزة:قول من شفت اليوم
سالم : ام كلتوم ل بيع الثوم
حمزة: تي ضم ي دراه.. تزبطها بنت صالح الدرية هاديكا
سالم: تقريبا اي اي
حمزة: مولية طرف الزح كان نحصل رقمها
سالم : شنو منو برو تاني 🤣🤣🤣 . متنساش ان هيا بنت صالح ال...
حمزة: خدي شفطه من دخانه .. تي باين عليها نية ومر... قطع عليه فونه وهوا يتصل..الو باهي اهو مروح تم تمام
سالم : منو
حمزة؛: امي تبيني
سالم نتلاقو ونتناقشو
حمزة : تم بروي
وروح كل حد لحوشهه
نتعرفو عليهم
حمزة ولد واحد وحيد امه وبوه ولد المامي حالتهم مليحه... طويل ومعضل.. نقشه ع الاسود .. يحب الجري ورا البنات ويحب ينصب ع الناس مش لان محتاج لا لان مكسد🙂💔 وكيف ماشفنا صحابه فلفسه وسالم مستحيل يتفارقو وكل شي مع بعض ومع الاحدات تزيدو تتعرفو عليهم ………………………………………………
وتين رقدت واما ليال فاتحه الفيس تتصفح شوي وتفكر ..
..فلاش باك...
قبل كانت ليال تموت ف شي اسمه حمزة بس مش مقايله لحد بسبب ان بتع بنات وصايع وهكي.. وكانت عارفه ان ح يذلها بمجرد ان يعرفها تحبه ف دست حبها ف قلبها )
تلفتت ع اليسار وبترقد سمعت اشعار من فونها رقدت وفاتاته
………………………………………………
حمزة: كان يقلب ف فونه فجئة.. حيي حييي تي كيف صار شورها ايميلها هددا تي احلى صدفة صارت هيا خ نبعتلها ادد.
.. بعتلها وقعد يراجي ف القبول لين نعس
………………………………………………
ف مكان تاني
البنت: ارخخيني بالله عليكك مددرتش شي انني ليشش تديرو فيا هككي
مجهول 1: ضمي فمك بلا دلع نسون واعطاها كفف قريب كسرلها رقبتها لين داخت
مجهول2 : تي مش هككي ي حماااار تقتتتلها
مجهول 1: دخلها لدار وضم فمك
مجهول 2: انت عارف لو سمع بيك الاستاذ يحطك ف حفرة ويولع عليك ف..
شوي رن الفون
مجهول 2 : الو ي استاد اي اي قاعده معانا حاضر انشالله تؤمر
وسكر الخط.. قال حطوها ف الدار وردبالكم عليها
لوحو الماس ف الدار وسكرو عليها كانت حالتها متبهدلة
قعدت ساعات لين فاقتت بروحها
شوي انفتح الباب وخش واحد مش باين إلا جسمه
الفهد: شنو مرتاحه ي ي حلووة
الماس : طلعوننني اني مدددرتش شيي وناضت تضرب فيه
بس فيسع ماطاحت لان معندهاش جهد
الفهد: ههههههههه هيا هكي خليك اهني لين تبدي جيفه
طاحت الماس وقعدت تبكي لين نعست
وتسكر الباب
………………………………………………
الفهد بينه وبين نفسه انا عارف ان هدا غلط بس الدنيا تبي ضمير ميت عيتت وانا ناكل ف الكفوف زمان
طلع لجنان الفيلا
الفهد اسمعوني انتم الزوز ال....
نكملو الحلقه الجايه 🌝❤