أنقلاب

البارت 6🖤

……العفريتة الملائكية 🖤
…………………………………………
س 9.15
فهد: شاد يقرا ف الملف يلي جابهوله قيس ومنسجم شوي سمع صوت تخبيط خش لداخل
فهد: بصياح ..اياه علينا شنفيه 😠
الماس: نبي الحمام 🥺
فهد: استغفرالله وفتحلها...بري فيسع ومشت الماس
فهد قعد برا
الماس: مشت للكوجينه فتحت التلاجة يلي لقاته خداته ولقت لاسلكي خدت واحدد وهيا ترعش ع خشت فهد
فهد: خشي فيسسع مش جردينة هيا
الماس: خشت تجري لوحت يلي ف يدها وخلت اللاسلكي
الماس: شادته وترعش وفتحاته
الماس: الووو الووو😭😭
رد عليها واحد: ايوا
الماس : اءء😳
قيس: الو فهد شن فيهه
الماس: ماننيشش فهدد تعاالااا ي قيسس بيقتلني من الجوع بنموتت😭😭
قيس: شنو وخدكك ف امهه رديه كان شدكك لما يقتلك 😳
الماس: حست ب يد ع رقبتها قعدت ساكتهه😳
فهد: دفها بيده جابها ع الحيط..بعياطط.. تححسابيني حمار بتفوتيه علييا ولا شنو 😡
الماس: ك.ككنت جيعانه بس😭😭
فهد: ضممي فمكك تحسابيني جاهل تبيي تهربي وكسر اللاسكلي ع الحيط .. وقلب الدار ويخبطط 😡
الماس: تبكي وخلاص
………………………………………………
كان قيس ف السيارة وبعد سمع التخبيط فصل الخط
قيس: النمم بيقتلهااا هده كان مالحقتش عليها تي مش وصيتها اناااا اخخخ يربيي مااقل ماتفهم 😡
وطار طيارة باش يوصل🙂
………………………………………………
فهد: نوووووضي نووووضي ياااسر دلع بنوووت مشلازمتنا انتي 😡
الماس: ناضت وترععش😭💔
فهد عبى سلاحهه ونحى التأمينهه كان مايشوف ف شي قدامهه لان حركة الماس كانت بتهدم كل شي يبني فيه🤦🏼‍♀️
الماس:.بالله عليك ماتقتلننني ندير اي شي تبيهه 😭💔💔
فهد: كيف بيطلق سمع صوت تقربيع ماعدلش وطلق
الماس: عيطت عيطه قوية وطاحت
فهد ماشافش قدامه إلا الدم قعد مصدوم من يلي داره 😳
فهد: يعيط .لااااا لااااا شن دددرت اننني😳
الماس : جت بحدا قيس ع الارض ومصدومه كلها دمم 😞💔
فهد: قيسس قيسسسس لااااا💔
الماس : قعدت تبكي وتصحصح فيه 😭😭💔
قيس: اهه اه ش شنصار اني وشاد راسه
الماس.: قيس😳
فهد . :. الحمدلله .. خليك تابث نشوف الجرح
قيس: تي لالا مش عميق الرصاصه حفتني حفان حاس بيها ماتدوروش بسيطه
الماس: نحسابكك متت😭😭😭
قيس: مزال مش ميت قاعد ع قلوبكم🙂
فهد: نوضي جيبي حاجات التعقيم تلقيهم ف درج يلي مقابل 😡
الماس: ت ت تمام ..وناضت
قيس: هدا غبااءء ي فهد حاول تتحكم ف عصبيتك لولا تدخلي لكنت قتلتها ودرت رقبةة
فهد: ساكت
قيس: خلاص برا روح انت توا نقعد معاها اني 😂😂
فهد: تم وسامحنا 😂😂
قيس: اسمع نزلي الحاجات من السيارة انا مصاب😂😂
فهد:انت نذل من مصاب🙂💔😂
وخشت عليهم الماس
الماس: شافت لقيس وبعدها لفهد
قيس: تم بروي نزلهم وسكر الباب وخلي الحرس برا 😅
فهد: تم.. وطلع نزل حاجات قيس وروح
الماس: اءء ت ترا نحي تيشرتك 😅
قيس:.باش تتحرشي فيا نعرفك اني🙂😂
الماس: بارد😒😂
قيس:. الحق فيا يلي انقدتك من الموت 🙂💔
الماس: ابتسمت .. شكرا وبدت اتنضف ف الجرح ❤
قيس: وجعاته هلبا لكن قعد عادي قدام الماس باش مايحسسهاش بالذنب🤷🏼‍♀️
………………………………………………
عند ليال وزكريا كيف وصلو للحوش❤
ليال: شكرا
زكريا: من امتى تشكري ولا تقولي ف حاجه باهيه 🙂❤
ليال: حرام فيك وخشت🙂😂
احمد: وين كنتو لتواا
ليال: أءء كنت ك كنا
زكريا: انا طلعتها ندهور بيها
احمد: سكت ...وكل حد خش لداره
شوي زكريا طقطق ع دار ليال
لليال: خش وخش... من امتى عندك دوق😂😂
زكريا: ضمي فمك🙂
زكريا: نحس ان في شي من وراي صاير
ليال: اءء لاء لالا شن بيكون فيه متلا
زكريا:. عالمهم لو في حد ضايقكك ولا حاول يتعرضلك تعاليلي طول
ليال . حست ان وراها سند ومش بروحها ❤😕
ليال: حاضر❤
زكريا: هي خشي تمرقدي🙂
ليال: به🙂
وطلع زكريا
ليال: منغير اي تفكير شدت فونها ودارت لحمزة بلوك وسكرت فونها ورقدت
……………………………………………
عند حمزة بعد ماروح للحوش
حمزة.. اااياه توا كيف بنفهمها يعليك ححصلة ماننبيش نخسر ف امه التحدي🤦🏼‍♀️💔
وخش بيبعتلها ع الماسنجر لقاها مبلكاته 😂😂😂
حمزة: يعليكك هممم احرف 🤦🏼‍♀️💔
وسكر فونه ورقد
………………………………………………
عند وتين: يعليكك قصةة خلاص ضاقت عليها معاش لقت من تحب 🙂
وتينن : لقيتتت فكرة 😂😂😂❤
وتين: باست يدها وحطتها ع خدها.. لك اموت ف ذكائي انا 😂❤ وبعتت مسج لليال وسكرت رقدت
………………………………………………
عند فهد خش لحوشهه ووقعمز تعشى واتكى ع الكنبة يتفرج
شوي طلع الورق وقعد يقرا
فهد ابتسم ع جنب.: كل حد نصيبه ح يجيه بين يديه🖤
وناض فهد رقد
………………………………………………
عند نور بعد يوم معبي تعب
مقعمزة ع سريرها وتتصفح وكيف ماصدقت ان نست موضوع علي شوي يطلعلها بوست صدمها 😳
نور. عيونها طول تعبو دموع وتقرا
(الحمدلله الدي تتم بنعمته الصالحات واخيرا وخخي الغالي خطب وانشالله ربي يكمله ع خير)
...هده اخت علي منزلة بوست ع خطبته
نور من الصدمه دموعها جفو وقعدت ساكتهه حطت راسها ع المخدة ورقدت
………………………………………………
عند قيس ❤
الماس: كملت😅
قيس: شكرا
الماس: عفوا😊
قيس: اء م مش قلتي جيعانه
الماس: لالا عادي
قيس: متاكده 😏
الماس: بايخ 🙂اي جيعانهه بنموت
قيس: هههههه تمام توا نطلب من برا راجي
الماس : شكرا😕
قيس: مش بينا عادي.. وطلب الاكل
………………………………………………
ف حوش ليال ف القبو بتعهم وين مافيه مكتب بوهم
صالح: ككككككيف راحححو منككك فهممممني
الولد : مننزل راسه لوطا ويتكلم ..اء ء ممنعرفش كانو عندي لما شفت الوراقي مالقيتهمش
صالح: النممم كيف بندير انننني اطططلعووو براااا وقعد يخبط ف الدنيا طلعو كلهم وخلوه 🤷🏼‍♀️
……………………………………………
وصل الاكل
العفريتة الملائكية
الماس: توا نطلع نجيبهم اني خليك ارتاح
قيس: شن تحسابي مافيش رجالة ف الحوش
الماس: وهوا انتو تسمو ف روحكم رجالة بعد خطفتوني
قيس: بنفوتهالك ه المرة لاني مضرروب بس😒
وطلع قيس جاب الماكله
قيس: هاكك وتيلنا خ نبلعو حاجه
الماس: تممام
شوي وحطت باش يتعشو
عم الهدوء للحظات ع قولت هاديكا😂
قيس: اء ليا فترة معاك ومانعرفش عليك شي😅
الماس: خ نحكيلك امالا انا بنت وحدهه بين اهلي وعندي توينزي نور ومزالي سنهه ونتخرج هكي ساد ونحب بابا وماما 🙂
قيس : ربي يحفظهملك 😊
الماس: ويحفظك وانت
قيس: انا فتحت عيوني ف الميتم وو.. قاطعاته
الماس: اءءسفه مش قصددي والله انا..😳
قيس: تي لالا عادي خ نكملك عالمهم من يومي وانا كنت هادي
وع حالي لين جابو فهد للميتم وهكي تعرفت عليه وكبرنا مع بعض وبدي خوي الكبير
الماس: ربي يحفظكم لبعض
قيس: سلمك
. قيس :نقولك نكتةة
الماس: أي عادي
قيس: قالك مرة واحد مريض سألوه قالوله ليش ماتاخد الدواء ف موعده ترا قولي ليش
الماس: ليش
قيس: باش ايفاجئ الجراثيم
الماس: هههههههههههههه باااردة😂😂😂
قيس: عادي وقعد سارح ف ضحكتها
الماس.ارتبكت: لالا نبصر حلووة😅
قيس: أي نعرف🙂😂
وسكتو وقعدو ياكلو ف هدوء
الماس: ف شن تخدمو 😅
قيس: الأفضل انك ماتسأليش ع حاجات مادخلكش بيها
الماس: اها تمام😊
قيس: انا شبعت
الماس: حتى انا .. وناضت ضمت وخش كل واحد لداره
………………………………………………
الماس ع السرير وتفكر ف يلي صار
الماس: ليش انا خفت عليهه مع ان نكرهه وهوا مستفز والنبي اسكتي ترا مش تنسي أن خطفك بعدين شي طبيعي ان نخاف لان يوكل فيا وكان مات بنموت من الجوع اففف شنهدا الكلام اكيد بنخاف لانهه خاطف محترم 🙂💔 وشوي وننعست
………………………………………………
قيس يتقلب ف سريره
قيس: قعد يبتسم بروحهه بروحهه 🤷🏼‍♀️😂😂 تي خيرني الزح نتبسم بروحي تقول بقرتي جابت توائم 🙂 وشوي خطرت ع باله صورة الماس كيف تضحكك..قيس الله محلا ضحكتها وااااككك والنبي خ نرقد فيوزاتي انضربو شورهم🙂💔 ورقد
………………………………………………
ابطالنا رقدو كلهم وفي اسرار جديده بتطلع وبتنقلب الموازين 🤷🏼‍♀️🔥
………………………………………………
وأشرقت شمس الصباح والعصافير تزقزق والهواء منعش وينعنش نبصر يودي جي الصبح وخلاص🌝❤
………………………………………………
عند وتين ناضت الصبح بكري وهده مش من عوايدها ضمت وببخرت وصلت وقعمزت بتفطر
امها: مشالله ع بنتي شن جاكك😂
وتين: يلي جاني جاني وبلاني 🌝
دنيا: الفلاحة وراها حاجه
.وتين : الهي ف روحك ي دودة الكتب بلا يباري 🙂
ديما: امتى بتعقلي
وتين : لما تتزوجي 🤷🏼‍♀️
ديما:: حقهه ماما مالقتيلهمش
امها: اهو بنقول اسمعو العرس بتع اختكم بعد سبوعين ف ح نبدو نوتو من توا
وتين : واخيرا بتفضالنا مساحة ف الحوش🙂
بوها: شن رايكم تطلعو من اليوم
امها: أي تمام عادي
بوها: وتين بتقعدي مع خوكك را
وتين: ف خاطرها خخشيي.. 🤷🏼‍♀️😂لالا شن بنقعدد نبي نمشي
بوها: كلمة هيا
وتين: باهي حاضر..
دنيا: وانا بنقعد عندي قراية
وناضو من السفره ومشو يوتو ف روحهم
خشت وتين لدارها اتصلت ب ليال
وتين: ايوه
ليال: معاك
وتين: اسمعععي تعااالي اليوممم ضروووري وسكرت الخط
………………………………………………
عند ليال ناضت ع مكالمة وتين ...
ليال: ايااح قصة توا كيف بنقنع ماما .. يلا ماعلينا خ نقولها ياببيها اي ي بيها لا
وناضت كلمت امها وقتلها به بعد مليونين محاولة 🤷🏼‍♀️
………………………………………………
عند حمزة كيف ناض من النوم وبيمشي يروح بأمه من حوش خالته
ناض فتح فونه يحساب ليال نحت الحظر
حمزة: اياااه علينا صبح مغبر كيف بنديرلها اهيا توا 🤦🏼‍♀️
احسن.شي نروح بأمي بعدها ساهل
...ومشي لبس حوايجهه ومشي باش يروح بأمه
………………………………………………
ليال لبست وكملت وطلعت من الحوش اتصلت بوتين
ليال: ايوههه اطلعيلي اوقفي ف نص الطريق يلي يشوفني يقول عباتت قوايل
وتين: ي ودي تعالي بلا جو زايدد مانيش طالعه 🙂
ليال: مبردكك وربي وسكرت وهيا طايرتلها ع خطمت استاذ الفساد
………………………………………………
حمزة يسوق تلفت يشوفها قارنه حوابجها 😂🤷🏼‍♀️
حمزة: هههههههههه شورها طايرتلها
ليال:.قلبت عيونها وكملت طريقها.. ..
حمزة: ماشي توا تشوفي🙂
وقعد يتبع فيها لين وصلت لحوش وتين وف نفس اللحظه طلعو اماليها 🤦🏼‍♀️💔
وبعدها كمل.طريقه لأمه
………………………………………………
وصلت ليال: اطقطق ع الباب
وتين: هيا جايهه
ليال : طيب فيك
وتين:.مكثر كلامك خشي🙂
ليال: خ نسلم ع اختكك
وتين: تلقيها بحدا كتاباتها
ليال: تصدقي نحس كان تاخدي واحد من كتاباتها تلقي وجها لاصق فيه منكتر ماتشد فيهم🤷🏼‍♀️
وتين: حيوااانه😂😂
مشت سلمت عليها وخشو لدار يهدرزو
………………………………………………
العفريتة الملائكية
حمزة كيف وصل لحوشهم
امه: صحيت ي ولدي
حمزة : سلمك ياغالية❤
حمزة؛ امي انا بنطلع مش ح نتغدى اهني
امه: تمام وليدي ردبالك ع روحكك
وطلع كلم حازم وسالم.. ..
………………………………………………
عند وتين
وتين: شوفي جاي كيف بنربوه هدا
ليال: قبل ماتدوي خلينا نطلبو حاجه نبلعوها
وتين: تمام 😂😂
وطلبت وتين وليال
وتين : طبعا المخاليق هده النسونجيه ماتمشيش معاها إلا طريقة وحده هيا الاستكراد تسمعي بيه مثل استكرد البل يطاوعك بس هوا مش بل هوا كلب 🙂 ع المهم بتبدي تتعاملي معاه بجفاف..و. وبدت وتين الشر تحكيلها ع شن بدير
ولليال منسجمة ع اتم الانسجام
………………………………………………
ف الوقت هدا تلاقو تلاتي المصايب
حمزة: ي بروات نبيكم ف حاجه تجو معاي
حازم وسالم:.معاك ي تشم🔥
حمزة: كاتينة حديد ي تشمات😏
حمزة: نبي نقنعها اتنحي البلوك
حازم وسالم: وكيف هيا😂😂
حمزة: خلوها عليا😏
استنو دقايق لين شاف حمزة بتع الديلفيري
حمزة: ي ولاد شدوه
حازم وسالم: بعقلك 😳
حمزة: معاي ولا لا
الزوز : معاك
ومشو حازم وسالم شدوه كتفو الراجل وخدي حمزة الطلبية وطاقيته وحط ف وسط الشكارة رقمه وطقطق ع باب وتين
………………………………………………
وتين: مش كانه عطل وله
ليال: وهلبا
طق طق طق
ليال: اهو جي توا نفتح اني
ومشت ليال بتفتح الباب
مدت ليال يدها باش تاخدها قعد شاد الشكارة
ليال: ع عفوا
حمزة شبحلها :.اهلا😊
ليال: شندير اهنيي😳
حمزة: نخدم شن عيب الخدمه
ليال: كداب😳
حمزة: نبصر فكي البلوك
ليال: لا وبرا من اهني لوسمحت
حمزة: اوكي انا بنقعد قدام الباب خ يجو الجيران ويشوفوك ويديرولكم العار 🤷🏼‍♀️
………………………………………………
ف اللحظه هده طلعت دنيا من البلاكونه جت عينها ف عين حازم ارتبكت ابتسملها ❤
………………………………………………
سالم: اخخخ يقلبي امتى نتزوجج
سالم: تي ي هو وينكك
سالم: تلفتله لقاه يبتسم وشاف دنيا :وهعلياا شدير ي واد دا انت فسدت بالرسمي 😳😂
حازم: ضحكك بعد مابادلتله دنيا الابتسامه وخشت ع السريع
حازم: اخخ ي قلبي
سالم: كلمتي ي وسخ 🙂
حازم: مكمل ف سرحانه وماردش عليه
………………………………………………
خشت دنيا ويدها ع قلبها اولمرة هدا الشعور يجيها
دنيا: يالله محلاه❤
ضحكت ع روحها وبعدها قعمزت تقرا
………………………………………………
ليال: باههي هاتت خلاص
حمزة: تلقي رقمي ديري رنه باش نحفظه
ليال: والنبي 😒
حمزة: اماالا ب..
ليال: باهههي باهي
وسجلت ليال الرقم وخشت 🤷🏼‍♀️
………………………………………………
وحمزة خش لسيارة
حمزة: درتها😏
سالم: مبروك😂😂
حمزة شاف ل فلفسه: خيره هدا😂😂
سالم: خليه هدا عاشق ولهان
حازم: ضم فمك انت وياه وتحرك🙂
وكملو تنسريف
………………………………………………
خشت ليال تعيط 😂😂
ليال: ووووووووووتتتتتينننن
وتين انخلعت : وهعللليااا الفجي فيك شنفيه
ليال:.لقيت حمززززة
وتين: كيفف😳
وقعمزت حكتلها من الالف للياء
وتين: حلوة لقطته
ليال: زعما يطلع يحبني🥺
وتين: وحتى كان مايحبكش ح نخلوه يحبك😏
ليال: بسبوسه اماالا
وتين: لالا ه المرة كريب😏
ليال: اوكي
و كملو هدرزة لين روحت ليال وجو أهل وتين
………………………………………………
العفريتة الملائكية " ملاحظين ان في ناس مش مساهمين ف الموضوع زي خو وتين الصغير واحمد الخاطب لانهم مش مهمين أصنام لرواية وخلاص 🤷🏼‍♀️❤😂
………………………………………………
عند قيس كان راقد لين فتحت عليه الماس الباب
الماس: صباااااحو🙂
قيس: استغفرالله.. اطلعي وسكري الباب
الماس: نوض ياااسر🙂
قيس: تصدقي متقولش عليك مخطوفهه
الماس: وشن المشكله ف الموضوع اتزاوكيه عادي يعني🤷🏼‍♀️
قيس: يالله ع المصيبة🙂
الماس: ض ضروري تغير الفاشه را😅
قيس: باهي راجي نغسل وجهي ونجي
الماس: ت تمام
.وخش قيس للحمام, حاشاكم, والماس وتت الفطور
طلع قيس
قيس: تصدقي نحسابك بايرة
الماس: السحاب ف السمي
قيس:😒
الماس: م ممكن تقيم كمك لوسمحت
قيس : تمام
ونضفتله جرحهه وفطرو
قيس: تلعبي بلايستيشن
الماس: بشرط تخليني نفوز
قيس: لا هكي ماتجيش
الماس: امالا ملح
قيس: باهي خلاص😒
.وقعمزو يلعبو 😂🤷🏼‍♀️
………………………………………………
عند نور🖤
ناضت نور بكل برود غسلت وجها وصلت ومشت لأمها وبوها بتفطر
نور: صبحخير
امها وبوها: صباح النور ي بنتي
وقعمزت نور تاكل ف هدوء لين كملت وناضت
امها: ي حاج شوف بنتك كيف حالتها💔
بوها: خليها اكيد واكلة هم صاحبتها
………………………………………………
نسيت نقوللكم طبعا بو الماس وامها قالبين الحكاية ولتوا مالقوش دليل🤷🏼‍♀️
………………………………………………
وخشت نور لدارها قعمزت خدت فونها حدفت رقمه وكل صوره قلبها كان يتقطع بالعععرق وكان نازل عليها برود وقوة مش طبيعيه ممكن من كتر الصدمه وطلعت صندوق ف وسطه دكريات لوحت نصه ويلي كسراته كسراته ووصلت في تيشرته يلي تحبه هلبا تأترت شدت دموعها بالسيف كانت مغصوصه بس مش قادرة توقف ماتعرفش ليش تحس ان هده الطريق الصح كملت تشريك وتمزيق وحرق وحدفت روحها ع السرير وهيا تبكي تبكي بقووة ه المرة كانت منهارة لدرجه لا توصف من جيهة حبها يلي خانها وتزوج والجيهة التانية صاحبة عمرها يلي مايعرفوش حتى هيا حية ولا ميتة وبعد مادهشت من البكي رقدت رقدت اهل الكهف 💔
………………………………………………
🖤العفريتة الملائكية🖤: ف حياتنا ضروري ننحطو ف مواقف يكون ضروري نتعاملو بقسوة أو متلا نعفسو ع قلبنا باش نديرو الصح حتى ولو مانبوش صح ح نتوجعو هلبا ونتحسرو ومرات نضعفو ونتمنو ان مادرناش هكي بس بعد فترة ح نعرفو ان يلي درناه صح الصح ونشكرو ربي ان بعدنا ع هدا الشي وقت كانت عيونا معميات وف الاخير ديما قرار العقل صح وردبالكم تخافو لانكم تحت رحمة ربي وربي مستحيل يدير شي يضركم وربي مايديرش شي إلا لحكمة 🖤
………………………………………………
عند فهد
ناض ودوش فطر يعني روتينه العادي وقعمز ف مكتبه
فهد. : اليوم ح يبدا الجو كله🔥
خدي فهد فونه واتصل استنى شوي وفتح الخط
فهد :. هههههه كنت من الاول عارف ان بنحتاجك
المتصل: اهلا بيكك
فهد: نبي نتلاقو اليوم وضروري ياا..
………………………………………………
كككات ي كيكات وتمت حلقة اليوم ودرتها طويلة ولوسمحتو ي مذوقات ادعموني باليز ❤