أنقلاب

البارت 7

العفريتة الملائكية 🖤
……………………………………………
عند فهد
ناض ودوش فطر يعني روتينه العادي وقعمز ف مكتبه
فهد. : اليوم ح يبدا الجو كله🔥
خدي فهد فونه واتصل استنى شوي وفتح الخط
فهد :. هههههه كنت من الاول عارف ان بنحتاجك
المتصل: اهلا بيكك
فهد: نبي نتلاقو اليوم وضروري يااحمزة ال#$%
حمزة: تمام بس قولي شن نوع الخدمة يلي بنخدمها
فهد: خدمتك الاصلية
حمزة: تم ي تشم🔥
فهد: تم... وسكر فونه
…………………………………………
ف حوش حازم( فلفسهه )
حاززم: يامممم
امه: انعم ب وليدي
حازم: ا م مي بنقولك حاجه😅
امه: احكي ولدي شنفيه
حازم: خدي نفس طويل وتكلم.. نبي نتزوج
امه. انصدمت وضحكت: وكيف صار
حازم : نبي نتزوج وخلاص
امه: توا نشوفلك بنت خالتك نورية
حازم: ل لا لا ع عندي وحده
امه: عندك وحده 😳
حازم: نقصد عاجبتني وحده
امه: اعطيني رقم امها توا نتفاهم معاها وانشالله تطلع بنت حلال
حازم ارتاح: حاضر تمام ❤
وطلع حازم اتصل ب سالم وقاله نبيك ف موضوع ضروري..
………………………………………………
عند وتين .. كلهم مقعمزين ع الفطور
وتين: هاااي
كلهم: وعليكم الهاي
وتين: شن كملتولها خ نحدفوهاله ونتفكو منها🙂
ديما : شن تحسابيها صبلي نشرب🙂
دنيا: ردبالك تتعصري وتبكي لما تمشي اختك تمام 🙂
امهم: اليوم بنطلعو ي عمار باش نلحقو نكملو
بوهم: تمام ولو نقصكم شي كلموني
ديما : شكرا😊
بوهم: معاش تشكريني ماعنديش غيركم ❤
وكملو فطور وضمو الحوش ❤
………………………………………………
عند نور... كانت ع سريرها متكية
نور تفكر: اصلا معاش بيتغير شي ف لهدا ف نتعاملل بطريقتي ومردودة واصلا عندي مواضيع اهم من كلب خاين🔥
ناضت نور مصحصحه اتصبحت ع بوها وامها
نور: ماااامي بااابا😂❤
امها: صباحو الزين❤
بوها: وعلاش اتدلعي ف امك بس😒
جت نور اضبطت بوها بااابي😂❤
نور: نبي نطلع اليوم عادي🥺
بوها: بتطلعي برروحك
نور: لو في كيف ممكن🥺
امها غمزت لبوها بمعنى خليها ع راحتها
بوها:.باهي تمام ي بنتي بس ماتعطليش
نور: تمام حاضر وناضت توتي ف روحها ❤
………………………………………………
عند حازم وسالم
سالم: تي خيرك ي هم مهبع بيا شنفيه
حازم: بالتريس نبي نتزوج
سالم انصدم: هههههههههههههه شنوو
حازم: خيركك الزفت لقيتتني انكت
سالم: هههه لا لا شي اصبر ووووههه هههههههه
حازم: مفضاني حتني اقلب
سالم: غر اصبر سكتت ها ومن هده سعيده الحظ
حازم: البنت يلي شفتها يومها
سالم :هههههههههه حب من اول نضرة هههههه
حازم: استغفرالله
سالم: خلاص به به باهي كيف وانت ماتعرفش إلا اسمها
حازم: وهدا ليش انا جايبك 🙂
سالم: وكيف بنديرو توا
حازم: ساهله غر اتصلي ب حمزة بس
سالم : تم
………………………………………………
عند حمزة
ناض غسل وجهه وفطر وشد فونهه
حمزة: خ نتصل بيه ونتم العناد🙂💔
اتصل حمزة بيها لقي روحه ف الحظر بعتلها رسالة( اصلا كنت عارفك بتديريها ف عندك يوم بس ماتنحينيش من الحظر نديرلك العار ف شارعكم ونقوولهم متزوجك بالسر🙂)
وقعمز يستنى
………………………………………………
عند ليال كانو مقعمزين كلهم يحكو ع عرس ديما فجئة خش عليهم احمد
احمد: يامم
امه: انعم
احمد: بنقوللكم بما ان حوشي كامل ومافيش شي ناقصه ف نبي نخش ع العرس طول الشهر الجاي لان طولت الخطوبة
امه : تزغرطط لولوولولوولي واخخخيرا وليدي بنفرح بيه
زكريا: يقعادي انني ياممي شوفيلي بالله حتني
امه: قعمز واهفت انت طايش ي خوفي نجيبلك وحده نلقاك حادفها ف قرقارش
ليال: نزوجوه وتين شن المشكله 😂😂
امه: اممم صح وتين بنت عاقلة وكويسه شن المانع
احمد: غر كملولي موضوعي بعدين ألهو فيه
زكريا: ساكت والموضوع خش راسه شوي😂😂
بوهم: تممام بس ليش مانزوجوكش مع ديما اقل مصاريف ومنها تتعانو واحسن
امه: اي صح فكرة واصلا البنت عرسها بعد سبوعين
احمد: باهي تمام خ نكلم اماليها ونعطيهم علم
ليال: خخخشششششي😂😂😂🔥❤
وناضو كل واحد ف حالهه وقعدو مستعجلين ويوتو وخشت ام ليال كلمت أم وتين ووافقت
ليال: خ نقول لوتين تي حححي ع الجووو😂😂❤
خدت فونها فتحاته لقت مسج من فوق وقراته
ليال: ي عليك زمارة 🤦🏼‍♀️💔
خدت اتصلت بوتين
ليال: تينوو🥺😂
وتين: لولوولوللي خخخخشي 😂😂
ليال: نقصي صوتك وهعليا وصلك الموضوع اكيد
وتين : يب يب😂😂
ليال:والخبر الاحلى بتولي كنتنا😂😂❤
وتين: كيف صار 😳
وحكتلها ليال وكملو هدرزة وخدت وتين الموضوع ببصارة وسكرو من بعض
………………………………………………
عند حمزة اتصلو بيه وقالوله تعالى ومشالهم
حمزة: شنو فيه
سالم: احمم فلفوسنا مصدر فلوسنا بيتزوج🙂💔
حمزة: هههههههههههههههههه وااااكككككك تبصر اكيد
حازم: خير دينمكم الزوز
حمزة: نبصر ي ودي ومن هده سعيدة الحظ
سالم : اخت وتين ال#@%
حمزة: وكيف بتوصللها وانت حتى اسمها ماتعرفاش
حازم: وهدا علاش جايك اساسا نبيك تتصل بالبعيصه متعك وتعطيك رقمها
حمزة: تحسابها بالسهولة هده
حازم: تعرفو شي توا نجيب كلشي بروحي وناض
حمزة: تي اصبر عيب عليك توا نكلمها خليك وناض حمزة اتصل بيها
.....................................
ليال :زمري ومنو توا هدا
ردت.. الوو
حمزة: واحلى الو نشوفها ف حياتي 🤤♥️
ليال: ااايااه علينا شنفيه
حمزة: اتكلمي باهي اصلا جاي بنسالك وبنسكر
ليال : يااي بنخاف متلا
حمزة: اعطيني رقم اخت وتين يلي عيونها زرق
ليال: مخطوبة
حمزة: متاكده
ليال : ل لالا اصبر قصدك عيونها خضر لان هما توائم
حمزة: اي اعطيهولي
ليال:.ياسرك لعب ع بنات الناس ومش ح نعطيك شي
حمزة: قاعد صابر عليك البنت يبيها ولد صاحبي بيخطبها اعطيني رقم بوها
ليال: ش شنو به باهي اصبر شوي
وبعتتهوله وتين
ليال: غر انشالله مايطلعش زيك
حمزة: مطول لسانك الزفت مانحسابكش ه.. وسكرت ف وجهه
حمزة: حيعلمها لكن توا تشوف الصبر ي حموزي الصبر🙂
ليال: وهعليا قلبي قريب طاح 😳💔
ومشي حمزة لصحابه
………………………………………………
حمزة: يولاد جبتهولكم
حازم :منور 😂
حمزة: لكنن
الزوز: لكن شنو
حمزة: رقم بوها را
حازم: وهكي احسن اصلا وخدي الرقم وركب سيارته
سالم : الواد ده مستعجل😂😂
حمزة: وهلبا 😂😂
………………………………………………
عند قييسي🤤♥️
ناضو وفطرو والحكاية كساد عندهم 😂😂
قيس: الماس
الماس: شنوو
قيس: الجاية قولي نعم 🙂
الماس: به به🙂
قيس: بما انك ليك قداش محبوسة زي الدجاج الإفرنجي وحابسيني معاك شرايك نطلعو
الماس: تبصررر😂😂😂
قيس: اقسم بالله 😒
الماس: والبيادق يلي برا
قيس: خليهم عليا
الماس: خخخشي😂😂😂
قيس: هدي شوية🙂
الماس: مخرب سعادة انت عفكرة
قيس: نعرف🙂
الماس: وشن بنلبس🙂
قيس: خليها عليا
الماس اوكي
قيس: خ بنطلع انظم اموري وردبالك تطلعي من الدار
الماس: تمام
قيس: اعطيت فيك التقه
الماس: به ...... وطلع قيس
الماس تعودت ع قيس وبدت عاطيه فيه شوي تقة
………………………………………………
فهد مقعمز و قدامه ورق ودنيا حايسهه ويفكر
فهد : انحرمت من طفولتي وانجبرت اندير حاجات حقيرة طول عمري قاعد ع عصابي بس خلاص المرة هده بناخد حقي من كل حد فيهم🔥
وبعدها لبس فهد وبعت مسج ل حمزة بعنوان المكان يلي بيتلاقو فيه
………………………………………………
عند صالح لبس وكلم كم نفر يجو معاه
خش صالح للمستودع
صالح: اهلا بعقربنا
(ايوووه صالح يخدم مع العقرب واهو عرفتو اول سر🔥 )
العقرب: اهلين اهليين
وقعمزو يتفاوضو ع شوي صفقات
………………………………………………
عند حازم مشي كلم بوه ع موضوع دنيا ووافق بحكم أن عنده حوش ومتع مسؤوليه واعطاه الرقم وكلم عمار وخدي موعد المقابلة الشرعية
………………………………………………
عند وتين خش عليهم بوهم
بوهم: ي مراة اليوم مافيش طلوع
امهم: ليش
بوهم: في ناس جايين بيشوفو بنتك دنيا
امهم : حاضر تمام
وتين: العقبالي ي كبدي🙂🔥
.امها: تحشمي ي بنت ونوضي وتي
وناضت وتين
بوها: هههههههه يعليك فرخه وخلاص
امها: لسانها ملوي ع رقبتها
وناضت امها كلمت البنات وقعدو يوتو وكلمت ام ليال تجي حتى هيا
………………………………………………
روح حازم كلم امه توتي روحها واعطي علم للولاد
ولبس حتى هوا وعبى روحهه صنهه الاخ فاكر نفسو عريس😂
………………………………………………
عند طيور الشر الزوز
حمزة: اني بنوض عندي شندير
سالم: تم ي تشم يعني مافيش تنسريف اليوم
حمزة: اي اصلا هيا هكي لان كل حد لاهي
وطلع حمزة
سالم يفكر بينه و بين نفسه: ( بما ان كساد ليش مانمشيش للطرف هاديكا بالك تشدلنا ف رقمها 🤤)
وناض روح بدل وركب ف سيارته ومشي 😂😂
………………………………………………
قدام الفيلا يلي فيها الماس كانو فيه الحراس
الولد1.. شفتها الطرف يلي داخل
الولد 2.. تي زبور لنم
الولد 1.. حرام يقتلوها كان يخلوههالنا ليلة وحده بس
الولد..2 . مافيش مانع لو خشينالها الحوش فاضي
الولد 1.. يدوي ولسانه تقيل اصلاا انا بنمشيلها مش ح نفوتها
... طبعا الزوز سكارة كانو...
الولد1..شرب باقي الشيشة وناض يدروخخ ويطقطق ع الباب
ناضت الماس بتفتح الباب تحسابه قيس
الولد .. دف الباب وخش وراها الماس خافت وخشت للدار سكرت ع روحها شوي الولد قعد يدف ويخبط ف الباب اما الولد التاني طاح لوطه قدام الباب من السكرة
الماس: ي ربيي كيف بنددديرر😭😭
الولد: يخبط .. ا فففتحيي الب بااب ت توا
وقعد يخبط بالقوية لين دف الباب وانفتح وشد الماس من فكها وقرب عليها
الماس: ارخخخينييي😭😭😭
الولد: مش ح حنرخيك لين.ناخد شن نبي
شد الماس وبدي يقرب ع فمها ويجيه بوكس طرحه ع اللوطا
قيس: ب كامل غغغله شده قعد يضرب فيه قريب قتله لدرجة حوايج قيس كلها دم والولد مغمى عليه
الماس مصدومه وتتفرج لما حست ان الولد بيموت خلاص جت تبعد ف قيس
الماس: قيس خلاص ارخخخيه بتقتله
قيس: بنبرة حاده خخخشي الداخخخل ومادخلكش
الماس: مش ح نخخشش ياااسررر بتتتقلته
قيس: فك يديه ويتنفس بقوة
الماس: ضروري نسعفو الولد
قيس: ضمي فمك وخشي سكري ع روحك لين انجي
وناض قيس ركبهم الزوز ف السيارة ورفعهم لفيلا واتصل بفهد وقاله وفهد تكفل بالموضوع
وخشت الماس غسلت وجها ونشفت وواست الحوش
خش قيس
الماس: ق قيس
قيس:.خلى روحه طبيعي وهادي.. نعم
الماس: ي ييدك د دم
قيس: خليها ونوضي خودي الشكارة هاديكا وبدلي
الماس: فرحت قصدكك بنطلعو ❤😄🥺
قيس ابتسم: ايي
الماس: خليني نداويك قبل
قيس: به
وخشت الماس دارتله جرحه وووت روحها
……………………………………………
عند فهد قعمز ف المكان يلي اتفق هوا وحمزة ان يتلاقو فيه
ووصل حمزة بسيارته ونزل
ناض فهد فوق مد يده: اهلا
حمزة سلم عليه وقعمز
فهد: جايبك اليوم نبيك معاي ف عملية واخترتك انت لانك مشالله ف ه المجال مبدع
حمزة: ههههه عادي الخدمة مش عيب
فهد: نعطيك اي رقم تبيه بس اهم.شي تكون متكتم ولا معلومه تطلع برا ويكون ف علمك الخيانة برقبه عندنا مهما كنت تكون
حمزة: خليك مطمن
فهد: خ نحكيلك ع نوع الخدمه
حمزة: تم تم
فهد:.اول شي نوع الخدمة تجارة اعضاء ماتستغربش اصبر لين تسمع القصهه وبدي يحكي ( قبل عندي خوي قيس مع جماعته وهما رفقة ضلة يخدمو ف السكه شمال وقيس خش ف صفقه معاهم وانفضحو ف كانو ح يقتلو قيس لين اتدخلت انا ودرنا صفقة ان انا بنخدم معاهم وتوا ان... كاتت😂😂 وقعد يحكيله ف باقي الحاجات
………………………………………………
عند سالم وصل لشارع نور وشافها طالعهه
.....
ف الوقت هدا نور لبست وطلعت بسيارتها وكان ف دماغها تبي توصل لأي شي يوصلها لالماس
....
قعد سالم يسوق وراها ويتبع فيها
...
………………………………………………
عند قيس وتو روحهم هوا و الماس وركبو السيارة
الماس: واخخخيرا شفت شمس 😭😂😂❤
قيس: اول واخر طلعه لان لو سمع بينا فهد نمشو ف القص اني وياك🙂
الماس: باهي باههي غر ماتنكدش علينا ف الطلعه اهيا 🙂
قيس: استغفرالله🙂
ومشي قيس يدهور بيها
………………………………………………
بعد ساعهه ونص تعبت نور من الدوران وقفت ع كافي بتاكل
نزلت من السيارة ف تلامحت حمزة خافت يعرفها ووخرت ونزلت بحدا قومة السيارة
.....
نزل وراها سالم😂😂
جي من وراها مسلها ضهرها تلفت نور وانخلعت
نور: ي عنننشكلك شدير اهني😳💔
سالم: لقيتك بالصدفة 🙂
نور: المفروض انصدقك
سالم: اكيد🙂
وقعدو ساكتين دقايق
سالم: الباين ماتبيش حمزة يشوفك🙂🔥
نور: ماليكش علاقة
سالم: اوكيه توا نكلم حمزة يتلفتلي وانا شدخلي بيك تصطفلي
نور: به ي ودي غر اسكت بس شتبي
سالم: نبي رقمك 🙂
نور: عليك نفخ
سالم: عفكرة السيارة يلي بحدا سيارتك متع حمزة 🙂🔥
نور خافت: انت دراه كبد عفكرة
سالم: اوكي بنمشي وناض وعفكرة را حمزة جاي لسيارته
نور: افففف باهي خلاااص هاتتت بس بشرط اطلعني من اهني
سالم: تم تم😂😂❤
وعطاته نور رقمها
سالم: حتى الفيس متعك🙂
.نور: يربييي صبرننني
سالم: تمام براحتك اماالا خ...
نور: باهههي هاك
سالم: تمام توا اعطيني مفتاح سيارتك ونوضي اركبي ف سيارتي .. واشرلها عليها
نور: تم منور
وناض ركب ف سيارتها ونور ف سيارته
ف اللحظة هده كيف وقفو قيس والماس بياخدو حاجه ياكلوها
😂😂🔥
قيس: ماتنزليش خليك اهني نجيب ونجي
الماس: ق قيسس ف فهد 😳
العفريتة
قيس: شنو
الماس لفتتله وجهه بيديها ل مكان فهد
قيس: حيعلمنا😳
.قيس: انززلي لوططا بسس راك يشوفكك
ونزلت الماس
قيس: واككك ي عليكك هممم
الماس: وكيف بنديرو توا
قيس: انتي اقعدي لوطا وانا ننزل من السيارة لان اساسا سيارة فهد قدامنا وكان هكي ح يشوفنا
الماس: بتخليني بروحي 😳
قيس: 5 دقايق هما
الماس: تمام
ونزل قيس خش للكافي منغير مايشوفه فهد
.........
فهد: شنو منور اتفقنا
حمزة : اممم عجبني الموضوع موافق
وناض فهد سلم ع حمزة
فهد: متفاهمين
حمزة : تم ي برردر مادور شي
وناض كل واحد بيمشي
....
سالم حول السيارة ف الجيهه التانية وشاف وردات حمر نزل من السيارة بياخد 😂😂
شوي شاف الماس ف السيارة
سالم: يتكلم بروحه ..خيرمهم كلهم طروف معاش تجو مع بعضكم تلخبطو فيا وضحكلها
الماس خافت ونزلت راسها...
شوي سالم خدي الوردة وهوا طالع خبط ف قيس
سالم: عفوا
قيس:.ماددور شي عادي
وكل واحد كمل طريقهه
.......
فهد روح لحوشهه
...
اما حمزة مشي ل حازم بيشوفه شنصار فيه
😂😂
.....
ركب قيس وسالم ف سيارتهم
...
قيس: طلعنا من عينها
الماس: الحمدلله😂😂
قيس: هي نروحو
الماس: كانت تشوف ف الصغار ياخدو ف حلوة صوف ويلعبو ف تدكرت طفولتها كيف كانت تلعب مع خوها الله يرحمه
(الشي يلي ماتعرفوشي ان الماس عندها خو اكبر منها لكن مات )
قيس: ابتسملها ناخدلك❤
الماس تلفتتله: اء لاالا غر ادكرت ايام قبل مع خوي
قيس: عندك خو؟
الماس: لكن مات💔
قيس: مش ق قصدي الله يرحمه يارب
الماس: لالا عادي
قيس: شوية بس ونزل خدي زوز وركب لسيارة
قيس : هاكك😂😂❤
الماس: ش شكرا😊
قيس: ع اساس متحشمه متلا 😏
الماس: وهعليا منك انت بككل🙂
قيس: نعرف كولي كولي😂😂
قعدو ياكلو شوي قيس تلفت ل الماس وقعد يضحك😂😂
الماس: شنو🙄
قيس: لالا شي غر محلاك بس😂😂❤
الماس: تحشمت ونزلتها لوطا
قيس:.يودي كولي معاش بنشوفلك😂❤
وكمل طريقه للحوش
………………………………………………
ركب سالم لسيارة
نور: شكرا😊
سالم: عادية ف اي وقت
سالم: تصدقي
نور: شنو
سالم: لقيت وحده تشبهلك لين نحسابها انتي
نور :؟!
سالم طلع الوردة ومدهالها: اهيا لكن انتي احلى😂❤
نور خدتها: ههههههه شكرا هدا من دوقكك 😊❤
سالم: خ بنمشي اني وهدا مفتاح سيارتك ونزلت نور
نور: شكرا مرة تانية
سالم: معاش تشكريني مزال الجايات اكتر😂❤
نور: مافهمتش قصده ضحكتله وكملت طريقها لسيارتها وروحت ونفس الشي سالم
………………………………………………
عند ليال كيف لبست هيا امها ومشو لحوش وتين
شوي ف الطريق شافت سيارة حمزة توترت وكملت طريقها عادي مع امها وقعدت تدعي باش مايشوفهاش😂😂
......
حمزة: جيتي وجابك ربي🙂
وونزل من سيارته شافته ليال 😂😂
حمزة غمزلها وشد فونه بمعنى كلميني
ليال : ارتبكت .. ماما
امها: شنو
ليال: نسيت حاجه ف حوشنا نجيبها ونجي
امها : باهي تمام وماتعطليش وخشت امها للحوش وليال مشت بحدا الشجرات 😂😂
اتصل بيها حمزة
ليال: شتبي فهمني ترا🤦🏼‍♀️💔
حمزة: نبيك تسامحيني 🙂
ليال: اتدكرت موقف تولين .. وانا شن ليا علاقة بيك واساسا ليش بنسامحك
حمزة:.هكي وخلاص🙂
العفريتة الملائكية
ليال: لا
حمزة: اوكي براحتك خ بنمشي نهدرز ع خوك شويه
ليال: وواككك ع دددراه الككبدددد
حمزة: ها شن قلتي
ليال: خلاص به سامحتك وسكرت ع وجهه
حمزة : النم رابع مرة تسكر ف وجهي🙂💔
وخشت ليال لوتين يوتو وهكي
………………………………………………
وصل حازم قدام حوش وتين وفرحان قريب يطير 😂😂
نزلت امه وخشت وضيفوها وهدرزو وخشت بعدها دنيا وعجبتها وهداك السريب يلي تعرفوه😂❤
خش عمار كلم دنيا تلبس وشاحها وتمشي للمربوعه
………………………………………………
عند حازم متوتر ويتكلم هوا وحمزة مسجات يهدي فيه ونفس الشي عند دنيا متوترة😂😂
خشت دنيا قالت السلام عليكم بصوت دوب ينسمع
وقعمزت وناض بوها خلاهم قعدو ساكتين شوية لين حازم تكلم
حازم: بصراحة انا اول ماشفتك عجبتيني وحبيت نجي من الباب بدل الروشن وانتي مشالله عليك اخلاق وجمال وعلم وانا ولد ناس ونخدم
دنيا: ربي يحفظك😊
وقعدو يهدرزو شوي ودنيا ارتخت شوية لين جي بوها وقاله الراي راي البنت وسلمو ع بعض ووروحو حازم وامه وضمو الحوش وقعمزو هدرزو ودنيا عجبها حازم وروح كل حد لحوشه
خش عمار: شنو ي بنتي
دنيا ابتسمت: يلي تشوفه بابا
عمار: معناها موافقه
دنيا: تحشمت وخشت لداخل
وعمار اتصل ب بو حازم وقاله ان موافقه
خشت دنيا فرحانة ورقدت 😂😂
………………………………………………
عند سالم وحمزة قعدو يراجو فيه ف الاستراحه
وخش حازم وجهه احمر 😂😂
الزوز: مبروك ي عريس😂😂😂😂🔥
وقعمزو يهدرزو شوي وسالم شاد تركينه ويضحك
شوي حازم غمز لحمزة
كان سالم يكلم ف نور ومنسجمين ف الهدرزة
ونقزو عليه 😂😂
سالم: تي لاالا هاتتت ي راجججل
حازم وحمزة: شن وراك ي كككلب ف من تكلم
سالم: هاتو الخارب توا نحكيلكم 🙂
واعطوهوله 😂😂
سالم: انتم مكبرين الموضوع عرفتوها هاديكا يلي هزبتني
حصلت رقمها 🙂
حمزة: معجباش الموضوع بحكم يعرف عيلتها وهكي
حمزة: لو بتجري بيها فوت الموضوع
سالم : شن بنجري بيها اصدقاء بس
حمزة: تم ي برو
حازم: اني بنوض ي ولاد
الزوز: حتى احني
وروح كل حد
………………………………………………
حازم شدها تهدريز مع دنيا اما سالم مع نور وحمزة روح رقد طول ونفس الشي فهد وليال وتتين
………………………………………………
عند قيس
العفريتة الملائكية
حطو يتعشو هوا والماس
قيس : بنسالك
الماس : هوا انت من امتى تستادن 🙂
قيس: باردة😒
قيس: في حد ف حياتك
الماس: كيف يعني
قيس: سؤال عادي يعني تحبي حد ولا هكي
الماس: اهاا اي فييه
قيس تكنطا بروحهه بروحهه
قيس: باهي تمام وبكل برود ناض وخلاها تاكل
استغربت الماس وناضت لمت الحوسة ووطقطقت ع داره
قيس: نعمم
الماس: جلم
ماردش عليها قيس
الماس: بكري ماكملتش اجابتي 🙂
قيس: هز براسه بمعنى شنو🙄
الماس : طبيعي بنحب صاحبتي واهلي وهدا باقي اجابتي
قيس: ضحكك وفرح وهوا بروحه مافهمش علاش فرح😂😂❤
الماس: خيرك
قيس: شي شي😂😂
الماس: ربي يشفيك وطلعت لدراها
قيس: امين يارب العالمين 😂❤ ورقد
.....
الماس خشت لدراها وتلوحت ع السرير
وتدكرت موقف الصبح ضحكت وتنهدت.. مححلاه❤
ورقدت ...
………………………………………………
بعد سبوع
فهد وحمزة قاعدين يجهزو للمفاجئة الكبيرة اما حازم شبه حب دنيا ونفس الشي دنيا اما نور تعودت ع برادة سالم وسماطته وبدي يعبيلها ف وقتها مع ان مزال جرح علي قاعد
زكريا بدي يتقرب من وتين بس وتين مش ملاحظة اما حمزة شادها ورا ليال وعجبه الجوو اما ام ليال وام وتين قاعدين يبثثو للبنات ولاهين ف التجهيزات واحمد قاعد ييشطب ف حوشهه وزادو تعرفو ع ام حازم وطلع جوها مليح و الباين سكوت صالح ماوراشي خير ابدا اما قيس والماس تقدرو تقولو في شي بسيط بيناتهم ك شعور اما الشرطة وبو الماس وصلو لطرف الخيط
………………………………………………
ف الصالة ام وتين وام ليال مقعمزين يهدرزو
ام ليال: اسمعي بما ان دنيا انخطبت ليش ماتتزفيهمش ف نفس اليوم
ام وتين: صح فكرة خ نكلمو كميلة تجي ونتفاهمو
واتصلو بيها
………………………………………………
عند حازم كان يكلم ف دنيا خشت عليه امه وسكر الخط
امه: حزومي
العفريتة الملائكية
حازم: نعم
امه: وليدي ارفعني لحوش دنيا
حازم: فرح حاضر وتي روحك
ومشت امه وتت روحها وكيف ركبو لسيارة وصلو لحوش دنيا
حازم :انزلي يام هي
امه: شكرا يوليدي
حازم: عفوا
وكيف بيركب حازم من السيارة تلفت وشاف دنيا انصدم
حازم : لا لا مم....💔
………………………………………………
و كملت الحلقة اوكي نعرف بيختها وزمرتها وبردتها وعطلت بيها لكن بسلامتي تنبالة واصلا بدينا ف العد التنازلي وشكرا وعفوا وشرايكم فيها 😂😂❤