Akon batasan kis-a indi maintyindihan,
Madamo nga salamat kay wala niyo ko gin suku-an
Bisan pa kis-a ako alabuton,
Salamat sa liwat kay ako inyo gin baton.
Dako nga pasalamat ko sang kamo nakilala,
Naging insperasyon para atubangon ang mga problema.
May ti-on kis-a nga wala ga intyindihanay,
Wala man dyapon gakadula aton pagpalangga-anay.
Kung makakita gani kontra ang isa, to the rescue dayon ang isa kag isa.
Bisan ano nga trip kita updanay,
Ululupod ta tanan nga mga pasaway.
Mahambal ang iban nga kita kapilingon,
Pero aton lang ginapawalaan ang ginahambal nila parti sa aton.
Wala untat nga sunluganay,
Nga ga-abot kis-a sa sunggudanay.
Ang nabilin amu naman ang mabuligay,
Para ang nag sunggudanay mag ayuhay.
Wala ko naghinulsol nga kamo akon naging barkada.
Tungod sa inyo kaugalingon ko mas nakilala pa.
Gin buligan niyo ko nga mag mag-an bug-at ko nga balatyagon.
Wala kamu gakadulaan topiko para ang isa kag isa lingawon.
Sa'kon mga abyan,
Sa liwat, madamo nga salamat kay wala niyo ko gin pabay-an.
Maabot man ang ti-on nga pangalan niyo indi ko madumduman,
Pero tani inyo tandaan nga nakatatak na kamu sa'kon dughan.
[Grade 11 ko pa ni ginsulat. Shout out lang da sa mga barkada ko.]
