Sang ikaw akon nga nakit-an
nag gulpi dasig ang pitik sa'kon dughan.
Sa sulod sang kasing-kasing daw may ga karera
sang nahimutaran ko ang imo nga itsura.
Indi ko gusto nga ako imo makita
Wala ko kabalo kung ngaa gani indi ako pagpamangkuta.
Gusto tani nga ikaw yuhuman
ugaling basi imo lang ako nga likawan.
Pasensya kung amo na ang akon napaminsaran
nahadlok lang ako kag indi gusto nga mahuy-an.
Hay! Ikaw man gihapon ang rason
sa pagdasig pitik sa'kon kurason.
Ang akon kasing-kasing wala natak-an
ara gihapon nakatatak ang imo nga ngalan.
