Nahulog ako sa matam-is mo nga yuhom,
Daw gina higop ako sang mga mata mo nga matahom.
Kanami sang tono sang imo kadlaw,
Kasubong sang musika nga gusto ko pamati-an bilog adlaw.
Ikaw, huo ikaw. Gin sulatan mo bersekulo
Ang blangko nga kapitulo sang kabuhi ko.
Indi na naton kinahanglan kritiko
Para takson ang nabatyagan mo kag nabatyagan ko.
Nag promisa pa kita sa isa kag isa,
'Salig sang hugot kag wala buy-anay kita nga duwa.'
Siling mo pa gani bisan si Yolanda indi ka salir,
Tungod sang kabakod sa gin tukod mo nga pader.
Hambal ko diba indi mo ko pagbuy-an,
Kay ang dapat imo ko halungan.
Pero wala gid ako nakahanda
Sa gulpi mo nga pagbuya.
Gusto ko pagid tani palawigon,
Palawigon ang aton duwa relasyon.
Pitik sang dughan ko imo lang gin padasig,
Imo lang gali ako gin pasalig kag gin pakilig.
Tungod sa imo pagkalas,
Tagipusu-on ko may madalom nga pilas.
Pero salamat, salamat kay gin pabatyag mo sa akon
Ang pagpalangga kag ako imo gin baton.
Salamat nalang sa tanan-tanan,
Himu-on ko handumanan ang aton mga inagyan.
