ســـارة فــي بـــلاد العـــجـــائـــب🎡🍭|🇲🇦

🌋أعــــجــــوبــــة البــــركــــانــــي🌋|6

فغرفة سارة كانت هاد الأخيرة غادية جاية تتفكر و هي قدرتها دابا كا وحدة من شعب بلدة الأرواح مشات حلات الشرجم حطات رجليها على الحافة ديالو و تقابلات مع التحت لي كان بعييييد تتبلع فريقها و متشبتة مزيان بأطراف الشرجم خايفة لاطيح سدات عينيها مزيان و قالت لي ليها ليها يالاه لاحت رجل وحدة و بغات تبعها الثانية حتى تتحس بجسمها تجر و تلاحت على ضهرها فالأرض بألم...
سارة تتألم:اااايييي
طلعات راسها بان ليها جسم كحل طويييل عاطيها بالضهر سد الشرجم ضار عندها لقاتو سبيريت ملك الأرواح لي جا شدها من لكول د فستانها...
الملك:شنو يتصحااب ليييك راااسك ناووية تديرييه
سارة:بعدد منييي متقييصنيييشششش
دفعاتو و ناضت دافعة الباب تتجري بلا متلفت...
الملك غوت:حرااااااااس
سارة عاطياها لجرا فالممرات بلا متلفت و بلا متعرف فين غادية بقات غير تتجري و تلهث بلا عقل باغية غير تهرب من القصر و تقلب على سوورد و ميرور حتى تساطحات مع شي جسم قاصح طلعات راسها بان ليها واحد من الحراس يالاه غتغوت و هو يسد ليها فمهاو جرها..سارة بقات تضارب معاه و تركل و فقرارة نفسها تتحاول تستخدم شي قدرة الى عندها كبنت من بلدة الأرواح حتى اختفت بين يديه واحد اللحظة..الحارس شاف حولو باستغراب فين طارت هادي بحالا تبخرات؟؟شوية سمع شي هضرة و ضار تيتلفت مالقا حتى واحد...
سارة كانت فلداخل ديالو تيبان ليها داكشي لي تيشوف تصدمات اش واقع هنايا كيفاش حتى ختارقات جسمو؟؟يمكن فديك لحظة الخوف تفعلات قدرة ناس بلدة الأرواح لي تتمتالكها ولكن بلاتي بلاتي شي حاجة بدات تتحسها فجسمو تتحرك و هنا سارة عاد عرفاتو شكون!!
سارة بغوتة:سووووورد
سوورد ليكان هو الحارس المتنكر نقز من بلاصتو فين كاينة هادي؟؟
ميرور خرجات من درع سوورد و تقابلات معاه:راها فلداخل ديالك ستعملات قدرة ناس بلدة الأرواح
سوورد:خرجي ا سااارة
سارة فلداخل ديالو:معرفتش كيفاااش
ميرور:تنضن الخطة تقلبات ولكن حتى هدا حل سارة لقيناها و نتا متنكر يعني غنهربو دغيا
سوورد:ولكن انا متنهربش!
ميرور:هرب هاد المرة على قبل سارة خصها تلحق عالمها دغيا!! الى شدنا الملك ولا جنودو غنتعطلو ولا احتمال كبير يسجننا
سوورد:بفففف واخاا
دخلات ميرور فالدرع ديالو و مشا تيجري فالممرات في حين انه الملك كان فغرفة عرشو قدام كرتو الزجاجة السحرية و داز كلشي قدام عينيه...
الملك:هادي غفلات عليا كيفاش حتى قدرات تستعمل قدرة شعبي و هي اجنبية من بلدة خرى؟
الخادم لي قدامو:دويتي معايا ا جلالتك؟؟
الملك طلع فيه راسو مخنزر:جيبو ليا دابا داك الجندي و متخليوهش يخرج!
الخدام:دابا جلالتك
الخادم غبر و الملك شاف قدامو ساهي فكيفاش غتكون دارت ليها سارة حتى كتاسبات قدرة من قدرات شعبو...
💫سلسلة فيكتوريا الفانتازية الأسطورية💫
✨القـــــصــــة2✨
🎡🍭سارة في بلاد العجائب🍭🎡
للكاتبة✒️: Victoria kaelin
💜📖الجزء 32💜📖
بقا سوورد غادي تيجري حتى وصل للبوابة الرئيسية وقف و بدا تيتمشا عادي غادي باغي يخرج من الباب حتى تيحبسوه الحراس برماحهوم...
سوورد طلع حاجبو:شنو؟؟
الحارس:زيد معانا جلالته طالب يشوفك
سارة فداخلو:متمشيش ا سوورد
ميرور:سارة عندها الحق متسمعش ليه
الحارس:راني دويت معاك تحرك!
سوورد حييد داك الدرع لي لابس و لاحو فالأرض و بيديه لي هزهوم خرج العافية منهوم حتى حرق الحراس كاملين و قاد طريق الهروب لراسو...
ميرور:واش ضرورري تحرق؟؟
سوورد تيجري خارج:ياك نقطة ضعفهوم هي العافية و الأسلحة متدير فيهوم والو
ميرور:اه بلفعل
سارة:تنسمع خطوات الحرااس
سوورد تلفت بانو ليه جايين جيهتو و هو يطلق العافية موراه لي شكل بيها حيط بينو و بينهوم و كمل الجرا ديالو غادي لمكان باب البلدة المجاورة...
ميرور:من هاد الطريق
سوورد بقا غادي تيجري و تيتلفت ماتابعو حد يعني باقي ملاهيين مع ديك العافية حتى بدا تيبان ليهوم باب البلدة المجاورة...
سارة:هاهواااك
سوورد:خرجيي ا سااارة
سارة:راني حاولت و معرفتش كيفاش!!
ميرور:غيير دخل للباب الى دخلات للبلدة المجاورة مغتبقاش من ناس هاد البلدة و بالتالي غادي يتفك هاد التلبس
سوورد:واخا
مشا سوورد لعند الباب لي كان عبارة على گرياج كبييير عاااامر بالثلج...
سوورد:شنو هادشي؟؟
ميرور:حل الباب ا سوورد ماشي وقت التسائل دابا
سوورد جر الگرياج و هو يضربهوم واحد الضو قوي و تبتالعو فداخل الباب....
فوق كومة من الثلج كان سوورد مستلقي على ضهرو..بدا تيحل فعينيه بشوية بسبب قوة الضو لي ضربو فنفس الوقت حاس بشي حاجة محطوطة فوق صدرو حاول يحل عينيه اكتر حتى تتبان ليه شي حاجة بيضة ناعمة منفوخة حط يديه يبعدها و هي طلع سارة راسها كانت لابسة قبعة فرو ابيض و شعرها ولا اخضر غامق قصير...
سوورد تيشوف فيها كيف تبدلات تاني حتى هبط عينيه شاف ففستانها كان على شكل مونطو فالگرونا...
سارة طلعات فيه راسها حشمانة من ديك الطيحة عليه:صدق كلام ميرور صحيح (تتقيص القبعة) هاد المرة لابسة طريبيش ههه
سوورد ناض من على الأرض بتوتر: ا ااه جاتك زوينة
سارة:بصاح هه شكرا
ميرور:احم احمم انا هنا
سارة شافت حولها الدنيا كلها ثلج:فين كاينين ا ميرور؟
ميرور:هادي بلدة الثلج
سارة:عمرك جيتي ليها ا سوورد؟
سوورد:لا هادي اول زيارة
ميرور:بلدة الثلج من البلدات المسالمة و الملك ديالها ديما فسبات
سارة:بحال ملك بلدة الغابة؟
ميرور:لا هداك سبات شهر فقط اما ملك الثلج سباتو أبدي
سارة:وااو و كيفاش حتى هو ملك و ناعس ديما؟ كيفاش مسيير أمور شعبو؟
ميرور:الشعب لي مسيير نفسو و هو موجود فقط باش يوازن البلدة تتقول واحد الأسطورة انه الى مكانش هو مكايناش بلدة الثلج
سوورد:يعني هو البنية ديال هاد البلدة؟
ميرور:تماما
سارة:احسن حاجة هي مانديرو حتاشي مشاكل و ندوزو للبلدة المجاورة
سوورد طلع راسو:تيبان ليا شي ضو من هنا
سارة:اينا ضو؟؟
ميرور سبقاتهوم:هاداك كوخ