💓اللعبة القذرة💓مكتملة 💓

🌻الفصل الثالث والعشرون 🌻

عند ريان وزين
استطاع ريان وزين ان يدخلوا الى غرفة التحكيم واخذوا يبحثون فى كل مكان ولكن لم يستطيعوا ايجاد اية CD ولكن لم يكلوا ولا يملوا اخذوا يبحثون فى كل مكان بداخل المصنع ولكن لم يستطيعوا ان يجدوا شئ
ريان:هنعمل ايه يا زين احنا ملقناش حاجة
زين:مش عارف ياريان
ريان: احنا مسبناش مكان فى المصنع الا ودورنا فيه يعنى هيكون فين بس
زين:مش عارف ياريان بابا قال فى اخر CD اننا لوفتحنا المصنع ورجعنا شغلناه هنلاقى الCD ومفيش حاجة لقيناهاوكمان استاذ احمد اختفى مرة واحدة
ريان:فى حاجة غلط انا متأكد
زين:حاجة زى ايه
ريان:لو لاحظت والدك بيبعتلنا الCD هات فى وقت بنكون محبطين فيه
زين:انت تقصد ايه مش فاهم
ريان:يعنى والدك ليه حد بيخليه يبعتلنا ال CD فى الوقت المناسب
زين:قصدك ان فى حد مخصوص هو اللى  بيبعتلنا الCD فى الوقت المطلوب منه
ريان:بالظبط
زين:طيل ازاى اذا كان بابا ميت والشخص ده اش عرفه اننا بندور عليه اصلا
ريان:حاجة من اتنين يا اما احنا متراقبين من حد عارف امتى يبعتلنا الCDيا اما
زين:يا اما ايه
ريان:يا اما
قاطع حديثهم دخول رجل اعطاهم ظرف وخرج
ذهب زين وامسك بالظرف وفتحه وجده CD
زين:ده الCD
قام زين بإدخاله بالمكان الخاص به بداخل الاب توب وفتحه فكانت الصدمة فظهر امامهم وجه جاك روبين 
ريان بصدمة وذهول : ده جاك روبين هو هرب ازاى
زين بصدمةوتشتت هو الاخر : مش عارف
جاك: اكيد مصدومين دلوقتى وبتسألوا نفسكم انا ازاى قدرت اهرب دى مش مشكلتكم دى مشكلتى انا المهم دلوقتى فى مفاجأة علشانكم حابب اوريهاليكم ويارب تعجبكم
نظر ريان وزين الى بعضهم بحيرة ثم التفتوا الى الفيديو من جديد
جاك: شايفين الصور دول لسة طازة جايبهم اوبس انا نسيت اقولكم اصل شاكر وعلياء لسة عايشين ومعاهم بنت زى القمر شقى خالص شاكر ده سايب ولاده حبايبه وراح جاب بنت من جديد بس زى القمر حتى شوفوا بوووو قنبلة
كان ريان وزين يشاهدون الفيديو وعلى وجههم الحيرة والذهول والتفاجأ والتشتت والصدمة كل تلك المشاعر اجتمعت مع بعضهم ولكن معلومة ان شاكر وعلياء على قيد الحياة كانت القشة التى قطمت ظهر البعير كما يقولون والده ووالدته  على قيد الحياة اذن لماذا هم ليسوا معهم الديهم اخت هل والديهم لا يريدهم اذن لماذا يختبؤن على كل هذا لعبة  هل قصة الانتقام مجرد كذبة قصة موتهم مجرد كذبة بعادهم عن اهلهم  مجرد كذبة اين الحقيقة اذن اين الصدق لا  احد يشعر بما يشعر به زين الان اغلق زين الفيديو وجلس وعلى وجهه كل علامات الحزن والاسى
ريان: انت كويس يا زين
زين بصدمة وحزن: مش عارف ياريان انا عايش فى كذبة كبيرة اهلى عايشين وبعاد عنى وانا بدور على تركبية دواء زى الابرة فى كوم قش ومش بعيد كمان تطلع دى لعبة زى زمان طيب ليه وكل اللى حصل ده ليه ايه الغرض منه عاوز افهم
ريان: طيب وهتعمل ايه دلوقتى
زين بحدة وغضب: هرجع مصر وقصة المصنع هتتقفل بس لازم الاقى اجوبة لكل الاسئلة دى ومحدش هيجاوبنى غير احمد المحامى لانى متأكد ان يعرف كل حاجة
امسك زين هاتفه واتصل على احمد المحامى اخبره انه يريده فى الحال واغلق الخط من جديد بدون ان يستمع الى حديثه
ريان: اهدى يازين واتروى وبعدين اعمل كل حاجة انت عاوزها
زين: متقلقش انا عارف انا هعمل ايه كويس قوى انا بس هحط النقط على الحروف مش اكتر
ريان فى سره: ربنا يستر
🍀🍀🍀🍀🍀🍀🍀🍀🍀🍀🍀🍀🍀🍀🍀
عند جاك
كان يجلس على كرسيه وهو يدخن سيجارته ويبتسم ابتسامته الشريرة ويستمع الى بلاك وهو يخبره بما فعله وما امره صديقة
جاك:احسنت يابلاك انا فخوربك 
بلاك:تلميذك يا سيدى
جاك:والان استمع الى انا الان شككت فى حب الابن  والوالد اى   زين ووالده والان ستصبح معركة شرسة بين الابن ووالده
بلاك:ولكن لاتنسى ان هذا صعب جدا فربما زين يظن ان هذا مجرد مقلب ولن يصدق ان والده بالفعل على قيد الحياة وان  يعلم ان هذا مجرد فوتو شوب نحن نعلم انهم على قيد الحياة ولكن ليس لدينا اىة صور لهم
جاك:اعلم ذلك بلاك ولكن المصريين لديهم  مثل قديم العيار الذى لايصيب يفتعل دوشةوهكذا سنكسب وقت لا اكثر 
بلاك: صدقت جاك والان ماذا سنفعل
جاك:سنعلم شاكر ان والده علم انه على قيد الحياة
بلاك:كيف
جاك:استمع قص له جاك كل شئ مما اعجب بلاك بتفكير
بلاك:احسنت يارجل انت داهية
جاك:وانت كذلك واخذوا يقهقهون سويا على ما سوف يفعلوه بشاكر وعائلته
💗💗💗💗💗💗💗💗💗💗💗💗💗💗💗
عند شاكركان يجلس على كرسيه بداخل مكتبه وبجواره زوجته وابنته لورين يتحدث مع احمد على الهاتف حينما  وصله خبر بأن جاك ارسل فيديو له اعلم فيها ولده زين انه مازال على قيد الحياة وبهذ ا افتعل مشكله له
شاكر:مصيبة يا احمد وصلنى ظرف دلوقتى فيه فيديو لجاك بيقولى فيه انه قدر يوصل لزين وبعتله فيديو بيقوله فيه انى لسة عايش جاك قدر يلعب عليا يا احمد
احمد:اهدى يا شاكر خلينا افكر هتصرف ازاى اكيد زين هيحاول يوصلى علشان يسألنى اذا كان الخبر ده صخ ولا لأ
شاكر:طيب وارجوك بلغنى كل الاخبار اول بأول يا احمد
احمد:تمام ما تقلقش هحاول اعرف كل حاجةواطمنك
شاكر:تمام خلى بالك وطمنى يالا مع السلامة
احمد:مع السلامة
اغلق شاكر  الهاتف مع احمد واخذ يفكر ماذا سيفعل اذا تمت المواجهة بينهم وعلى الناحية الاخرى رن هاتف احمد برقم زين ضغط على زر الاتصال واستمع الى زين الذى لم يتحدث سوى بجملة واحدة انه يريد ان يراه الان واغلق الخط بدون ان يستمع الى رده حتى
💞💞💞💞💞💞💞💞💞💞💞💞💞💞💞
عندزين وريان
كانوا يجلسون باالمكتب ينتظرون احمد المحامى دقائق ووصل احمد الذى يبدو عليه انه مضطرب جلس مقابله والجميع فى حالة صمت قطعه زين
زين:ليه
احمد: افندم
زين: انت فاهم قصدى ليه انا سامعك عاوزاجابة خبيتوا عننا انا واخواتى  ليه  ايه السبب اللى خلاكم تخبوا عننا وياترى تركيبة الدواء لعبة هى كمان ولا ايه عاوز اجابة
احمد:مش هقدر اجوبك غير على حاجة واحدة بس وهى انه ده كله لمصلحتك انما موضوع التركيبة فوالدك خلاص جهزها مش فاضل غير التصنيع وهو عمل كده علشان تقدر ترجع المصنع وتفتحه من جديد لكن هو هيجى ويقابلك من جديد بعدما نقدر نقبضع على جاك روبين وشريكه بلاك هانز من جديد فى الحالة دى تقدر تعاتبه وتساله براحتك وصدقنى كل الى حصل كان اقوى منه علشان كده خبى من جديد ده اللى قدر احكيهولك من جديد
زين بألم وغصة فى قلبه :طيب ولورين اختى فعلا
احمد بتنهيدة :ايوة اختك بس هتعرف كل حاجةمن والدك ووالدتك ودلوقتى لازم امشى
خرج احمد وترك زين وريان فى حزن كبير
ريان:اهدى يازين انا سكت لانه هو عنده حق لازم تسمع والدك وبعدين احكم عليه
زين: عذر اقبح من ذنب حرمانه مننا مش هيرجع اللى فات ياريان
ريان:محدش عارف ايه السبب متحكمش على الكتاب من الغلاف
زين: بس احيانا الغلاف بيكون اجابة كاملة للمحتوى اللى فيه ولا ايه يا حضرة الظابط
ريان:  برضو اسمعوا وبعدين قرر
زين:هانشوف
💟💟💟💟💟💟💟💟💟💟💟💟💟💟💟
خرج احمد من الشركة واخذ سيارته وذهب وأثناء سيره ضغط على زر الاتصال وهاتف شاكر وأخبره بماداربينه هو وزين واغلق الخط وعلى الجهة الاخرى اغلق شاكر الخط بعدما استمع الى كلمات احمد فكان
شاكر كان يجلس على كرسيه  فهو اصبح عاجز منذ ذلك اليوم ظل شاردا فى هذا اليوم الذى بسببه اصبح مشلول قاطعت شروده زوجته علياء
علياء:لسه بتفتكر اليوم ده انسى ياشاكر 
شاكر: انسى اليوم اللى اتحرمت فيه من حاجات كتير ومنهم بقيت عاجز ازاى عوزانى انسى ده يا علياء
علياء:يا حبيبى محدش يعرف الخير فين وعسى ان تكرهوا شيئا وهو خيرا لكم
شاكر: ونعم بالله خايف بعد ده كله ولادى ميسامحونيش ياعلياء
علياء:ولادنا بيحبونا واكيد لما يعرفوا كل اللى مربنا بيه هيسمحونا متشلش هم حاجة وان شاء آلله خير
شاكر:يارب ياعلياء يارب اتمنى ان عجزى يقدر يشفعلى عندهم
علياء:انت اتجننت يا شاكر ايه اللى بتقولوه ده وبعدين انت خلاص اتحددت ليك العملية وهتعملها وترجع تقف من جديد احنا كنا فين وبقينا فين 
شاكر: انتى ولورين وولادى اللى مصبرينى على كل حاجة ومهونينها عليا
علياء: طبعا ياحبيبى احنا فى ضهرك احمد قالك ايه
شاكر:قالى انهم عاوزين يقابلونى بأقرب فرصة
علياء:خلاص احنا نسافر ونشوفهم
شاكر:مش قبل ما يتقبض على جاك وبلاك انا مش مستغنى عنكم ولا هستغنى ابدا
علياء:خلاص زى ما تحب
شاكر:انا هبعت لاحمد وهو هيخلص الموضوع ده
علياء:تمام
شاكر:يالا روحى انتى شوفى لورين
علياء:طيب انا عند لورين لو عوزت حاجة ابعتلى
خرجت علياء وتركت شاكر يفكر اخذ شاكر هاتفه واجرى اتصالا بأحمد مرة اخرى اخبره فيه بضرورة القبض على جاك وبلاك حتى يستطيع ان يقابل اولاده
احمد:ما تقلقش يا شاكر انا ليا صديق ظابط هنا بيشتغل فى الشرطة الامريكية وانا بلغته وهو هيتصرف فى الموضوع ده وهيقدر يقبض عليه بأقرب فرصة ماتشلش هم انت
شاكر:هستناك تجبلى قرار الموضوع وتتاكد انه اتقبض عليه وميقدرش يهرب ابدا من جديد
احمد:حاضر سلام علشان خلاص انا وصلت البيت
شاكر:تمام يالا سلام
💖💖💖💖💖💖💖💖💖💖💖💖💖💖💖
انتهى الفصل يارب يكون عجبكم
انا مجبتش فلاش باك علشان شاكر هيجتمع بأولاده وهيحكلهم السبب وده اللى هيكون فلاش باك اوكيه
ياترى جاك وبلاك هيتقبض عليهم ولا هيقدروا يهربوا وايه رد فعلهم لما يشوفوا ابوهم وامهم وازاى شاكر اتشل وايه اللى خسروا اليوم ده وبيلوم نفسه كل ده هنعرفوا فى الاحداث اللى جاية لانها المواجهة بين الاب وأولاده