*************
في مكان مجهول..
:-أي الأخبار؟
اردف سمير بغلظة قائلا..
:-كل واحد مشغول بحياته عرفت ان فيه واحدة حامل من أسد وطلب منها انها تنزل البيبي ممكن تساعدنا في مهمتنا بكام مليم وهتكون لعبة في إيدينا
:-طلما كدا تمام ابعت الرجالة ليها وبكرا تبقي هنا
هز سمير رأسه بطاعة قائلا..
:-حاضر يا هانم أي اوامر تاني؟!
:-لأ روح شوف هتعمل ايه وراقب كل تصرفاتهم لحد ما اطلب منك تنفذ الخطة البديلة
بعد أن انتهي سمير من أخذ التعليمات من ربة عمله غادر الغرفة بهدوء تاركاً لها مساحه للتفكير فيما ستفعله في الأيام القادمة..
تحدثت بغضب وحقد وهي تنظر إلي أحكي الصور المعلقة علي الحائط أمامها قائلة..
:-دلوقتي هبدأ بيك أنتَ يا أسد هنتقم منكوا واحد واحد هدمر ليكوا حياتكوا زي ما دمرتوا حياتي هخلي حياتكم جحيم هندمكم أنكم دمرتوني كدا في اقرب حد ليا مش انتوا بنات المخابرات همجي الأسم دا من الوجود هحرق قلوبكم عليهم هتكرهوا اليوم والتاريخ الأتولد فيه كل واحد فيكم..هخليكم تترجوني عشان ارحمكم بس ساعتها مش هرحم أي حد !!
********
في القصر..
عاد اسد من الخارج وهو لا يري أمامه من شدة غضبه وأمنيته الوحيدة الأن هو عدم ظهور والدته أمامه في تلك اللحظة حتي لا يحدث ما لا يحمد عقبَّه
ولكن ليس كل ما يتمناه المرء يتحقق!
تحدثت فاطمة بغضب من خلفه ونبرة صوتها تكاد تصل للصراخ قائلة..
:-كنت فين يا استاذ كل دا عارف الساعة كام دلوقتي؟
أستدار لها أسد وهو ينظو لها نظرات غاضبة ولكنه حاول التحكم بنفسه قدر المستطاع فهي والدته في النهايه
اردف أسد بهدوء مخيف قائلا..
:- ماما بصي انا مش قادر دلوقتي من كتر الشغل بكرا نتكلم ممكن؟!
نظرت له فاطمة بحدة صائحة بنبرة صوت عالية جعلت جاسمين وأيان ومعاذ يجتمعون عليه..
:-انت كل يوم تقول نفس الكلام و بعدين شغل اي لحد الساعة 12بليل من امتي يا أسد باشا ؟.. مش شايف نفسك بقيت عامل إزاي من الشغل للبيت ومن البيت للشغل مافيش في قاموسك المقدس كلمة عيلة مافيش حياه يحرق ابو الشغل العامل فيك كدا مافيه ناس كتير بتشتغل اشمعني انت يعني عامل كدا رافض انك تتجوز رافض انك تعيش حياتك زي أي حد عادي !
نظر لها أسد بغضب عندما رأي ان جميع من في القصر اجتمعوا علي صوت والدته المرتفع كاد يجيب عليها ولكن قاطعه صوت والده قائلا
:-في أي يا فاطمة بتزعقي ليه ؟!
نظرت له فاطمة بغضب وهي تشير إلي أسد الواقف أمامها مردفة..
:-تعالي شوف ابنك شوف راجع الساعة كام ويقولك شغل.. في شغل يقعد لحد الساعة 12 دا انت حتي مدير شركة لما انت بتروح 12الموظفين عندك بتروح امتي سيادتك؟
أنت تقرأ
احبتهم الجبابرة
Randomالجزء الثاني من بنات المخابرات في الحقيقة لا أجد وصف يستطيع ايصال ما سيحدث في تلك المغامرة ولكن تذكر أن هؤلاء نسل ثلاث فتيات استطاعوا النجاة من فجوة سوداء كادت تبتلعهم فكيف تتوقع نسلهم !! ، دعني اطلعك أن تلك العنيدة ذات الرأس اليابس أورثت جيناتها ال...
