انا عملت البارت دا عشان اوضح كل بطل وبطلة بيشتغلوا اي وأوضح شوية حاجات كدا وارد علي اي سؤال
دلوقتي هنبدأ ب زهرة
زهرة بتشتغل هكر وممكن تحل اي حاجة ف الإلكترونيات وهيا مش بتحب انها تشتغل ف الشركات وطبعا أهلها احترموا دا وبتحب الرسم جدا اما بقا شخصيتها ف هيا زي ما قولت ف وصف الشخصيات ف الأول خالص انها زي اخوها متقلبة المزاج يعني ممكن تلاقيها خايفة أو باردة او متعصبة أو متوترة والخ...... ومع كل موقف بيبان خوفها أو توترها أو عصبيتها وغيره
أما ميرال بقا ف دي غيرهم خالص ف هيا اتعلمت من شغلها برود الأعصاب والذكاء كمان فهيا تعتبر ال بتقدر تسيطر علي اي موقف بيحصل ممكن يكشفهم
أما بقا لين ف هيا شغالة دكتورة نفسية و كانت شخصية تانية غير ال باينة قصادكوا ف الأحداث لكن لما ادم دخل حياتها غيرها. طبعا انتوا بتقولوا ازاي ادم دخل ف حياتها وازاي اتعرفت علي سيف اصلا بصوا هيا اتعرفت علي سيف ف الكلية وبقوا صحاب وبعد كدا سيف اتعرف علي البنات وبقوا صحاب وبعد كدا لين راحت ل سيف المستشفي عشان تعزمه علي حفلة عيد ميلاد قمر وهناك شافت ادم ومن ساعتها وهيا مبقتش زي الأول وبقت علي طول بتفكر فيه وبعدها بفترة عرفت أنه بيحب واحدة وخطبها هيا لما عرفت ادمرت نفسيا وسابت شغلها وبقت بداري وجعها بهزارها ديما وضحكها لكن هيا مع اي حد بره قاسية ومعندهاش تفاهم وقطعت علاقتها ب سيف لكن مليكة كانت لسه بتكلم سيف وبعدها عرفت أن آدم ساب خطيبة عشان بتخونه مع صاحبه وبعد كدا اخد باله من لين وأنه مبقاش يشوفها تيجي ل اخوه وسأل سيف وقاله أنه لو عايز يوصل ل لين يكلم مليكة وهيا هتساعده وفعلا كلم مليكة وخلته يقابل لين لكن بعد ما قبلها قالها أنه بيحبها وحكي ليها هو ليه ساب خطيبته لكن هيا قابلت كلامه ببرود وقالت ليه أنها كانت بتحبه زمان لكن دلوقتي هيا نست حبه لكن هو مستسلمش وفضل وراها لحد يوم الحادثة وبكدا اكون وضحت حياة لين .
أما بقا قمر ف هيا بتشتغل ف مجال التكنولوجيا يعني ممكن تخترع اي حاجة تخص تكنولوجيا لكن هيا بتحب ادوات التجميل وعندها موهبه ف استخدمهم يعني تعتبر متعددة المواهب لكن لما تتعصب اعرف انك مش هتطلع من تحت أيدها سليم تشبه امها علياء ف عصبيتها
اما مليكة ف دي مكوناتها غيرهم كلهم دي حاجة كدة مختلفة بتشتغل مهندسة ديكور لحبها للألوان واثبتت نفسها ف وقت قليل اوي وبقا عندها شركة وخمس فروع لي الشركة وهيا حلمها أنها تكبر مجال شغلها اكتر بتحب الهزار والضحك لكن وقت الشغل متعرفش امها وأبوها
سيلا دي السكرتيرة مليكة بتثق فيها وسيلا دي تبقي اخت احمد وطبعا مليكة متعرفش وهيبقي ليها دور ف الرواية مهم جداااااا
اما لانا دي ف تعتبر هتبقي بطلة أساسية ف الرواية مع انها تبان شرسة بس هيا طيبة جدا بحب بلدها اوي وبتكره الخائن والكذب كمان وهيا غاية في الجمال مع أن يبان عليها انها ضعيفة بس هيا قوية جدا وممكن تهزمك بذكاءها مش بقوتها بتحب مامتها جدا
احمد ودا بقا حاجة كدا عسل بيحب الضحك والخوارج وبيحب أخته جدا وبيخاف عليها وبيعتبرها أمه وبيحب مامته كمان اتعرف علي ميرال ف أول مهمة ليهم ومن ساعتها وهو علي طول معاها بيعتبرها زي سيلا بظبط .
صح نسيت عاصم وسهير
عاصم نفس احمد بظبط بس المختلف فيه أنه لما بيتعصب مش بيشوف قدامة .
سهير دي بقا تبقا زميلة الميرال وبتحب التمثيل جدا والبنات اختارها أنها هيا تكون الممثلة بتاعت خططتهم مع انها كانت معترضه ف الأول بس بعد كدا وافقت
أنت تقرأ
احبتهم الجبابرة
Diversosالجزء الثاني من بنات المخابرات في الحقيقة لا أجد وصف يستطيع ايصال ما سيحدث في تلك المغامرة ولكن تذكر أن هؤلاء نسل ثلاث فتيات استطاعوا النجاة من فجوة سوداء كادت تبتلعهم فكيف تتوقع نسلهم !! ، دعني اطلعك أن تلك العنيدة ذات الرأس اليابس أورثت جيناتها ال...
