حب منفوس

تعريف

السلام عليكم  شلونكم يا حلوين اليوم قصة جديدة و حلوة من كتابتي بيها من عمق  واقع و ضفت الها لمسات من خيالي ....  اتمنى تعجبكم ....  ح اكتب كم مشهد من الرواية اتمنى يعجبكم بس قبلها ح اعرفكم ع أبرز الابطال ...

سدر  .. فهد

لمار ... عبد الله

ترف ... هيثم  

والبقية أبطال عاديين بالقصة ....

المشهد الأول ...

... طلعت اتمشى بالحديقة و بيدي باكيت الجكاير  و التلفون و كفت ببداية الحديقة و لمحتها  هي نفسها ... عيوني ثبتن عليها و ع حركاتها  ما انكر بديت انعجب بيها و احس نفسي انجذب الها رغم هذا مستحيل أبين الها او أكدر اتقرب الها ... وجودها بحياتي مثل النعيم المتكدر تحصله و الملاك الي متكدر تستغله من شدة برائته يمكن خلصت الي ٣ جكارات و اني بس اباوعلها ... تقربت و اني امشي و صلت للمكان الي هي بيه ...

سدر .. واكفه  بنص الحديقة دا اسقي الازهار  و مبتسمه ع جمالهم و ترافتهم.. حسيت شي ورا غطا ع الضوة و صار مثل الخيال ... التففت شفت فهد بس اخترعت و جفلت حطيت ايدي ع كلبي لاحظت طيف ابتسامه ع شفته و الجكارة بيده ..

: شدتسوي هنا ..

فهد : اكو وردة جديدة بالحديقة عاجبتني ..

سدر : ضغطت ع شفتي بعفوية.. وكتله اعرفها

فهد : ايي..

سدر :  التفتت ع الورد جان اكو وردة لونها ابيض بس كلش حلوة ... شلتها و تجرأت سحبت ايده و خليتها بيده .... هاي اجدد وردة بالحديقة ... اريد تبينلي خبرتك بالورود و تهتم بيها ..

فهد : ابتسمت بدون شعور  و حسيت بكهربائية من لزمت ايدي ... ضغطت ع الوردة حيل و تمسكت بيها .. هي كملت رش الازهار كدامي و اجتي يارا وكعدوا يسولفون اخذت الوردة و خليتها بمكتبي نوب دخلت الغرفه و بدلت و طلعت ويا هيثم ...

...

المشهد الثاني ..

لمار .. جانت حفلة خطبة يارا و اني بايته عندها قبل بيوم ... و البيت كله مخبوص و البنات كلها تركض ... اسعد وحدة جانت هي سدر لان كلش تعلقت بيارا هالفترة و احنا تعلقنا بيها .... حبيت علاقتنا.... البنات كلها التمت قبل موعد الحفلة و كل وحدة تجهز للثانية و يارا مراحت صالون حبينا احنا نجهزها بشي بسيط و لطيف.... حتا يكون يوم بسيط و استثنائي....  الا فستاني من الغباء والثول ناسيته  بالسيارة و أخوية راجع بيها...  خابرته و فهمته و كالي ساعه و اجيبه بس اطلعيلي لان البيت كله سيارات.... عفت كلشي بيدي و طلعت بالتراك من الباب الخلفي بس محد ماكو.... و جان شعري لافته بكريات و بي خلطة.... يوه حالتي يرثى لها بس همزين محد ماكو بالباب الخلفي .. طلعت و اخذت منه الفستان و طبكت الباب جان اكو حمام  قريب من الباب و بصفه مغسله ورا ما طبكت الباب .. انفتح باب الحمام طلع منه شاب و اني نزيت و صرخت بصوت خفيف... و هو انصدم بيه .. ثواني و احنا ع هل حال رجعنا طبيعين نضرته الي مفسرتها بس خزرني بسرعه و اني انتبهت ع نفسي و ع حالتي المبعثرة و طكيتها بركضة لجوا.. بدون ما اباوع وراية ..  يمه كلبي راح  انتبهت ع نفسي يمه الخلطة بشعري ووجهي مكشر وبالتراك امداج يا لمار... يلا ع اساس هو جاي يخطبني بس فعلا امداني ...

.... المشهد الثالث ....

ترف ...  اليوم جان عرس يارا و من الصبح اني و سدر و لمار نركض وياها خطيه جانت خايفة كلش .. و متوترة بس بنفس الوقت فرحانه لان اخذت حبيب قلبها زياد ربي يوفقهم يا رب... خلصت الزفه و رجعنا لبيت خالتي الي هي أم يارا .. رتبنا البيت لو هو مايحتاج و بدلت بدون ما امسح الميكب ....  اني ولمار نطوطح من الدوخة ..الله يساعد يارا ع هالليلة احنا بلا صالون و بلا فرة دخنا . كوة واكفين ع رجلينا نتنضر السيارة تصل... و سدر بعدها تشتغل رغم كل التعب الي تعبته هاليومين شكد حبابة و فقيرة و ع نيتها هاي البنية ... الله يريح بالها ... ودعناها و طلعنا اني ولامار و امي و امها و اختي بسياره اخوها  ... دنطلع من بيت خالتي ام يارا تذكرت جنطتي الصغيرة كلت لأمي ... احمد ابن خالتي كال ح أتقدم شوية بالسياره لان مضل مجال ننتضرج ليكدام .. كتله اوكي ..  رحت جبت الجنطة وسدر تلكتني بيدها الجنطة يمكن جانت تريد تلحكني ع مودها

سدر : نسيتي جنطتج و تلفونج يالفاهية غير تنتبهين ..

ترف : همزين تذكرتهم  جان انجلطت بدون تلفوني ..

سدر : والله حشتاقلج غبية ...

ترف :  واني هم .. اكول بعدج تنظفين بفستانج والميكب يمكن متردين فهد يضيع الفرصة مو مو....

سدر : ضربتها ع ايدها .. لا ادبسزز بس ما بيه و الله ابدل و انزل نوب اصعد و اغسل .. هلكت ...

ترف : ههههه هم حقج يلا حبيبي تأخرت .. بستها و طلعت ركض لان رمشوا عليه... سمعت رجه بالتلفون.. ركضت بدون انتباه  أثناء ما دا اطلع من الباب انرطمت بشي صلب اجيت اوكع بس انسحبت من زندي ركزت ع نفسي و رجعت لتوازني ... فتحت عيني .. شفت شاب لازم زندي حت لا اوكع  هو ضخم و معضل بالنسبة بالي.... قاطب حواجبه و مركز عيونه عليه 

هيثم :  انتبهي ..

ترف. ... هديت ايده و مشيت بسرعه بدون ما التفتت  طلعت من فرع عمتي شفت سيارة احمد صعدت بيها .. 

انتهت المشاهد اتمنى سوت الكم واهس حت تكملون ...