حب منفوس

البارت الثاني

ضعــت كلش من لگيتك..

سدر : مرت الثلاث ايام بقلق و خوف و توتر و تفكير. الإرهاق والتعب الي مريت باليوم الواحد يعادل سنين .... خايفة من مستقبلي ... الي جنت قبل يومين افكر بي و افكر شلون ادخل جامعه و شنو اقدم .... سبحان مقلب الاقدار ... اليوم ثالث يوم يعني باجر اليوم الي المفروض اروح بيه و لحد هاي اللحظة ليث ماكو مختفي  دمرني دمار من الخوف ما خايفة عليه بكد ما خايفة ع روحي ... و اشوف ابوية منهارة اعصابة تماما ....  اول مرة اشوفه بالحالة واول مرة تصير بينا هيج حالة الضحكة انمحت من وجوه الكل ... بس اني ابتسامتي متصنعه.... كالعادة مر اليوم اكل وشرب و صعدت ب١١ ونص ردت انام تمددت  بس اكذب ع روحي إذا كلت اريد انام من التفكير اني بيه عادة افكر بكلشي وافكر هواية و مرات اتعب نفسي من التفكير  ... و اتخيل  مثل الوهواس مال تفكير عندي ... ارتخت اعصابي و بدت عيوني تغفى اندكت الباب ... كلت تفضل ... جان بابا ... دخل وسد الباب تماسكت اعصابي و دموعي كدامه .. وابتسمت  ردلي الابتسامه اجا كعد يمي كمت من سريري  وكعدت مقابيله عيونه مغرغره بس يكابر ... ابويا و اعرفه ... اول ما صرت كباله حضني ... مرت دقايق اني بحضنه و هو يمسد ايديه ع رأسي ... جانت لحضات صح قلقه بس الأمان بحضن ابوية غلب على كل شي جنت افكر بيه شبه ارتاحيت ... رفع رأسي بيده وعيوني بعيونه ....

أبو سدر : بابا سدر.

سدر : هممت بكلامي.... ها بابا

أبو سدر : بأس راسي... و عصرني بحضنه ... أعذريني بابا ما بيه اقدم او احاول بأي وصلت وياهم للتواسيل  ومصار شي ....

سدر : لا اراديا دموعي نزلت... عادي بابا هي مو بيدك و ادري لو بيدك الموضوع متنطيني غصه بصدري من كلتها فصلية اكيد.... لزمت ايده و مسحت عليها .. ادري بابا ادري اني و انت وليث صارت هالمشكلة و هالضروف اقوا من عدنا .. و ادري بالحالتين ورانه مشاكل ... وحت لا تصير دم وقاتل ومقتول لازم طرف من الأطراف يضحي .. وصدكني مو بس اروح فصلية مستعدة اضحي بروحي ودمي و كياني علمودكم ... انت وليث و اذا رجع فد يوم بوسلي اياه و كله اختك سباعية.... هو بأس رأسي و نزلت دمعته

أبو سدر : ادري بيج سباعية و قوية و أقوى من هالمشكلة.... تشبهين امج الله يرحمها بهالشي .. ههه و لو انتي بكل شي تشبهيها جنت دائما اشوفها بيج بشكلج و تصرفاتك و ضحكتج وعيونج  ووووو وهواي اشياء .. أريد اكولج هاي هي الدنيا بنتي ضالمه وما تنصف احد بسبب او بدون سبب هسة احنه جنا شكد مرتاحين و هادئين ... و اجتنا هاي المشكلة قلبت اقدارنا ... المؤمن مبتلى بنيتي و بحياتنا نشوف أشكال و انواع الي علينه ان نصبر و نثق بحكم الله لان بس هو الينصفنا وهو اكبر من كل شي ... باجر راح تبدين حياه جديدة منعرف شنو مضموم بيها خير أو شر ... بس العليج ان تثقين بربج و تصبرين و تأمنين ان هو وياج وما دام هو وياج يعني الضلم ميدوم ... لا بد يجي يوم و تنحل هالمشكلة و كل مشكلة .... اريد منج تكونين قوية  و تتجاهلين كلشي يأذيج و عيونج الحلوة متنزل دموعها كدام اي احد يحس ان يريد ي لها او يستضعفها ... و تكونين قوية كدام الكل وصبورة ... نهاية الصبر شي حلو  ... شما تسمعين و شما يصير وياج رددي حسبي الله ونعم الوكيل ... لا تأذين روحج الناس بعدنا منعرف طينتها حتى نحكم عليها ان كان خير أو أن كان شر ... بس ان شاء الله الله كاتبلج كل خير ... و قلبي وياج و لساني يدعيلج بكل خطوة بنتي القوية ما اريد احد يكسرها  ... اريد اخذ منج وعد ...