سلام عليكم راح نبلش بقصتنا قصة حب منفوس ... اول قصه الي و ان شاء الله اتوفق بيها ....سدر .. جنت كاعدة ع ميز الطعام بس بالي مو يم الاكل و اصلا نفسي مسدوده كلش .. القلق يأكلني ... باجر تطلع النتيجة مالتي .. اني سادس أعدادي ... و منتظرة النتيجة و ميته رعب ... كلش تعبت بالامتحانات و من الدراسة حت ضعفانه .. جنت ٧٦ صرت ٧٤ ... انتبه عليه أخوية ليث و كال
ليث : ها سرو وين صافنه
سدر : النتائج مالتي باجر ليث
ليث : اي ادري اني الكتلج
سدر :القلق ديأكلني اكل .... خاف ممجاوبة او مناجحه يا ربي جنت انتضر هاليوم هسة ما أريده يجي
ليث : لا تكولين هيج هاي مجرد افكار واوهام براسج من القلق ادري بيج سباعية و شاطرة ....
سدر : ان شاء الله مجرد افكار...
ليث : دا اكليلج لكمة يا روحي
سدر : والله و لا اشتهي العسل ...
ليث : لخاطري بس جم لكمه
سدر : هاي علمودك بس .... كام يفلس لي لحم ع التمن و يسوي لكيمات و اكل من ايده اكلت و شبعت الحمد لله كفيت الصينية وغسلته هي والاماعين ابويا عنده خفر فما موجود و امي متوفية الله يرحمها .... صعدت لغرفتي لزمت التلفون تراسلت ويا بنات صفي ... كلهم خايفين بس ان شاء الله ماكو شي و ناجحين بمعدل و لو مقبول ... صارت ب ١ طفيت كلشي و نمت .... كعدت ثاني سويت ريوك الي و لليث و لبابا جان جاي سلمت عليه و تريكنا اتفقنا اني وليث ياخذني للمدرسة بدلت و طلعت وياه ذبني يم باب المدرسة .... و نزلت البنات جانت مجتمعات هدى ونسرين صديقاتي ... سولفنا شوية و علموا النتائج انصدمت صدمه عمري معدلي .. ٨٩.٧ يا ربييييييي مقبووووووووول فددددد فرحت حت كمت اكمز و هدى جان ٨٧ و نسرين ٨١ كلش فرحنا تحاضننا و ضلينا نكمز احلا شعور بحياتي كلها فرحتي ما انطيها لأي أحد ... الحمد لله ما راح تعبي و دراستي .... طلعت انتضر لباب يم الحارس اني و نسرين.... و لحكتنا هدى اشو ليث تأخر عليه ... انتضرت و انتضرت وماكو شي ... اخير شي فرغت المدرسة بقيته بس اني ونسرين كم طالبة حت هدى راحت اني ونسرين فرع مقابل فرع بس اني قبلها ..
نسرين : كومي يمعودة اني وياج نروح مشي تأخرنا
سدر : لا عفية خاف يجي و ميلكاني ...
نسرين : لا لو يريد يجي جان اجه كومي حصير ب ١...
سدر :خل ننتضر شوية فدوة
نسرين : حانتضر وياج عشر دقايق ماكو غيرهم
سدر : تمام... فعلا شكد انتضرته بس ماكو... اخير شي استسلمت و رحت ويا نسرين
نسرين : يالعوبة جان هسة وصلنا باعي الشمس دكتنا دك .. باعي انتي صرتي حمرا طماطية راحت هيبة بياضج....
YOU ARE READING
حب منفوس
Fantasíaهيه مو كل عضه عضه افتهم قصد المثل عضة الاصبع ندامة وعضة الركبة غزل😍