احييتني رغم يأسي

البارت 12

مساء الخير 💚🤓
اليوم اذا صارلي مجال انزللكم بعد بارت😌

احييتني رغم يأسي

#للكاتبة أسيل ✍🏻💁🏻‍♀️

^^^^^^^^^^^^^^^^^^^^^^^^^^^^^^^^^

الروح روحي وبطلت
ولويت اذنها
شرد اكلك ياحزنهه؟
بطليت
طلسم وفكيت سحرك وانتهيت
ماأچذبك انه ناسيك وبچيت
وانه حاير مثل المحجر
على الريح ارتچيت
لا متت أنته.
ولا انه ال حييت

^^^^^^^^^^^^^^^^^^^^^^^^^^^^

مصطفى : الحك احمد عمر ماهو اندور عليه مختفي خاف يسوي شي بنفسه

احمد: يمعود شكو شبي

مصطفى : انت تعال وتفتهم

احمد: استغفر الله يالله هسه جاي
سديته واني شايط وصلت لكيت امه كاعده تبجي مغطية وجه بالشيله يمه ابني راح يروح مني وعمي وجه مكلوب اباوع دم بالكاع عقل مضل براسي هاي شنو مصطفى هذا الدم

مصطفى : يمعود هذا المخبل كسر الغراض والجامه وايده انجرحت كام وطلع عاف البيت

احمد: ليش سوه هيج

ام عمر : يمه كلشي جان مابي فرحان وجه يضحك كالي يمه اريدج تخطبيلي بنيه ياا واني فرحة وقبلت اروح اطلبها اهم شي ابني يفرح وضلت تبجي

مصطفى : وكاعدين شو اجته رسالة
وهذا وجه انكلب وكام يغلط ويكسر الغراض كلشي
مافتهمنه وعافنه وطلع

احمد : اني راح اروح ادور عليه وافتهم السالفة كتلهم طبو جوه اني هسه اجيبه واجي وانتي عيني خاله حبيبتي والله هسه اجيبه الج بس فوتي جوه عيب منى الناس .. عرفت وين الكاه اكيد بالمكان الي نكعد بي اني وياه ركبت السيارة ورحت وجان اوصل يم الشط ولكيته كاعد ويبجي هاي اول مره اشوفه يبجي
كسر كلبي عليه رحت كعدت يمه كالي احمد لتحجي ولا كلمه الله يوفقك
عفته وضلينه كاعدين بال ساعة تقريباً
وجان لاف ايده بالوصله

عمر : احمد ليش تطيني أمل وبعدين تكلي بطلت ماريدك كمت على حيلي
ليشش هيجي تكسر كلبي مو جنت فرحان هيجي عده بكل سهولة تكولها
والله لو رافضتني من الاول مجان تأذيت مثل هسه نار نار واشتعلت بكلبي

احمد: اكعد خلي افتهم ليش غيرت رئيها

عمر : مادري احمد معقولة ضحكت عليه
اوووف

احمد: ماعاش اليضحك عليك واني موجود والله لاخذ حقك مربع وهذا وعد مو عمر الي تكسره مره لو تنزل دمعته وحق هاي دموعك لادفعها ثمن كل دمعه من عيونك

عمر : حجيتها بتعب عوفها احمد

احمد : الله كريم امشي نروح للبيت خطية امك حالتها حاله وابوك السكر صاعد عده شلون اسوي هيجي بيهم ماخفت عليهم