مساءو حبايبي 💓
ادري طولت عليكم عذروني ☹️
#احييتني_رغم_يأسي
#للكاتبة اسيل ✍🏻
^^^^^^^^^^^^^^^^^^^^^^^^^^^^^^^^^^^^^^^^^
وما بينه حيل وننتضر
يالما عرفتو اشبينه
حبينه كلش من صدك
ما ننسى اضن تالينه
لا تستحون من الحجي
كولو اذا ناسينه
ليش نبقى بلا عشك
شو غيركم شارينه
والدنيا محسوبه وكضت
جا ع الاقل حبينه
اليترس السله عنب
كون يترس عينه
^^^^^^^^^^^^^^^^^^^^^^^^^^^^^^^^^^^^^^^^^^^^^
احمد: طلعت باليل رحت يم ال شط
كعدت واني افكر بالي سويته اييي احمد اعترف انت تحبها تحبها اصلاً انت من زمان تحبها بس جذبت على نفسك ردت تنساها ومكدرت اطلعها من بالك ومتحملت اصير لغير شخص سويت هل شي حتى لو تدري مراح تحبك المهم انت تحبها اوووف شسوي اذا بس اشوف عيونها امووت احس كلبي راح يطلع من مكانه كاعد وافكر بيها صار اسبوع على روحتنه وماكو جواب لحد مكاعد ويه اصدقائي نسولف وجان يجيلي اتصال
مت امي ودزولي الموافقة وحددنا شوكت المشيه
ام مصطفى :مبروك يمه حبيبي والله فرحتلك
احمد: الله يبارك بيج يمه رحت بست راسها
فاطمة : هله بالمعرس عيني
راح تزوج واركص بعرسك اييي عميييي
روووح
احمد : شو انتي متستحين شمرت عليها الكوشه
فاطمة : اووي عيني شدعواك اكوم احسلي لتجيلي اعاقة قبل العرس
وجان ينشمر عليه النعال همزين مااجه بيه طفرت لغرفتي خابرت سجى
سجى : هاا ولج خيرج
فاطمة : انجبي شنو يعني خيرج
سجى : ادري بيج متخابرين اذا ماعدج شغله
فاطمة : اي لعد اخابر حتى اسئلج شلونج
سجى : اختصري شتردين
فاطمة : ههههه اي الاختصار احسن
شوفي حبي رورو راح اصير مرت اخوية
يعني بعد نكعد سوى اني وياها وانتي
خطية اضلين وحدج مثل الجلب
وانتي منانه راح اصيرين جنج بطريق
ف المهم حظري نفسج باجر يمكم
هاا وسويلي حلويات مو تنسين ترى عيب
اعتبر خطار اريد اشبع بطني
سجى : خلصتي
فاطمة : يعني تقريباً
سجى : سديته بوجها
فاطمة : لا يااا خره اني الج
^^^^^^^^^^^^^^^^^^^^^^^^^^^^^^^^^^^
ريتاج : طبعاً البيت صاير هوسه ومشاكل
ويوسف قنع بابا وعرف يسكت ماما بس بعدها من افوت تخزرني لو اصلاً متباوعلي ويوسف حجه ويايه واني فكرت
مااكدر اخذ محمد يعني احمد احسن اختيار وبنفس الوكت مستحيل اسمحله
يتقربلي اني اريد بس اربي بته اييي اكله
واذا يريد ياخذ غير وحده اني قابله
حددو المشيه واجتي سجى يمي
وكوه خليتها تسوي شعري وحطتلي مكياج كلش خفيف ماقبلت تحطي اهواي واجت فطوم جايبتلي ثوب ابيض
أنت تقرأ
احييتني رغم يأسي
Romanceتتحدث القصة عن فتاة عاشته وهي لا تعرف معنى الحب رغم الالم التي عانتها فهل ستجد من يحيي الحب في داخلها آمات الحب عشقاً وحبك انت 💙 احياني ولو خيرت في وطن🍃 لقلت هوآك اوطاني💚
