#البارت السادس
#فاطمه محمد
#الوجه المخادع
لله دُر قلبْي الغارق بتفاصّيلك الهاديةالمُتيم بحُسن مْبسمك.
فاطمه: جاي احرث ب لمنجل فات واحد كال
الولد : الله يساعدج خيتي
فاطمه : ويساعدك خويه
هادي: هاي شعدها تحجي ويه هذا الولد خل اراقبها لاتجيبلنه سهبه
مر يوم وهم اجه الولد
الولد: الله يساعدج خويه وين بيت فلان
فاطمه : خويه هذا هو بيتهم
كملت الحراثه شفت هادي يباوع من بعيد ورايح اتجاه بيتنه
هادي: انه اعلمنج يافطيم تردين تفضحينه بين الوادم اله اكول لخوج يكسر راسج ويطم عارج
دكيت لباب طلع حازم كتله شوف اختك فضحتنه بين الوادم هيه واحد ما تستحي ولاتخاف مدري شنو سالفتها وياه هذا الولد مراقبتها واشوفه يمها
حازم : انته جاي تحجي ومنو هذا الولد
هادي: ولك اكلك الله ساتر من هاي المصيبه ماخذ شرفها الله يعلم يمكن حبله هسه
حازم : خله ايده على راسه كله شفتها بعينك
هادي: ولك مو جاي اكلك واكفه يم الزلمه وشافتني حتى مخافت وماخذه راحتها شيكولون علينه الوادم ولك الفلاليح يباوعون عليها انفضحنا انه اكلك اغسل عارك قبل لاننفضح دخل جوه لبس غترته وكالي
حازم: امشي هيه بيا كاع هسه
هادي: امشي وراي وانه ادليك وشوف بعينك
حازم: امشي وخايف يطلع حجيه صدك المهم وصلت شفت كاعده تحرث وام حسن يمها احس بوكتها اريد اخنكها واموتها وشلت المنجل مالت ابو حسن ضربتها بمتنها
فاطمه : اخ بويه
ام حسن : ولك خايب اشمالك شمسويه البت وضربتها
حازم: لزمتها من شيلتها اخذتها سحل للبيت اريد بس اوصل واكتلها خلاص واغسل عارها الله اخذ ابوي وماخذها وخلصني منها وصلت للبيت
فاطمه: اخ يمه شمسويه بس كلي ولك انه ابنيتك ليش هيج سوي بيه
ام حسن: يايمه هاي وصيت امك وابوك هيج سوي بيها
حازم: حجيه مالج علاقه بيتنه هاي اسرار وطلعي يله وسدي باب الحوش وراج
ام حسن : عاين علي يبن جاسم انه الغريبه هسه صرت ولك ربيتك بيدي اني وامك ولك منو الينيمك ويسهر عليك لوتمرضت ولك قصرت بشي وياك بس كلي وطلعت وسدت الباب
حازم: عتيت البرده وكعتها ب الكاع وكسرت جام ديوانيه ولج منهو هذا الجنتي تحاجينه و شعندج وياه
فاطمه: وعلي ماعرفه سال على بيت ابو سالم وكتله ذاك هو وماحجيت بعد ولله هذا الفوكاي شاهد علي
