#فاطمه محمد
#البارت الثامن
#الوجه المخادع
يا طيور الود شوفيها وعن سبب فرحتي عرفيها وقولي لها زفاف مبارك عليها.
علي : اول ما طلعت خابر امي كلت شي اكيد راح تفرح لفرحي مامعقوله تبقه تنكد عليه
علي : هلو يمه شلونج
ام علي: هلو عيني يبعد امك شلونك
علي: الحمد لله يمه باركيلي خطبت يمه احس فرحه اول مره هيجي مرتاح
ام علي:..
علي: الووو يمه الووو
رجعت تصلت عليها
علي: ها يمه ليش سديتي
ام علي: ابقه يمها يم حبيبه كلبك الي بعت راي امك علمودها
علي: هاي شبيج يمه انتي متفرحين لفرح ابنج
ام علي : لااني امك ولا انته ابني متبريه منك يبن بطني
علي : سديت تلفون راسن ختنكت واهسي كلش خرب
طلعت يمهم بره تفقنه اسبوعين ونسوي عرس انطيت لفلوس الهم حتى اشتري ملابس ويه ذهب طلعنه المغرب رجعنه لبيتنه مرت الايام ورجعت علاقتي بورود اقوه من قبل بكل وقت نحجي احس نفسي مرتاح طلعت العصر اشتريت قاط للزفه
قبل يوم العرس رحنه للعزيزيه بتنه يم بيت خال ورود علاقتنه بيهم قويه ثاني يوم هوسه اخوتي وياي كلهم واخواتي بس سهام
كعدت صبح تريكت ورحنه نزين السياره ويه الولد ورجعت بدلت وراها جبت ورود من صالون ورحنه اخذنه صور ورجعت الولد شغلو سستم وركص وهلاهل شكد حلو واحد بين اهله وناسه بعدين سوينه زفه فترينه ورحنه للفندق
(اني بعد ماعرف تفاصيل ماتعمقت بهذا الموضوع لان داكتب الي نحجالي وماكو اي اضافات مني اني هيج اريدها حتى اذا سريعه المهم ماحط شي مصاير بلحقيقه)
ثاني يوم الصبح اجتنه ام زيد جايبه الريوك تريكنه وصلناها وخذت جنط ورود ورحنه زرنه امام الكاضم(عليه السلام ) وراها طلعنه للبيت طول الطريق افكر خاف امي شد ويه البنيه
المهم وصلنه لكيت عماتي وخالاتي يهوسن فرحانات الي
ام جعفر : ذبن لحم عماته على عناد خالاته
جبنه النادره هيه وشهادتها
ام حنين: علاوي زفوله مره و حيدوري طابك على سره
ورود: ملكاهم حلو فرحانه ومستحيه وراها سلمت عليه
خالتي ام علي من وره خشمها من سلامها وبرودها متت بدمي حتى مبروك بلجذب مكالتلي
بعد خمس أشهر
ورود : كعدت صبح مثل كل يوم الروتين شفت خالتي بلمطبخ كتلها صباح الخير
