عشق مابعد الطلاق

البارت الثامن

ناي
طلعت من غرفتي الكل صلى ع النبي تعجبو بشكلي عمتي هلهلت خطيه كلش فرحانه
لكيت زينب ونرجس خطيه مبدلات وجايات ركض محضرات اطباق التقديم والحلويات ومبخرات البيت مطلعات كيك المعازيم ومقسماته مخليات المي ع صفحه ومااسولف ع ترتيب كاسات المهر وجانت مفاجئه الي اني ماجبتهن ماردت اثكل ع الوالد بالطلبات بس عمتي جايبتهم وكلشي جايبته ذهبي يخبل الكيكه السويتهه بدون تحضير مسبق اتكلت ع الوان العندي وسويتهه بيضه وزينتهه بورد اصفر وبنفسجي طلعت تجنن الكل انعجب بشغلهه كعدت واني متمنيه اشوف امي بين المعازيم
واني بكلشي اتمنه امي احس روحهه يمي

صاحو من وره الباب هلهلوو وكبت الهلاهل وره شوي كالو خل ناي توكف وره الباب يعقدولهم وكفت وره الباب واني مخليه شال ع راسي ومغطيه بي جسمي واني احس راح يغمئ عليه من المستحئ سمعت الشيخ قره أيات ومقدمات مجنت استوعب شيحجي من الخجل لحد ماكال  ياناي بنت راضي هل تقبلين الزواج من قيصر ابن محمد بدون اكراه على ذالك وعلى سنة الله ورسوله، ،،،،،،،،،،،،،،،،،،،،،،،،،،،،صمت

ام قيصر
ناي يمه جاوبي گولي نعم

ناي
مااعرف ليش من كال الشيخ هاذي الكلمات نقبضت روحي بدون سبب مع العلم جنت فرحانه بس مااعرف ليش سكتت والجواب ثكل بلساني لحد مأجت عمتي لزمتني من جتفي ماسمعت من حجيهه شي
غير بس كلمه نعم كانما ميت ويلقنوني ماادري ليش ماجاي اتطلع الكلمه من حلكي
وجاوبت وكلت
نعم اقبل
سال قيصر وهم تاخر بالرد عاد من بعد كل هلكلام الشيخ تبارك النه وكال انتم الان زوج وزوجه وانشالله الله يجعل بيناتكم الموده والرحمه والخلف الصالح كبت الهلاهل واشتغل الديجي عمامي وخوالي ترخصو وراحو كلهم مابقه بس شكم واحد من طرف بيت عمتي ونسوان عم قيصر وبناتهن وصديقاتي زينب ونرجس الي كضنهه خطيه يوزعن كيك وعصاير انشلع كلبهن خمس دقايق ودخل قيصر طالع يجنن لابس قاط اسود وقميص ابيض والمنديل ألي مخلي اصفر مااعرف مقصوده حته يتناسب ويه فستاني لو لاا

قيصر
طول الفتره واحنه ابغداد واني مجاز ماوصلت المستشفئ لأن ادري بنفسي بس اوصل للمستشفئ واشوف سمر راح اخذهه واشرد بييهه واكسر كل العادات والتقاليد ومااهتم الاحد والصراحه وخفت لااسويهه وامي تموت تحملت وكعدت بالبيت كضيته اجمع بااغراضي ومستمسكاتي گلت بس نرجع من العماره اروح اقدم ع بعثة الاطباء الراح يروحون لأوكرانيا امي خلال هاي الفتره كضتهه تحضيرات مااحتكيت بيهه حته مااجرحهه وهيه فرحانه و اني بدوامه مااعرف احزن لو اتقبل الجاي يصير سمر حب حياتي مااكدر بدونهه بس امي شلون بيهه مجاي تفهمني ولا جاي تتقبل قراري ولازمتني من ايدي التوجعني اجت من السوك وجابتلي منديل اصفر وبي نقشه جوزي حلو كالت هديه واريدك تلبسه بيوم خطوبتك اخذتهه منهه وشكرتهه واني اعرف جايبته هيج لون حته يوالم فستان ناي كل هاي الامور جنه نخطط الهه اني وسمر موضوع لبسهه ولبسي وشكل الكوشه وموديل الكيكه كلشي صار حلم مابقه شي اليوم نروح للعماره الفجر كلت انام بس كلعاده مانمت كضيتهه اتكلب بفراشي طلعنه من الفجر وصلنه الصبح ذيج المره اجيت واني مكيف بالاجواء بس هلمره حتئ الجوو خانكني حاس روحي جاي للعدام
وصلنه الصبح سلمنه ع خالي ووالي الكل دخل بقيت انزل بالجنط وانطي لبنت عمي عاد اجت ناي تاخذ الاغراض وياهه طلعت لابسه الدشداشه والشال وشكلهه منفخ يمكن جانت نايمه سلمت وجوابهه جان هادء كلش يجذبني جمالهه وهداوتهه ورزانتهه بس ااخ وكلبي المتعلك بسمر وماجاي يشوف غيرهه عاد بنت عمي ذبتلهه حجايه حته ترخي الاجواء  خجلتنه ثنيناتنه فتت جوه اجانه الريوك كلعاده ناي وترتيباتهه تريكنه وبقينه نسولف اني وعماماي وخالي ابو سجاد ب12صبولنه الغده والكل تشكر من خالي لان خجولنه بكرمهم  عاد لل2بدلنه وكعدنه ب3اجو عمامهه وخوالهه لناي
سولفنه بموضوع المهر