عشق مابعد الطلاق

البارت السابع

#ساره فاضل
#عشق مابعد الطلاق

ام قيصر

فتت للمحل وتجاهلت هاي الحقيره جني مااشوفهه گلت من ارجع راح تكول تخاف تواجهني
دخلت واشتريت لناي التاج وبنسات الشعر جاي احاسب بالولد طلعت فلوسي من جنطتي وجان هاي الحقيره تحجي من يمهه

سمر
خليهن عليه ام قيصر ميجوز احنه فايتين للمحل وانتي ادفعين شلون ترهم ياام قيصر

ام قيصر
لاحبيبتي مشكوره مااحب اخذ شيء من الاغراب
ولااحب احد يدفعلي تعرفيني عندي كرامه

سمر
لا يمعوده صدك جذب احنه اهل ونشالله عن قريب نسابه

ام قيصر
هههههههه حلم ابليس بالجنه
فتت وضربتهه بجتفهه
رحت لبو المحل واني حته حجي كوه احجي
بس متماسكه
هاك ماما هاك فلوسك
حاسبت ابو المحل وطلعت شايطه غضب من هاي الحيه. وصديقتهه الاخس من عيونهه
تباوع للعالم صفح اوووف ياربي يمته اخلص
من هلكابوس ويتزوج قيصر ناي وارتاح والله تعبت من هاي العلاقه الماشوف غير راح تذب ابني بالتهلوكه بس شسويله

وصلت للبيت ولكيت عصام منتضرني جاي يشرب كهوته وكلعاده مشغل الاخبار

السلام عليكم

عصام
وعليكم السلام حبيبتي كواج الله بالي يمج

حبيبي ليضل بالك ولو ردت احد وياي انته قيصر لان العلاليك ثكليله وانته تعرفني موحمل الثكل بسع اتعب

عصام
والله لوبيدي مااعوفج وبكلشي اساعدج

حبيبي كلشي مااريد نفسك بالدنيه يسوه عندي الدنيه ومابيهه

عصام
تدرين تمنيت اروح وياكم للعماره واشوف الاجواء هناك صارلي هواي مرايح وكلش مشتاق لاجواهم وخاصه الطابك والسمج

ههههه
نجيبلك دلفري ولا يهمك

عصام
ههههه بدل مانتي تسويلي الاجواء تردين تجيبيلي دلفري شلون بنت العماره انتي

هههههه اني بالاسم جنوبيه كل طبخات اهل الجنوب استصعبهه بس شلون جبتلك جنه تعجبك من مالت اول رغم هيه مثقفه ودارسه بس ماخذه عادات امهه الله يرحمهه كلهن

عصام
الله يرحمهه

أاكلج ام قيصر موجنج ضلمتي البنيه من جبتيهه القيصر وانتي تعرفين كلش زين قيصر ميحبهه شلون حتعيش ويه شخص كلبه عد غيرهه مافكرتي بحالهه اني من يمي وشايلله هم

ام قيصر
ليش منو كلك ماحاسه بالذنب ولامقهوره ع بنت اخويه بس البنيه واعيه وعقلهه جبير وكلت ماكو غيره تطلع ابني من هاي الورطه الهوه بيهه ناي راح تتحمل وتصبر وتجيبه للطريق وكول كالت
عصام اني خايفه ع ابني من سمر
كتلة شر ونارهه يعم ع الكل اخاف ابني ياخذهه وتسوي دلدول وتنسي حته امه