عشق مابعد الطلاق

البارت الثالث

#ساره فاضل

#عشق مابعد الطلاق

ناي
رحت ركض اجهز الغده ايد اصب وايد ارتب
صحت ع والي يفرش السفره لان ماالحك
وعيب خاف عمتي جوعانه عاد سمعت عمتي تكل القيصر كوم ساعدهم
اجه والي اخذ السفره وراح عاد قيصر ضل ينقل بالمواعين اخر شي بقت المركه أني جاي اخذهه التفتت وماادري بقيصر جاي وراي
نگلبت المركه كلهه ع ملابسه اني من الخوفه
حسبالي حركته
رحت كبل اخذت منشف مبلل ومسحتله وهوه. خطيه يكول ماكو شي مااحتركت بس اني متت مستحه كله من وره ثوالتي جان حركت الولد

اجت عمتي وابوي لكوني امسح بملابسه واتعذر

ابو سجاد
هاا بويه سلامات شجرالك شنو هاذ العلى هدومك

قيصر
ماكو شي خالي ناي بدون متدري وكعتهه عليه يلا الحمدلله ماصار شي

ناي
اسفه والله موقصدي ماادري بيك وراي اسفه أعذرني

قيصر
شسالفه عليمن هاذ الأسف كتلكم ماكو شي شنو نسيتو اني دكتور

ام قيصر

يلا بالريش ههههه تره ابن عمتج رجال مو نعنوع

ويلا كافي تتأسفين وجيبي غداج متت جوع لوانتي ماتعرفين العزوبيه

ناي
لاعمه شلون مااعرف العزوبيه واني تربات ابوسجاد روحو كدامي واغديكم احلا غده من عيوني

ام قيصر
سالمه عيونج يروحي

قيصر
هنه يسولفن واني محترك بطني من المركه بس مابينت كلت خطيه البنيه تتفشل خليتهم راحو كدامي واني ترخصت ابدل رحت للغرفه اباوع بالمرايه حرك بسيط مامتضرر اخذت مرهم من جنطتي وخليته مؤقت ولبست طلعت ولكيت ناي اباب الغرفه واكفه

ناي من راح يبدل اتاخر دزوني اصيحه رحت شفته يباوع للحرك خطيه كله بسببي بدل وندار عليه واني مدنكه خجالانه كتله يصيحوك الغده برد
عاد كال جاي
هوه يمشي واني ورا مااعرف ليش عطره جذبني وطوله وشخصيته اول مره انتبهله هيج
صح هوه اكبر مني بهواي بس شكله مرتب
والهيبه العنده تجنن
عاد نفضت افكاري وكلت وين تباوعين ياناي دنكي ركبتج كثر العشم يكسر الركبه هوه دكتور ومن بغداد وحلو ومرتب واني بنيه ريفيه والعندي خلك شهادة متوسط كعدت يم عمتي وعمتي كلساع تمدح باأكلي هههه خجليت

ام قيصر
شنو هلطبخ اليخبل والترتيب ولج حسبالك شغل مطاعم منين تعلمتي ينونه

ناي
والله ياعمه هاذ المدح خجلني قابل اني شمسويه هاذ كله مومن واجبكم عذروني لوبيدي اسويلكم عيوني وقليل بحقكم

ام قيصر
سالمه عيونج يبعد كلبي حياتي يمه فدوه للبنيات بس هم ماجاوبتي منين تعلمتي الطبخ اكيد من النت

ناي
لاوالله ماعدنه ولااعرفه بس سامعه بي عد جوارينه يكولون يخبل كلشي بي بس الطبخ تعلمته من امي واني ضفتله شوي تعديلات بعدني مبتدئه يرادلي بعد هواي