حليمه وعمايلها البهيمه

الحلقه الثالثه

مصعب بطني توجع فياا
مسعوده خيرك شن فيك
مصعب منعرفش نبي حمام بطني
مسعوده مدلته ميه  غر اشرب ميه
مصعب .نب.ي ال.حمام ؟؟
مسعوده  اوني غادي
اني  مشيتي فها ي حليمه هدا الليله بيبشبش الولد بيقعد ماشي جاي..  وبعتالي بيشدها ع الخلي وووه غبر فيا .. و طلعت
مصعب جاي بيخش حمام
اني واقفت قدام  علي وين
مصعب حولي نبي حمام
اني لا واللهي لالا توا اتسكرنا الصرف الصحي
مصعب  تي شن تقولي حوولي نبي حماام
اني  لالا والله ماصايره بنقعد نعاني ف*** ونسرح بر ربي معاك برا ل حوش جيران
مصعب  تعرفي ي فرخه كان نشدك توا نعجنك.. حولي خير ماتوا نعفسلك ع خليقتك ي دريييييه
اني  اني مش دريه انته طويل هلباااا
مصعب جاي بيخش وقفت ف طريقه  من جديد
اني   كان تبي تخش ل حمام تكمل وبعدها سيقه اني مش اثيوبيه راه
مصعب قامه حطه ع طاوله
اني حيعلمااااء حي كيف تتجراء اتقيمني
مصعب تعرفي راه مش بطني توجع فيا راه قتلتك يوم
اني امشييي جمري
____________________________________
مسعوده  اللطف خيره الولد
اني شافك صارله شلل بطني
مسعوده اخخخخ ياربي صبرني وخلااااص
اني ربي ميقبلش دعاء الحيوانات يلي زيك
مسعوده تفنص فيه تااافهاااا ف وحده تكلم ف مرت خوها  بي هدي  الطريقه
اني عارفه روحك شن مدايره هدا علاااش انكلم فيك هكي
مسعوده  اي وشن مديره ؟؟
اني وووه كان مندوي ع مضيك بعتلي بنضر  نمشي لمزرعة المراعي
مسعوده  اني ماضيه مافيش شي انتي تتوهمي 
اني  توا نشوفو الايامات بيناتنا  وكان مخليك تعاني زي ماخلتي امي تعاني منك
مسعوده خشت لدراه و قربعت الباب وراه

__________________________________

قاعدت ماشيه جاي ف الممر زعما شن صار فيه غبره كان متشرك الولد ووه عليا زعما طاح مصرانه الغليض والرقيق وووه زعما صارتله فتحه امتاه البركان هديكا ويطلع من شراره حي عليا شن مداير تحتك يا ربي باش يصير فيا هك زعما انخش نشوفه لكن يخوفي نخش نشوفه يحدفلي حاجه ع خليفتي لااااا خلي نقعد ف مكاني ونستاه بلكي يطلع حييييي يا خوافي معاش يطلع و تجي غولت الحمامات و تشد تعجنه ووووووه غبر فيك ي حليمه

مصعب طلع من الحمام
اني  ويييي تمت العمليه بنجاح
مصعب  شني ؟؟
اني بطنك كويسه
مصعب كويسه لدرجه نقدر ناكلك
اني  لاحول ولا قوه الا بالله الحق مش فيك فيا خايفه عليك
مصعب وعلااش خايفه عليا
اني قلت بالكي الولد تصيرله حاجه و يجي المركز الصحي و يقول حمامكم معاش صالح لدخول
مصعب كان بيقولوها راهو قالوها لم خشتيله انتي
اني " ف منتصف الجبهه لكن متخافش توا اردهالك "...
مصعب بري جابلي اميه
اني وايه كم معاشي
مصعب و الله نستخسر فيك حتى ربع و مشى للكوجينه
اني تي بررر يامتع الفزز فزز قالك حطو ف الزيت تي نحطه ع راسك باش يتبشمط
مصعب يشرب ف اميه ..
اني خلااص شربت هيا اطلع
مصعب منبيش نطلع بنقعد نتفرج  
اني سوري مش فاتحين مشتشفى قرقارش اهنى
مصعب عندك رقمهم
اني ايي عندي كان تبيه توا نعطيهولك .
مصعب شكلك مشيتهلم قبل
اني "اممم فهمت كيف انطبه دقيقه يس "
مصعب  و فتح التلفزيون وقعمز ...
اني غير القناه و انته من امبكري شادها قناة الحيوانات
مصعب  ماهو باش نعرف نتصرف معك
اني ولاتعليق ☺💔💔💔
مصعب سكونك راحه
__________________________________________

سالمه قاعده تبكي ومعرفتش شن ادير حلها الوحيد حليمه ولهدا اتصلت بيهاااا
اني هالووو
سالمه حليمه
اني لااا غولتها
سالمه مش واقت بصراتك
اني خير داعوتك اصلا انتي كل ماتتصلي بيا مدايره مشكله
سالمه ايييي
اني  شن مدايره غبر فيك
سالمه حكتلها القصه
اني كريم حيعلماء حييييييي اصلا قداش ليا  شامه عليه الريحه توا انربي فيته تعالى اهنى ف الحوش  وتوا نتصرف ...
سالمه تمااام  صكرت الخط
__________________________________________

كريم وين كنت
مصعب مش  وقت  الدوه  نبي  نسجل فيديووو
كريم تعاله معاي هديك الجيهه مفيهاش دوشه
مصعب هي
ومشوا
اني  جاي هيا تعالي
سالمه خيرك هكي لابسه
اني  لبسة سروال خوي باش  نعرف كيف نضربه
سالمه لالا منغير الضرب خودي تلفونه وامسحي الصوري
اني شن التقه الزايده اهيا مصح وجهك معقوله تبعتيله صورك والمشكله مافيك ماينشبح اسفه سالمه بس تعرفيني يلي ف قلبي ع راس لساني
سالمه توجع شوي لكن ميه ميه
اني اجعلها تخترقلك فلب لاتوجع ولا حاجه غر انشاءالله مابعتيلاش صورتك هديكا يلي لبسه بها توته صفراء
سالمه بعتها
اني  غبر فيك شن انتي صفراء وتبعتيله توته لابستيها صفراء وشعرك يلي تقول ساكه الضي حيي عليك لا انتي بااااع فيك
سالمه توا انشوفك انتي شن تبعتيلها صورة
اني نبعتله عينك املا تحسابيني خفيفه
سالمه خلاااص معاش تحساسين ب الذنب هي
اني هي بري ...........
_________________________________________

نصعب كان يسجل ف فيديوو....وووه ي سيدي مرحبا  طبعا بندير تحدي للبنات يلي هو نبي كل وحدة تبعتلي تسجيل صوتي وهيا تقلد ف متع ( شن مدير تحتك ياربي )و يلي تحصل نسبه اعلى تصويت حنشرها ف الستوري

اني شدا العصا  يا سيدي مرحبتين ..شن العار اهوو قالك شن مدايرة تحتك ياربي بلا عار و زايد هات توا اني نشرهم  توا ع الشمس دقتين نشرهم
مصعب شن ادير اهنى
اني ارض مكتوبه باسم بوك
مصعب لاا بوك انتي
اني بوي متوفي
مصعب اسف
اني بعتلي نتفاهم معك توا نبي البهيم اهو
كريم اءء اني
اني ملا اني تعالى جاي ياكلب و سيد الكلاب
كريم شن مدير
اني لا والله مادرات حاجه اني يلي مندير ..و بدت تضرب فيه بالعصا
كريم غير قولي شن مدير
اني جيب تالفونك يا قرد
كريم مد تالفونه و يرعش
اني  شن الرمز يا متاع ميمي و لافوفو  ولا نونو
سالمه بلكي سوسو
كريم فتحلها التلفونه
اني اشي اشي شن التقه هادي  مصور ميه بنت  ف التلفونها الصايع هده
كريم بلهي عليك خلني نمشي
اني  قعمز توا خير  منوض نركك ضلفتين هندي ع خليقتك
مصعب قعد يضحك
اني مزال انته جاي  دورك
مصعب شن درت
اني اسكت خلني انركز
مصعب بصوت واطي ... خيره امه هادي شكله هبلت
اني غبر فيك بعتليه صورتين بالتوته الصفر يا بوبريس
سالمه امسحي كل شي
اني توا ناخده تلفون نرفع انديره سفتوير يعطيك مايفتح راسك
كريم  بهي نمشي
اني بررر ياكلب مزال نلقك تعاكس و لادير لقطه هكي ولاهكي  بنتفحلك راسك
كريم جاي بيمشي
اني ضربته بلعصا على ...
كريم اييييييي
اني هادي دكره كل ماتفكر تكلم  ببنت  تفكر الضربه اهي
كريم مشى و هو منزل راسه
اني الكلب اهووو توا وين التاني
مصعب مدرتلك  شي فوتني
اني اسكت خير مانكسره ع ظهرك توا
مصعب جربي حظك والله لما نفتحلك راسك
اني معاش تقلدني
مصعب انننننن
اني خديت العصا و ضربته ع ظهره
مصعب طاح يعيط
اني غبر فيا شن درت
سالمه حي عليك
اني مدخلينش هو على سبله
سالمه تي احدفي العصا و شوفيه
اني حدفت العصا و قعدت نشوف فيه
مصعب يعيط بصوت عالي ........يتبع ❤✔