حليمه وعمايلها البهيمه

الحلقه التانيه

مصعب: حليمة امتئ بتتغيري
اني: نيههههههههااا حلم ابليس بالجنة😈😂😂😂

مصعب: حليمة خلاص وربي تعبت من مشاكلك
اني: تحاول تحسسني بالذنب وشكلك ناسي ان قلبي ميت😂😂😂

مصعب: والله ماهي نافعة معاك الدوة انتي
اني: تكلم بالاشارات😂

مصعب: عندي خدمة باي
اني: حبي

مصعب: نعم
اني: ابي شكلاطة بليز
مصعب: ضحك...به حاضر
اني: في سري...... زيديني يوم تاني ونقولك نبي حوش بروحي😂😂😂😂😂😂

مصعب: مشي لخدمته🔥

اني: خشيت نهرول زي الخروف😂

______________

🔥روايات بنووووته ليبية🔥

سالمة: الو
سالم: خيرك سكرتي

سالمة: زي العادة حليمة وعمايلها البهيمة😂

سالم: مافيش جديد😂😂😂
سالمة: لالا مافيش

سالم: اممممم كوبس المهم زي ماقتلك عرسنا نديروه بعد اسبوعين كلمت توا امك قالتلي عادي

سالمة: خلاص مالا توا من غدوة نطلع نشري حاجاتي وكل شئ

سالم: اييي واسمعي ابعتي الدهب الاسبوع الجاي باش نحطهولك في الدولاب لان لما يبداء العرس يصير فيها الخنبة

سالمة: تمام توا نبعته

سالم: خلي نمشي لي خدمتي سلام حبي
سالمة: مع السلامة❤

____________________

اني: افففففف افففففف اففففففف
خوي: خيرك؟؟؟

اني: حاسة بالوحدة
خوي: بري اطلعي للمنتزه وسعي خاطرك

(ملاحضة هده رواية من الخيال ردي بالك تقولي لي خوك حاسة بالوحدة لان مش حيقولك بري للمنتزه وسعي خاطرك والله عندنا في ليبيا يفتحلك راسك ولا تطلعي بروحك لذلك لا تجربو هدا في المنزل لانه خطر ويوذي الي الموت احيانآ😂😂😂😂😂😂😂😂

اني: مع مني بنمشي
حليمة: ني😈

اني: لالا منرفعش المفرخ اني😂
حليمة: بليز عمتو

اني: مصاؤش اسكتي مانبيش نطلع

مرت خوي: حليمة عندي ليك خبر حلووو
اني: اديلي

مرت خوي: ولد جيرانة اهو جي طلب ايدك
اني: توا نقصهالا غر المستشفيات توا مسكرة بس😂

مرت خوي: حليمة ندوي برسمي كلمتني امه قالت بنجي غدوة
اني: قلهم البكلاوة قبل ماتحطو رجليكم في الحوش😂😂😂😂😂😂😂

مرت خوي: حي علي حليمة ياااربي صبرني نوضي نضمو ونوتو

اني: في سري.......هو كساد كساد اهو جي الضحية لعند باب الحوش والله لما نخليه يطلع حتى الشهادة ميقدر يقولها😂😂😂