حليمه وعمايلها البهيمه

الحلقة التاسعه

دق دق دق

اني: من جي في هدا الوقت

دق دق دق

اني: باااهي بتهدو الباب وفتحته

طارق: السلام عليكم

اني: من انت؟؟؟؟
طارق: اءءءءء اني عمك نسيتيني ولا كيف

اني: اني وين شفتك باش ندكرك
طارق: صح كنت مسافر منجيش اهني هلباااا

اني: والمطلوب؟؟؟
طارق: كيف؟؟؟
اني: والمطلوب؟؟؟
طارق: كيف؟؟؟

اني: تفضل خشش

طارق: خش وهو مستغرب
سميرة: شادة شناطي في ايديهاااا

اني: على وين بيهم
سميرة: نعممم

طارق: بنقعدو اهني
اني: قالولكم فاتحة فندق

محمد: شن قلة الادب اهياااا
اني: انت يا متربي اشحط روحك وقيم سروالك وتكلم زي التريس وانت تقول بنت

طارق: شن الدوة اهيا
اني: يبدو متعرفونيش اني يلي في قلبي على راس لساني ولما نشبح الغلط منعرفش نسكت
طارق: وين خوووك
اني: منطمر في داره

خوي: عمي.... السلام عليكم اهلين كيف حالك
طارق: الحمدلله كيف حالك انت

خوي: باهي الحمدلله تفضل قعمز
اني: دحنسة زايدة↗️↗️↗️😂

خوي: سامحني غر حليمة هده الفترة شوية مش على بعضها
اني: قالولك مهبولة زي مرتك

مسعودة: السلام وخشت غعمزت متعفلقة
اني: انشاء الله تطربقي

طارق: جيت اهني بناقش موضيع
اني: لو على الحوش مكتوب با اسمي معندكش فيه حصة ولو على الارض مكتوبة با اسمي ومعندكش فيها حصة 🙂🙂
طارق: مجيتش اهني على خاطر الرزق
اني: كويس لان لو جبت سيرة بنوض نقتلك وننساء فيت الصلة يلي بيناء

خوي: حليمة عيب اكبر منك
اني: وانت تعرف العيب؟؟؟ واو معلومة جديدة طلع خوي يعرف العيب🙂

سميرة: مش متربية
اني: متربية مع الناس يلي متربية ومش متربية مع الناس يلي مش متربية وقليلة الاصل

طارق: شن مشكلتك يا بنتي
اني: لا والله مافيش مشكلة واحد خوه ليه سنين متوفي هدا وين جي باش يسأل !!!

طارق: كنت يا بنتي بنجي بس الطيران
اني: ايوووا الاعذار خيره الطيران واقف ليه سنين الله على العذر

طارق: خلاص يا بنتي انسي يلي فأت اني جيت باش ناخدك
مسعودة: في سرها واخيرآ خشيييييي
طارق: خلاص يا بنتي انسي يلي فأت اني جيت باش ناخدك
مسعودة: في سرها واخيرآ خشيييييي

اني: مانبيش نمشي معاك اني حياتي وحرة فيها
طارق: بس هدا حيكون كويس حنقريك في احسن المدارس