حليمه وعمايلها البهيمه

الحلقه الاولي الجزء الثاني

الحلقة الاولئ جزء الثاني

هاااي رجعتلكم حبيباتي اني حليمة البهيمة عارفتكم استاحشتوني هلبااا لكن مش بيدي هدا كله من اية عطلت وهيا تكتب عليا الله غالب

Aya: لا والله قولي الحق ياكلبة خزي عليك اني عطلت تي ماهو كله منك قعدت نرقع في يلي اديري فيه انتي ومصعب هدا غر الشيخة والمتدين وانتو درتو العار

حليمة: من ستر مسلم ستره الله يوم القيام 😂✅

Aya: حليمة تكلمي زي الناس ولا نلغيه الجزء التاني

حليمة: لالا خلاااص نبصرررر هي نبدو الرواية❤🔥

_____________________
🔥روايات بنووووته ليبية🔥

بعد مرور 5 سنوات🤤🔥

خلي نعرفكم بنفسي من جديد لان تغيرت هلبااا🤤 اسمي حليمة عمري 20 سنة ياخيتي محلاني كبرت ولا المهم نقراء

في الطب اختصاص التحاليل وقريت زوز لغات يلي هما الفرنسية والتركية عارفة عارفة تغيرت هلبااا ولا المهم موصفاتي الجديدة😂

طولي متوسط شعري طووول هلباااااا وجسمي ولا عادي قبل ياحنة كنت عضمة لكن توا ولا جسمي معدل وحلووو اممممم

وشن تاني اههه اي اهم حاجة شعري ولا ناعمممم ياحنة مش مني هدا كله من الفازلين ننصحكم بيه الصراحة يجننن

Aya: حليمة بلاااا كدب قولي الحق خيرلك وانتي اديري في دعايات

حليمة: باهي به درتله بروتين وانتي شديتيها عليا😂✌

المهم خلي نعرفكم با التانيين لان صار تغير هلبا في 5 السنين يلي فأتت

خوي: قاعد زي ماهو لكن كبر وطلعته لحية وشعره شاب😂✌

مسعودة: جابت بنية تهبللل سمتها حليمة وطالعة لي عمتها بالزبط اربعة وعشرين ساعة وهيا عياط ومشاكل ويلي تلقاه تخبشه وعندها زوز سنون زي الدباسة😂😂😂😂✌

حليمة: تي باهي به يا اية اني طلعت امتع مشاكل وعياط

Aya: خليني نكمل يا بقرة😂

حليمة: اني مش بقرة يا حبيبتي زدت 5 كيلو بس
Aya: شوية والله خليني نكمل خيرلك وريحي جمالك

حليمة: باهي به كملي هي

عيلة مصعب❤
امه: جابت ولد تاني اسمه احمد طبعآ حليمة سماته

مسرة: نخطبت
حليمة: في باب ولا روشن😂😂😂😂😂😂✌

Aya: اههههه ياربي اني الفاضية ندير في جزء تاني للتافهة هذه 😪

حليمة: خلاص خلاص اسفة كملي

مسرة: نخطبت لي ولد خالتها يسكن برا البلاد

مصعب: ولا عمره 24 سنة وتخرج من هندسة نفط وحاليآ يدرب باش يخدم❤(طبعآ حليمة قريب تهبل باش تفلسه اول مايخدم😂😂😂😂😂😂😂😂
Aya: انشاء الله نطلعو من 2020 احياء باش يطلع كلامي صح😂😂😂😂😂😂