في سيارة ادم
كان ادم والفتيات الثلاث يجلسون والصمت هو سيد الموقف
ولكن يارا لم تستطع اخراس قلبها كما اخرست لسانها
فقد كان قلبها ينبض عشقا وخوفا على ادم.... شيطانها الابيض
وكانت عيونها الناظره إلى ادم بلا توقف كافيه لإيصال ما في قلبها
يارا بداخلها: يااااه يا ادم... كل ده حصل في حياتك وشايله جواك وساكت.... دا انت طلعت جبل يا اخي... بس انت طالما بتحبني ليه بتهرب مني ومن مشاعرك.... انت متعرفش ان انا من اول يوم شفتك فيه وانا قلبي بقى مش بيدق غير باسمك.... انسى الماضي وخلينا نبدأ مع بعض... بحبك يا ادم.... بحبك يا شيطاني الأبيض
قالت يارا هذه الكلمات بداخلها وكادت الدموع تنفجر من عينيها
وآدم أيضا لم يكن حاله اقل من حالها ولو بمقدار بسيط
فقد كان قلبه يتمزق إلى أشلاء بسبب مشاعره تجاهها وعشقه لها
ادم بداخله: لو تعرفي انا بحبك قد ايه يا يارا... بس مقدرش اصارحك بحاجه قبل ما اخلص من الموضوع ده... لازم انتقم واحرر نفسي من الماضي... مش عايز يكون في حياتي حد غيرك.... بحبك يا يارا
وما ان أنهى ادم كلماته حتى وصل إلى قصر شكري الفيومي ووجد ايمن بانتظاره
نزل الجميع من السياره وبدأ بينهم الحوار الاتي
ادم: هاااا يا ايمن... طمني ايه الاخبار جوه؟؟؟
ايمن: كله تمام يا ادم.... منصور قاعد جوا ومش دريان بحاجه
ادم: حلو اوي... جبت الحاجه بتاعتي معاك؟؟؟
ايمن: اه جبتها... حطيتهالك قدام باب الحمام جوا
ادم: تمام.... خد انت ايمي في ايدك وانا هاخد يارا في أيدي وندخل جوا
ايمي: نعم.... ابوس ايدك يا مستر ادم بلاش الكائن المستفز ده.... انا عندي استعداد ادخل الحفله مع كلب بس مدخلش معاه هو
ايمن: يعني انا اللي واقع في سحر عيونك اوي يعني... ادم الله يخليك بلاش البنت دي
ادم: جرى ايه انت وهي.... نفذو اللي بقول عليه.... متخافوش الموضوع مش هيطول.... كلها ٣ ساعات وهتخلصو من بعض
ايمن: ماشي... أما نشوف اخرتها.... تعالي يا هانم
ونظر كلا من ادم ويارا إلى بعضهما البعض ومد ادم يده إلى يارا
أنت تقرأ
رواية سم العشق
Romanceمقدمة:- للعشق طرقه الخاصه التي لا نستطيع أن نقاومها ولا نملك الاختيار الا الاستسلام لها حتى وان كانت قلوبنا محطمه او مملوكه من آخرون او متحجره ولا تصلح للحياه ولكن المؤكد هو شئ واحد ان الخوف من الحب هو بداية العشق اول روايه ليا ياريت تقولولي رايكو ف...
