وصل كلا من يارا وايمي امام باب الشركه وكانا في انتظار صديقتهما الثالثه روز
يارا:- يا لهوي بصي يا بت يا إيمي الشركه كبيره اد ايه؟؟؟... فعلا مكنتش اتخيل اني ممكن اشتغل هنا
ايمي: يا ستي قولي الله اكبر مش هنقر على الناس من اولها خلي ربنا يكرمنا مش عايزين المبنى يقع علينا
يارا: قصدك ايه يعني؟؟؟؟ قصدك ان انا نحس
إيمي: فشر يا روحي انتي لعنه
يارا: يا بنتي ارحمي جبهتي مره واحده انا خلاص كرامتي بقت في ساحل العاج
ايمي: اعملك ايه انتي اللي بتجيبي التهزيق لنفسك
في هذه الاثناء وصلت صديقتهم روز امام الشركه وقابلت صديقاتها
روز: صباح الخير على الحلوين الصايعين
يارا: صباح النور يا روز مالك ضاربه بوز مايا دياب ليه كده على الصبح
روز: مفيش يا ستي لسه صاحيه من النوم ومش فايقه
ايمي بشك: لسه صاحيه من النوم؟؟؟ انتي مش قلتيلي انك هتروحي وتوصلي قبلنا عشان الشركه قريبه من بيتك؟؟؟
روز بارتباك: مانا بصراحه كسلت اقوم من على السرير فنمت شويه وصحيت متأخر
يارا بشك: ماشي ياختي يلا بينا ندخل عشان منتاخرش اكتر من كده
************
في سيارة ادم
كان ادم يقود سيارته إلى الشركه وبجانبه ايمن الذي لاحظ الحزن الشديد الذي تمكن منه وجعله كهلا وهو في العشرينات من عمره
حاول ايمن ان يتحاذب معه أطراف الحديث ليخرجه من حالة الحزن الشديد التي سيطرت عليه
ايمن مازحا: ايه يا عم قعدة الضفادع اللي احنا قاعدينها دي ما تقولنا نكته ولا حتى تحكيلنا قصه
ادم بحزن: نكته؟؟؟؟ وهو في نكته اكبر من حياتي؟؟؟؟ بدل ما تدور على نكته تضحك عليها افتكر كل اللي حصلي واضحك او ممكن تضحك على الناس اللي ماشيه في الشارع ماهي الحياه نكته سخيفه
ايمن: اهدا يا آدم متعملش في نفسك كده مش معقول اللي انت بتعمله في نفسك ده انت كده هيجرالك حاجه
ادم: ياريت يا اخي اموت وارتاح من اللي انا فيه حتى اروحلها واستريح من الدنيا دي
أنت تقرأ
رواية سم العشق
Romanceمقدمة:- للعشق طرقه الخاصه التي لا نستطيع أن نقاومها ولا نملك الاختيار الا الاستسلام لها حتى وان كانت قلوبنا محطمه او مملوكه من آخرون او متحجره ولا تصلح للحياه ولكن المؤكد هو شئ واحد ان الخوف من الحب هو بداية العشق اول روايه ليا ياريت تقولولي رايكو ف...
