بنت_شيوخ

2

❤️❤️
وثاني يوم جتي اختي فوزيه هي واطفالها  طبعا عدها كومت لحم مااعرف ليش هلكد تخلف  بس انا اعرف هذا محيسن ليش
يخليها هلكد تخلف حتى لاتفكر تعوفه فديوم لان محيسن مو هذاك الزلمه الحوك غير لو مااختي تكول انا بت شيخ ومااريد احد يجيب طاري ابوي ولاجان تطلكت من زمان وجان عافت  هذا محيسن ابو سوالف المكسرة  وحتى ابوي الشيخ مايحبه ويعرف بي ماينعدل لوشما نريد
على كولت  بويه هوالمايل مايل ماينعدل لوشما نعدله

......هلابااخيتي فيروزة ام عيون الكزاز
......هههههه والله عندج سوالف فوزيه ياكزاز
....وداعت الشيخ عيونج الواحد يتمارة بيها انتي بس شوي تسمنين تصيرين تخبلين والله يتهافتون عليج الشيوخ
....ههههه يمه منج مااريد ازوج شو انا هنا كاعدة ومرتاحه
فدوة سكتي لايجيني واحد مثل محيسن هههه
.....محيسن من كون الله ياخذة واخلص منه ماعنده سالفه
عدله كل سوالفه مكسرة والله لوموخوفه من الشيخ جان
لعب بيه لعب
.....شحدة انتي بنت الشيخ صابر
.....اوف فيروزتي كلبي شابع قهر وضيم من ورة هالمصخم
الله صخم وجه دنيا واخرة ماتشوفين شنو الي ديسوي بيه
يوميه فلم جديد
.....وليش ماتكولين للشيخ
....ليش عبالج الشيخ مايعلم بسوالفه بس هو ساكت
حتى لاصير مشكله واطلك وبعدين ويكولون بنت الشيخ صابر تطلكت
..الله كريم فوزيه بس انتي كافي تخلفين بعد خلي هذول يكبرون
....هو اني لو هذا محيسن يريد جهال وكل يوم طالعلي
بسالفه جديدة يله شنسوي الي كاتبه الله نشوفه
....لاتنقهرين اخيتي
...لاحبيبه تعلمت الله كريم
...ونعم بالله

واحنا دنحجي واجه اخويه وابويه وكعدنا وسوالف وكلام جر
كلام وتغدينه وبعدها اختي رادت تطلع للسوك تشتري كم حاجه واخذت الاذن من ابوي وقبل وانا رحت وياها
انا ماكنت اطلع هواي كلش قليل
المهم طلعنه وافترينه بالسوك واشترينه كم حاجه وبعدها
دخلنه لمحل مال اقمشه وشفت واحد هناك ظل يباوع عليه
هو يشتغل يم ابو الاقمشه هو  اسمراني وشكله اعتيادي
بس فجأه  حسيت انا من اول مشفته نعجبت بي وهاي اول مرة الي انعجب بواحد وبعدين من طلعنه من المحل
كام يلاحكنه  بالسوك  ولمن رجعت للبيت كلت  لااختي عليه
كالت
....وجً فيروزة دربالج والله يكتلوج يس يعرفون بيج
....وليش انا شمسويه
....سكتي ياخايبه تريدين تحبين وتنحبين والله اخوانج وابوج
يحفرون حفرة ويدفنوج بيها وانتي عايشه
احنا مانحب وننحب احنا اهليتنا يزوجونه كعدي وسكتي
لاسوين مصيبه
....اي بس هو كام يلاحكنه
...اي مايعرفج انتي بنت الشيخ صابر لويعرف مايلحكج
وينهزم 
....احنا ليش ماعايشين مثل باقي الأوادم
...سكتي ولج فيروزة جنج راح تسوين مصيبه
......يمعودة شفتي هذاك الشهر من اجوي بيت صديق ابوي الشيخ هذول الي عايشين بغداد شلون لابسين وشلون حلو يحجون مثل الافنديه احنا ليش مومثلهم
يبو على راسي ولج فيروز احنا ماعايشين بغداد هذول اهل بغداد يختلفون عنه اهل بغداد هذول بشاوات وافنديه
ويسافرون وج عدهم المرة تشتغل حالها حال الرجال
...اي سمعت نيالهم
....والله اني مامرتاحتلج فيروزة دتباعين ليفوك كلش
باعي جوة رجلج لتباعين عالي لتوكعين وتنكسر ركبتج
وعيشي عيشت اهلج حبيبه
....ان شاءالله لتشيلين هم
وبعدها اختي بكم يوم راحت لبيتها وانا ماراح هذا الولد من بالي ولااهتميت لكلام فوزيه ردت بس اطلع اشوف هذا الولد
وبعدها
اتقصدت اطلع ويا هاي التشتغل عدنه ورحت للمحل  نفسه مال الاقمشه وشفت نفس الولد  ولحكنه للبيت
بس من شاف البيت  وين دخلت انا بسرعه نهزم
يمكن  كال  بكلبه هذوله
بيت الشيخ مااتقارش بيهم  وخاف  ونعزم ولكن
بعد كم يوم
اني  جنت واكفه بلشباك مال غرفتي   لان انا متعلمه اطلع اشتم ريحة الزرع  وجان اشوف هذا الولد  واكف تخبلت و كلبي
كام يدك وحسيت نفسي طايرة ومن بعدها
كام هذا الشاب  يوميه يجي يباوع عليه واني اباوع عليه من بعيد
وكام اعجابي يزيد يوم بعد يوم بهذا الشاب
وكمت احاول اطلع اذكر المستخدم
وهم بعد فترة رحت للمحل  نفسه حتى اشوفه
وهالمرة اول مادخلت للمحل جان هو وحدة واكف  وهاي التشتغل ويايه كالت اروح اجيب حاجه من هذاك المحل وانا سويت نفسي اكلب بلااقمشه  وجان هو يجي وكف بعيد شويه عليه وكلي

....هلاوالله بنت الشيخ انا اسمي صمد ويصيحوني هنا بالسوك صميدع

وانا  اسمع بس مااباوع عليه وماجاوبت
كلي
،....سمعيني صوتج جاوبيني
 
وانا من الخوف خليت وطلعت على السريع وكلبي
ينفض خفت خاف احد شافني لو يوصل خبر للشيخ
المهم انو  مرت فترة  وبهاي الفترة كان  كل يوم صميدع يجي يوكف كدام بيتنه واني اباوع عليه من فوك
وجانت بس عيونه تتلاكه وتحجي
بس دائما اكو شي يكسر فرحتنه والي صارلي الي كسر عيني موبس فرحتي
  مرة من المرات اني بغرفتي وجان  تنفتح الباب بقوة
ويدخل  ابويه وشايل الحزام بيدة وعيونه تجدح نار وخواني وياة وهم
صايرين اعصاب
.....كتلهم شكو شصاير محد جاوبني
يتبع....