بنت_شيوخ

11

مر شهر واني بيت الشيخ وكلهم ميحبوني بس صفوان يجي يمي والعبه كلش حبيته لان خطيه يقهر والشيخ مااجاني
وبهاي الليله اجاني الشيخ   وطبعا اكيد حسب مزاجه وكانما اني موانسانه وعندي احساس بس شسوي مابيديه شي منتظرة الفرج من الله
المهم انو
بعد كم يوم طلعت بالحديقه مالتهم وياصفوان كعدنه على الحشيش وجان اشوف الشيخ اجايني كلي
.....شلون طلعين بلا متاخذين اذن مني
... اسفه بس كلت شويه اطلع ويا صفوان خطيه
....امشي صعدي لغرفتج
....تعال صفوان 
....عوفي
... خطيه شيخ فدوة شوفه خايف
... انتي معليج  بي
....شلون معليه هذا طفل حرام عليك ليش هيج تخلي يخاف منك  شنو ماعندك احساس هذا ابنك  عجيب انت شنو من بشر
واني كلتله هيج وجان يكلي تعلميني شلون اربي ابني وتتلاسنين  وتجاوزين  اني  اليوم اربيج وجان يجرني من شعري وكع الربطه مالتي وكدام امه وام مصطفى وصعدني للغرفه وجان يضربني ضرب قوي وكال حتى بعد متعيديها وبعد معليج باابني
سمعتي وطلع من الغرفه واني   ظليت  ابجي واون وبعدين نمت وحسيت  ام مصطفى واكفه دكلي
....سودة عليه  يابنيتي
كومي  يمه شربي مي وشربتني مي وجايبتلي شوربه بس ماكدرت اكل
وطلعتلي دشداشه لان دشداشتي دمرت
وظلت شويه يمي وبعدين غطتني وطلعت
ونمت من الوجع وحسيت ثاني  من وكت الصبح كمت على المرايه ااباوع على وجهي استحيت بعد الي صار انزل وظليت   للعصر  فوك ماانزل والعصر جان اشوف الباب نفتحت وصفوان
دخل  باوعت عليه وابتسمتله 
طبعا اني كلش حبيت صفوان وهوايه يكسر كلبي هذا الطفل واجه ركض يمي وبسته
وكتله
..... روح قبل ميجي الشيخ ويضربك
ام مصطفى  جانت جايبته  كالتلي
.... كام يبجي يريدج وجبته
... اخذي ليجي الشيخ
.....بنيتي  اجيبلج اكل
.... لا مااشتهي
بس اني جنت ميته من الجوع كلت  بكلبي بلكي الله مينطوني اكل واموت من الجوع واخلص  من هالعيشه وظليت لليل  بالغرفه مانزلت وبعدين نفتحت الباب وشفت  الشيخ اجاي ويا ام مصطفى  جايبه الصينيه مال اكل خلت الصينيه وطلعت والشيخ كلي
... اكلي
....خفت اكول لا وكعدت اكل على كيفي
ولمن كملت اخذ الصينيه خلاها على الميز
وكمش وجهي وجان كله مورم وازرك
وكلي
....فيروزة
ليش اسويني عصبي وليش تلاسنيني اني الي
اكوله يتنفذ بلا اي نقاش سكتت مجاوبته
....احجي
..... بس ياشيخ هذا طفل حرام هيجي تعامله
سكت وابتسم اذكر المستخدم
..... هيجي حبيتي صفوان
.... اي والله شيخ  كلش  حبيته وهو فقير
وجان يكمش وجهي وكام  يلعب بشعري كلي انتي عندج طيبه بس يمكن زواجنه جان من البدايه غلط وانتي انظلمتي ويايه
واذا تريدين يابنت الناس تروحين واطلكج انا ماعندي مانع
لان مااريد اذيج  وانا تعبان والبيه مكفيني
.....لاشيخ مااريد اطلك
....ليش فيروز
....مااعرف بس الي اعرفه انو مااريد اعوفك
....اني اسف لان البارحه ضربتج هيج بس جنت عصبي وانتي كلتيلي ماعندك احساس وطلعت عصبيتي بيج
.... شيخ انا بس اريد منك حاجه وحدة
.....شنو فيروزة كولي
....حلفتك بالله شيخ لاتمد يدك عليه بعد ترة صعبه
وانا بنت شيخ طول عمري ماي وجهي محفوظ لاتصير
انت والزمن عليه  انا ماريدة اخرب شي
انا رايدة اعيش بسعادة وراحته بال
حلفتك بالله شيخ لاتوجع كلبي
.....باوع عليه وعيونه لمعت وسكت  وبعدها كلي
..... الي تريدي يصير فيروز
وجان يجرني  وباسني من راسي وبعدها اجه نام بصفي وخله راسي على صدرة  وجان اكو هدوء بس صوت دكات قلبه
حسيت بسعادة وشعور لااول مرة احسه
يمكن احنا لازم ننطي فرصه للانسان الي نحبه انو يتغير واني
ماكدرت مااسامح ضرغام لان احس وياة
دكات كلبي ماتوكف وعيوني ماطالع غيرة والشيخ ضرغام
من النوع الي يفرض هيلمانه وشخصيته
بس عصبي كلش
وبرغم هذا جانت تعجبني كل صفاته بس يبقى بحياتنه شي
ناقص والله اعلم متى يكتمل

يتبع....