بنت_شيوخ

10

ونزلت جوة بس خاطري مكسور ومن اول يوم الي بيت الشيخ وضحلي انو اني لاشيئ بالنسبه اله ويجيني من يعجبه وبس المهم نزلت جوة وجتي عمتي وجايبه الريوك مال الصباحيه
وكلتلي
.... شلونج  فيروزة صباحيه مباركه
....الله يبارك بيج عمه
...شلونج مرتاحهً
.....الحمدلله عمه
.....حنان هوايه سلم عليج واستحت تجي
...الله يسلمها انتي هم سلميلي عليها
...ان شاءالله يوصل يله اسلم عليج فدورة لان راح نرجع لبغداد
عود تعاليلي
....ان شاءالله
...يله مع السلامه
...الله وياج عمه توصلين بالسلامه
وراحت عمتي 
ولمن درت وجهي شفت الشيخ يمشي وحدة وياة  كامشته وخاله راسها على جتفه وضعيفه كلش وجهه اصفر وجابها وكعدها وكعد على الريوك  واني هم رحت كعدت بس ماكدرت
اخلي لكمه بحلكي انغثيت كلش شلون صباحيه هاي شلون زواجه غبرة كلت بس سكتت  وخليت همي بكلبي
ومناك اجتي امه وياها طفل صغير نسخه من الشيخ راح كعد يم امه وطول مكاعدة مرت الشيخ تباوع عليه
وعبالك
تريد تاكلني  بنظراتها بس الشيخ مامهتم  بس زوجته شكلها يقهر كلش والولد كلش فقير ابد
ميتحرك كاعد بمكانه
وبعدين انتبهت انو هما كلهم يباوعون عليه
عبالك مااخذة مكان مو مالي
كلت خلي الطف الجو شويه
باوعت على الطفل
....انت شنو اسمك
باوع على ابو وجان ابو هز راسه يعني احجي
....صفوان
....حلو اسمك وانت هم حلو
..... تجي  يمي اوكلك
وديجي وجان تكمش امه يدة وكعدته واني فشلت كلش وخلص الريوك  واني محد  يحجي ويايه
والحجيه  ام الشيخ دورات احسها زينه ودورات احسها من جوة ليجوة
بس كلت لازم مااااخليهم  يضوجون مني
كمت داشيل الاكل وجان
دكلي الحجيه مالج دخل هسه تجي ام مصطفى تشيلهن كتلها لا حجيه عادي اني
اشيلهن وكمت اوديهن للمطبخ واباوع الشيخ كامش يد مرته ويضحكلها وهي هم بس هي مابيه حيل مبين عليها التعب والمرض
ورة شويه كومها وداها للغرفه وظل يمها وطلع ومحجه ويايه ابد وبعدين طلع ماادري وين راح وبقه الولد الصغير
كتله اذكر المستخدم
....تعاي يمي
اجه كعد يمي يخاف يتحرك خطيه ماادري شبي
ومخلتني الحجيه اسوي شي ماقبلت اشتغل
وحاولت اخفف دمي احجي ويا الحجيه بس ماكو فايدة بس ام مصطفى التشتغل يمهم كلش حبابه وكعدت
تسولف ويايه وسئلتها على مرت الشيخ شنو بيها
كالتلي
.....هاي قبل سنه على غفله تمرضت وداها الشيخ لبغداد للدكاترة وماعرفو شنو بيه وكامت يوم ورة يوم تضعف وقابليتها هم تضعف وهاي يوميه تتمرض اكثر
خطيه جانت شكد حلوة والشيخ كلش يحبها وهسه من تمرضت صار محد يكدر يحجي وياة دائما عصبي
وخطيه دورات يكمش هذا الطفل يضربه ويطلع كل ضيم كلبه بي

......خطيه من هذا ميتحرك من مكانه مسكين
.... يخاف من الشيخ كلش
،....بس فد سوال بنتي
.....اي شنو السؤال
....انتي ليش زوجتي الشيخ وتعرفين عندة مرة
..... والله مااعرف  الشيخ شكد عمرة ولااعرف عندة مرة
... صدك
..... اي والله
....الشيخ عمرة ٣٣سنه وهو ماعندة لا اخ ولا اخت بس هوا وابو اخذ مرته الثانيه وراح عاش بغداد وعندة اخت واخ بس من مرت ابو
الشيخ ضرغام  ميخاف وكلش سبع والدنيا كله تهابه لهذا السبب
هو صار الشيخ
بنتي دربالج دكوليله لا
وتعارضي حتى لايطلع قهرة بيح
لان من مرض مرته وهو تغير على الكل

يتبع.......