بنت_شيوخ

3

وماااشوف الا ابويه يضرب بيه بالحزام واني اعيط وابجي
وابويه يكلي
....تريدين
تكسرين عيني اني شيخ تريدين طيحين عكالي
ولج اليوم اموتج اشرب من دمج ولج كاعدة تحبين
هذا صميدع العربدي ابو النسوان ولج هسه هذا
يخلي طارينه على كل لسان وخواني يجرون باابويه
وهو يضرب ومن كثرت الضرب بعد فقدت ماحسيت
على شي الا اشوف الدنيا ظلمه هندس وماكو احد
يمي واني بالكاع مشمورة خفت اكوم اتحرك ولان مااكدر
اباوع شي ظليت بمكاني ماادري شكد على هاي الحطه
لحد ماطلع ضوه الشمس وطلعو جايبيني وشامريني بالمخزن الي بالسطح وسادين
الباب والكلوبات عليه والدنيا جانت باردة والخوف
كتلني لان جنت افكر انو هسه ابويه يموتني
خفت ليخلي طلقه براسي ويكتلني
وره شويه شفت اخويه فتح الباب وشمرلي بطانيه
وصينيه مال اكل
....يله اسممي عالسريع
وجابلي مي وراح وقفل الباب واني ماكدرت
اكل لان وجهي كله مورم ومااكدر اتحرك وجسمي
كله يوجعني موتني وظليت لحد ثاني يوم نزلوني لغرفتي
وداكين الشبابيك بالخشب واني غرفتي بيها حمام وهم قفلو الباب وجانو ينطوني اكل بس اكثر الاحيان مااكل من القهر حسيت انو اني كلش غلطت ودنكت راس ابويه وجان المفروض مااسوي هيجي اني بنت شيخ ميصير اغلط العيبه احنا عدنا تكلفنه هوايه
بس شسوي غلطت بعد وندمانه و الله شاهد غير النظرات ماصار بينه
المهم بقيت ١٥يوم بالغرفه محبوسه بس يدخل اخويه الجبير ينطيني اكل ويروح

يتبع .......