I'm a NPC (Realm-11) [Completed]

713

unicode

3D အွန်လိုင်းဂိမ်းကမ္ဘာ

ဒီလိုထူးဆန်းသည့် အခြေအနေကို တုန့်ပြန်မည့်အစား နန်ရှူက ဇာတ်ကြောင်းကို လက်ခံလိုက်တယ်

ဒီကမ္ဘာက 3D အွန်လိုင်းဂိမ်းကမ္ဘာ ဖြစ်သည်။ဒါက အရည်အသွေးမြင့်သည့် ဂိမ်းတစ်ခုလည်းဖြစ်သည်။ သုံးဘက်မြသ်နိုင်မည့် ဦးထုပ်ကနေတစ်ဆင့် အသုံးပြုသူ၏ ဦးနှောက် လိုင်းများထဲသို့ systemပေးပို့သောကြောင့် အခြေအနေမှာ လက်တွေ့ဆန်လွန်းလှသည်။ကစားသမားများမှာ လက်တွေ့လိုလည်း ခံစားရ မည် ဖြစ်သည်။

ဤဂိမ်းကို တီထွင်ထားသည့် ပြင်ပကမ္ဘာ၏ နည်းပညာမှာ အလွန်တိုးတက်လွန်းသည်။ နန်ရှူက ဒီလိုမြင့်မားသည့် နည်းပညာမျိုးကို တစ်ခါမှ မမြင်ဖူးချေ။

ဤခန္ဓာကိုယ်မှာ ဂိမ်းထဲက NPC တစ်ခုသာဖြစ်သည်။ system ကထိန်းချုပ်ထားသည့် NPCလေး ဖြစ်သော်လည်း ထူးဆန်းသည့် ကံကြမ္မာကြောင့် သူမမှာ ကိုယ်ပိုင်အသိစိတ်ဝင်လာခဲ့သည်။

ဒီလိုNPC ဂိမ်းဇာတ်ကောင်များကို ကစားသမားများက ထိန်းချုပ်၍ မရသော်လည်း သူတို့မှာ ဇာတ်ကြောင်းအတိုင်းသာ လှုပ်ရှားနေရခြင်း ဖြစ်သည်။ ဥပမာ ကစားသူက ဆိုင်တစ်ဆိုင် ဝင်သည့်အခါ ဈေးရောင်းသူမှာ NPC ဖြစ်သည်။

နန်ရှူဝင်ရောက်လာသည့် NPCလေးကတော့ သူမကခြေထောက်ခေါက်သွား၍ ဆေးပင်ခူးလာရန် ကစားသူကို တောင်ကြားတစ်ခုထဲက အရိုင်းကောင်ကြီးများကို သုတ်သင်စေခိုင်းရမည့်သူ ဖြစ်သည်။

အခြေခံအားဖြင့်ပြောရလျှင် သူမသည် ကစားသူအား အကောင်ကြီးများကိုသတ် ကျလာမည့် ပစ္စည်းများကိုယူကာ experience အမှတ်များ တိုးလာရန် လုပ်ခိုင်းရမည့် သူသာဖြစ်သည်။

ဒီမူလNPCလေး၏စိတ်မှာ မွေးကင်းစကလေးလို ဘာမှမသိပေ။ သို့သော်လည်း system ကထိန်းချုပ်ထားစဲ ဖြစ်သောကြောင့် သူမသိသင့်သည်များကိုတော့ သိလေသည်။

သို့သော်လည်း အခြားNPCများနှင့် မတူပဲ အသိစိတ်ရှိနေသည့် သူမအတွက်ကတော့ အထီးကျန်နေရှာသည်။ ဂိမ်းကိုနောက်ဆုံး တစ်ခေါက် စစ်ဆေးသည့် အချိန်တွင် သူမ၏ထူးခြားနေမှုကို မသိလိုက်ကြပေ။ ထို့နောက် ကစားသုများက ဒီဂိမ်းထဲကို အဆက်မပြတ်ဝင်ရောက်ပြီး ကစားလာကြသောအခါ ဂိမ်းမှာ နာမည်ကြီးလာသည်။