أوجاع طفله

البارت الثالث

( البارت الثالث )

زهراء: اطاني علاجات الدكتور وبيبي ماتحب المستشفى كالته اطلعه وطلعنه ع مسؤوليتنا
ورجعت لبيت بيبي جان عمي الصغير والوسطاني عايشن وياه
وقررت بيبي. اطلعني وياه للزيارة لان جنت ماعرف شنو ازيارة
وكالت لازم باجر اخذج اشتريلج ملابس وترحين وياي انزور وروح انشوف امج اني هنا عبالي امي من اروح اشوفه تكعد وسولف وياي وترجع تنام ماعبالي ماكو لا حس ولا نفس رحنه للسوك ومكيفه اول مرة اطلع واشتري ملابس وغراض وجنت بيومه فرحانه لان باجر اشوف امي وكلشي الاشر عليه
جانت بيبي تشتري اليه واشترتلي اكل وحلويات واني كلش فرحانه ومتونسه ورجعنه للبيت اكلت ونمت لان جسمي بعده تعبان وما مرتاحه لليل كعدت لكيت بيبي تحظر بجنطنه واكل إلى باجر حضرت وياه. ساعدته ونمنه ورحنه إلى الزيارة
وطريق كله اني افكر شراح احجي وي امي وامي شراح ادكلي وتقبل ترجع وياي لو تاخذني وياه وافكر شلون شكله ع شي صار هي بصور كلش حلوة وهسه الكاه احله
وصلنه زرنا وتونست كلش.وكمت ابجي بضريح مالت أمير المؤمنين عليه السلام 😭 😭 😭 😭
وماعرف ليش بس خنكتني العبرة
ودور سكتتني بيبي وطلعنه رحنه كعدنه ناكل اني وياه وجيرانه واشترولي الي لعابات وقراصات ومحابس وجنط
وكلشي هو غراض و ينضرون عليه ويكولون خطيه
ودور رحنه إلى المقبرة وهناك حسيت حتى الأمل
مات البداخلي
وتخيلاتي حطيتهن ودفنتهن هناك وكفت على قبر. ماما واني ماعرفه هو قبر امي لو لا
اني جنت مصورة الكاه كاعده ومثلي وسولف وتضحك وتاخذني وياه ومقررة اشكيله عن كلشي
بس هناك ظليت اتباوع ودموع تجري واكله ها يمه ها يمه
وابجي وماعرف شكول وكله حتى انتي ماترديني بعدج زعلانه وياي اني ماقصدي اكتلج اني احبج تعالي وشوفي والله ما اعصيج اسويلج كل شي تريدي وكله اطيعج ولا اسوي وكاحه
اني اريدج تاخذيني وياج للمدرسه وتعلميني وتشتريلي ملابس حلوة وقراصات وضفرين شعري وتنطيني يوميه وتبوسيني 😭😭😭😭
ها يمه فدوة كومي😭😭😭😥
وحجيت هواي كلش ةوحاولو يسكتوني بس اني بعد ماكدريت لان كلش مضايقه واشكي وابجي
إلى أن تعبت من البجي وفقدت
وماحسيت الا واني بسيارة يكعدن بيه
يردوني اكعد كعدت وبست بيبي وهي نيمتني بحظنه وتلوليلي الطريق كله
اي رجعنه للبيت وبيبي جانت تعاملني بكل طيب وحب جنت احبه هواي وعمامي جانو رافضين هذه شي بس غصبن عليهم لازم يتحملون ضليت عايشه وياهم وفترته بطلت من المدرسه
وعشت وياهم تقريبا سنه ونص توفت بيبي

بعد ماتوفت بسببي اجه بابا واخذني يمه وعشت حياتي وياه بس من رجعت جان بابا متغير ومايرضه احد يضوجني او يضربني ويجيبلي مثل اخواني
وجان محمد ابن مرة بابا
بعده ع نظراته وحقارته وياي وجنت دوم اكول بتفكيري معقوله ابوي كام يحبني
طلع لا بيبي موصيته عليه بآخر أنفاسه وكايلتله اني بريه ديربالك عليه اذا تضربه او تبجيه مارضه عليك
ضليت عايشه ويه بابا وعائلته ٣ سنوات صار عمري تقريبا بدايه ال١٤ سنه حياه عاديه والحمدالله
منا لحد ما اجه اليوم المشؤوم الرحت بي فصليه
طلع محمد إلى بغداد يجيب مسواك(بضاعه)
هناك مسوي حادث بطريق
ويه ولد من اهل عفج (في الديوانيه منطقه ريفيه)
خابرو بابا كالوله ابنك سوة حادث
مستشفى الكاظميه بغداد
بوكته جنت اني نايمه وكمت بس اسمع صوت سعاد مرة ابوي واسيل واخواتي صغار كاعدات يبجن
ودور اني كعدت كلتله اسيل(بنت مره بابا)اسيل شبيج جانت اشوي زينه وياي كالت محمد سوة حادث
وخابرو على بابا اني خفت كلش لان هو محمد قبل يوم كال لامه هو يحبني ويريدني
ويريد يعيش وياي حى تقنع و تحاجي ابوي ينطيني اله
هي تباوعتلي بحقد وقهر وضربتني كلش هواي إلى حد ما بنته بالكوه وخرته مني ودور خابرو ابوي
كالوله محمد زين بس رضات وكسر بيده
ضل يومين وبابا طلعه وجابه للبيت
والولد ذاك كلش تعبان وحالته صعبه والغلطان محمد
هو الضاربه فبابا جاب محمد ومحمد مسولف الحادث كله وطلع هو الغلطان هو ضرب الولد ذاك
واهل الولد متخبلين كالوا بس يصير على ابنه شي نسوي ما نسوي...........
لهنا ويخلص البارت الثالث لاتنسون لايك وكومنت وشنو توقعاتكم للبارت الجاي ورأيكم بهذا البارت