أوجاع طفله

البارت الخامس

كللش كللش اسفه عالتأخير بالنشر بس البنيه صارلها اسبوع نايمه بالمستشفى ومكدرت تكمل باقي القصه وطبعا اسفه هذا البارت قصير هم روتلي جزء من التكمله وهسه نرجع للتكمله

(البارت الخامس)

هددتني سعاد ان اذا مرحت فصليه تكلي اموتج مااخليج تعيشين ضليت صافنه عليه وبس ابجي وخايف منه لان هي فعلا تضرب وعدي آثار بجسمي قويه
وضليت حايرة وابجي بين البقاء يمه وأعيش عيشه الكافر وبين اروح لمستقبل ماعرف شنو نهايته والخوف والقلق عاش بقلبي من ذيج اللحظه إلى الآن
وقلبي يدك دكات مو طبيعيه و اجه بابا بليل وتعارك هو وسعاد واسمع بس صياح وماعرف شسوي وشنو الحل واسمعه يكلله هي شعليه هي شنو ذنبه انتي ليش هيج وياه انت ليش تكرهينه انت شنو قلبج حجر مايحس وهي دكله مو هي مو بنيه (جنت ماعرف شنو معناه) ماتذكر سوايته من قبل ٤ سنين (من جان عمري ١٠ سنوات)وبعد مراح تزوج عمره كله
انطيه مبين عليهم ناس واعين ودارسين ماراح يسوله شيء بالعكس راح يحبونه احسن ممااصير دمايه
ابوي قال ليش انت انطي بنتج اخته بنتي ماتقربله بشيء كافي التحملته منج
واديري بالج تفكرين اني مادري بيج وبعمايلج
بس ساكت اريد اشوف تاليتج شنيه
ضليت اليل كله ماكدريت انام لان بس اسمعهم يتعاركون وبين هي تقنع بابا وبين لا هو يرفض
ونمنه كعدنه الصبح ع دكت باب كلش قويه
ركض بابا فتح الباب لكاه شرطه وعدهم امر بلقبض ع محمد واخذو محمد وراحو. وسعاد ظلت صيح اشون بيه يمه راح وليدي يمه ماكدر اعيش بدونه وتلطم وتبجي كلش هواي إلى أن اجه بابا سكته ماكو ماتسكت وتبجي ودكل لبابا من وراك من ورة شغلك وهسه تبريت منه صرت بعد ماتريده
ابو كاله اله راح احطله محامي واشوف شون انحله واسوي كعده بعد وي اهل الولد واشوف ع شنو يتفقون وطلع بابا وكامت سعاد خابرت امه واخته
وكالتهن تعالن بسرعه وصيح وتبجي اجني وكعدن وياه
وهدنه اشوي و هيه سولفتلهن كلشي حتى بليل اشون تقنع بابا الكلام السابق
جنت اني كاعده بلمطبخ وطبن عليه تلاثتهن
و سحبني من شعري وذبني بلغرفه وضلن يضربن بيه كلش هواي لان بابا ميقبل ينطني فصليه
منا إلى أن اغمي عليه وبعد ماحسيت بس بلماي البارد يذبنه ع وجهي ودكله خاف ماتت
حتى بذاك الوقت عيوني خانتني ردت اضل مغمضه بس ماكدريت فتحت
وعافني وطلعن وضليت بس ابجي ومحمد واسيل ضلو يصيحون ليش هيج خطيه وكالن الهم اسكتو لاتحجون
وتفقن ياخذن سعاد ويرحن إلى رجال صبي(صابئي) يسوي سحر ويسحرن ابوي حتى يوافق يعطيني فصليه
وراحن واني كلش خفت وردت اكول لابوي بس ماراح يصدكني وكالهن بعد 3 ايام وأرجعن
رجع بابا وسأل ع سعاد وين راحت وجان كلش ضايج وقلق ويتباوع اليه بحسره ودمعه بعينه
وكالي كومي بابا سوي جاي وجيبي
اخذت اله الجاي وشاف وجه مبين باجيه
[٢٦/‏٦ ١:٣٧ ص] güzelim: كالي هاي وين راحت كتله مشت وي امه واخته كالي بابا ليش انت باجيه وجنت بين الفرحانه ابوي اول مرة يسألني. ويبين هذه القلق عليه وبين الخايفه خاف لان يريد يوافق وبين الضايجه كلش
ضليت صافنه وجانت عيوني كلش هواي سولفن وشكد حاولت اسكتهن ماكو انهاريت بلبجي وطحت بحظن ابوي و بس ابجي وكله لا بوي حباب والله اني احبك انت رويحتي بس لاتنطيني فصليه ليش هيج بابا ليش ماتريدني اني مو بتك وابجي
هو كام يمسح ع راسي وحسيت بحنانه وكالي لا بابا منو كالج هذه الحجي اني مانطيج فصليه انت حبيبتي واطمأنيت وحطيت راسي بحظنه ونمت
وماكعدت لا لمن سمعت صوت سعاد جت وهي عود مريضه وكل شوي وتوكع تالي طلعت جايبه السحر لبابا حطت السحر لبابا وبيومه كتله لابوي كتله بابا سعاد دتحطلك سحر ترره بس هو مصدكني لان هو يثق بيه ثقه معتبرني ان اني طفله وعباله اطلع كلام من عندي وكال بابا ماكو هيج حجي اني اعرفه وهيه مرتي و تخاف عليه وهيه امج لازم تحترميه ربتج من عمرج سنتين لازم تحترميه وتقدريهه ولازم واحد يعيش ويه الثاني واحد يخاف على الثاني اني ضليت صافنه جابت السحر وحطته واشوفه من تخلي اله بالاكل بس مابيدي شي اكول لبابا ميصدكني التجأت باجر فرصه اليه كمت اخرب عليه بس ماكو فايده أخير شي رحت لمحمد كتله شوف امك شدسوي وتقبل اني اروح فصلية ساعدني الله يخليك جان يكولي جا شنو تردين اني اموت على الأقل نضحي بجلبه مثلج احسن ما نضحي بواحد من عنده
هاي الكلمات عمرري مراح انساهه ولا نسيته لان فعلا محد الي محد وكف وياي بس الله موجود ضليت ساكته مررت الايام مر تقريبا شهر بين وبين اهل الميت مشاكل وبابا يدزلههم واسطات وشي بس حتى يفكرون آخر شي سعاد كالت لبابا هيه مراح تزوج لان هيه مو مثل كل بنيه هيه راح تبقى بدون زواج طول عمرره لاتنسه سوايتهه هاي فرصه حتى نزوجه وهم نخلص من سالفه الثأر راحت الايام ومرت واجه اليوم الي بابا وافق وعمامي هم حجوا ويايه وكالوله لازم توافق لان بدوا يخافون على بناتهم ولدهم لان اهل الميت مو هينين وقاسين وبدو يهددون بابا اجه حاجاني قبل لاينطنيني فصليه كال بابا نتي تقبلين ابوج ينقتل ترضين ابوج يموت كتله لا بابا اني احبك انت ابوي كال بابا احنه لازم نرجع لحياتنه الطبيعيه وهاي يرادله ثمن نتي تحبيني وتعزيني وافقي همه ناس حبابين واوادم وراح تعيشين سعيده ومرح تفتهمين هالحجي الي اكوله هسه بس من تكبرين بابا نتي بعد محد رح يخطبج بعد محد رح يزوجج اقتنع بكلام سعاد نسه اني بنته نسه اني ترباته ضليت ساكته بس مموافقه بداخلي بس شسوي ما عرفت شجاوب بعد لان ابوي وهيج يكولي الشخص الجان وحيد الي والي يدافعلي الشخص الي مفكرته ميبيعني مراح ينطيج المهم وافقت اخذوا موافقين اني ساكته لا كايله اي ولا كايله لا مر كم يوم سووا كعده كالهم بابا باجر البنيه يمكم وهاي الفلوس ٢٠٠ مليون تنازلو عن محمد طلعوا من السجن لان اخذوا سجنوا تنازول عن القضيه رجع بابا كال لسعاد حضريهه حضري ازهار ازهار باجر تروح فصليه واني مادري جنت كاعد بالمطبخ طب بابا كال بابا اريدج ترفعين راسي اريدج تكونين البنيه الي ربيته كل مايكون كلامج قليل تكون اذيتج اقل اريدج تسمعين كلمه الصغير والكبير وتكولين لا ابد واريد تحترميهم وتصونيهم ذوله اهلج مثل ما احنه اهلج اني كتله بابا لا ماريد اروح فصليه خليني هنا وكلشي اسويلك اخدمك واخدم سعاد لآخر يوم بحياتي بس لاتبعدني عنك اني بنتك كال يي بابا بس نتي ترضين اني اموت او شي كتله لا بابا ني احبك كال خلص روحي فصليه واني اجيبج واني اجيبج وشوفي شون يكومون يحبوج ويحترموج ويقدروج وحتى همه يجيبوج بس صيري حبابه ومؤدبه ومحترمه ودورين رضاهم خنكتني العبره وتمنيت امه موجوده (بيبيتي)واشكيله الي بداخلي 😓
لان جنت حيل مخنوكه وماعرف شسوي والخوف كاتلني ومعرف هذوله الناس شراح يسوللي شنو معاملتهم راح يحبوني لا ضليت خايفه وادعي كون الله ياخذ روحيي احسن من ما اروح واشوف الاتعس من سعاد طلع محمد من السجن وسعاد فرحانه والهلاهل تارسه البيت لان ابنهه طلع بس الراحت بيه اني محد فكر محد صفن وكال هاي خطيه فرحانين ويطشون جكليت اخذتني للسوك العصر بابا نطاهه فلوس كاله جيبيله ملابس راحت جابتلي ملابس وغراض وكعدت وياي بليل كالتلي احسلج نتي لو الله اني اكتلج اني ما تحمل ابني يموت ونتي كبالي تجي بنته اسيل ولحد اتذكرهه كالتله ماما شنو ذنبه هيه تدفع ثمن خطا مو هيه ارتكبته تدفع حياته علمود شخص هو اصلا ميقربله مارضت كللش جانت مراضيه كالتله ماما محمد هو لازم يتعاقب هو ذنبه بس ما سمعته وزمخت بيه وكالتله طلعي برره لاتحجين حجي أكبر منج ونتي انسانه دارسه واعيه ومثقفه ولازم تكملين دراسه اني اخاف عليج واني تمنيت بذيج اللحضه عندي ام هم تخاف عليه🤦🏿‍♀️😓 ضليت الليل كله كاعده وخايفه وابجي جان حلمي ان لازم لعابه ان أصعد مرجوحه مثل البنات مثل الاطفال بس هذه يبقى حلم صبح الصبح مردت يصبح لان ادري بروحي راح اطلع من ضلام واطب بضلام اتعس كعدت الصبح أخذني بابا وصلني باب بيتهم طلع سجاد وطلع وياه ٢ ولد جانو لابسين اسود ولحاياهم طويله جان سجاد عمرهه ٣٦ سنه واني جنت عمري ١٤ سنه طلعوا لابسين اسود اخوهه صارله شهرين من توفه جان الغضب تارس عيونه تباوع عليه كلي تعاي جرني من ايدي حيلل بابا وصاه عليه وكاله هاي امانه عندك وراح اخذوا غراضي وشمرني بالديوان كمت وتباوع الهم ماكدر ارفع راسي رجلي جانن يرجفن حيلل وجسمي كله يرجف كاله روح جيب الشيخ حتى نعقد وداني يم النسوان كلي طبي جوه طبيت تلكني نسوان ٣ امه الي هم اسمه سعاد طببني كالتلي شسمج كتله زهراء ضلت هيه وصافنه عليه لحد الان اذكر نضراته كالتلي شكد عمرج كتله راح اطب بال١٤ كالت شصيرين من محمد كتله يصير ابن مرت ابوي ضلت صافنه عليه كالت امج وين كتله امي متوفيه بس احس العبره منحتني اول مره اعرف اليتيم وحيد وان الماعنده ام ميكدر يعيش بهاي الدنيه لان معنده سند معنده واحد يدافعله تباوعتلي هيج كالتلي كعدي كعدت جنت خايفه كللش وجه الشيخ وعقدلنه اني وسجاد طلع الشيخ واجه سجاد وجان كللش عصبي جنت خايفه منه حييل باوعلي كلي كومي اصعدي اوك اكو غرفه فوك السطح مسويه برج مال حمام كلي كعدي بيه من اكلج انزلي تنزلين دلوني على الدرج جانت دنيا شتاء والجو بارد حيلل الريحه مال حمام جانت تكتل والغرفة مال الحمام ماعرف يسموهه كن ماعرف شنو ضليت كاعده
فضليت كاعده وصافنه وبس ادموعي تجري وقلبي يدك كلش هواي وخايف
وبديت اسمع صوت عالي كلش وصياح ومرة صيح وينه هاي الفصليه
دلوني بيه وانت ليش تزوجته جا اني شنو هنا
طبعا خل اعرفكم عليه
هاي مرة سجاد الأولى اسمه خديجه
وصيح ودكله سويته رحت جبت فصليه عليه اليوم الا قتله
وصعدت لفوك ولكتني بسطح كاعده جاي ابجي
وهي ضلت صيح انت ماتستحين انت موعيب عليج جاي سوين هنا وادكله اي وفوكاه حلوة وصغيرونه
هو كال اله كافي اسكتي اشبيج اتخبلتي
[٣٠/‏٦ ١:١٦ ص] güzelim: اجيبين روحج ام الحسب والنسب إلى هاي الفصليه
اني هنا كلش انقهرت وتباوعتله هيج
كتله اني ماميته عليه ولا عليج اني هنا بس علمود بابا ماتقتلو لان انتم ناس همج
ودور هو لزمني من شعري وضرب راسي بلحايط وضل يضرب بيه وكالي هذه صوتج ما اسمعه واذا اسمعه بعد اكص لسانج
[٣٠/‏٦ ١:٢٠ ص] güzelim: ضربني حيل واني اصيح اخ اخ بس محد يجيني واكفين بس يتفرجون
إلى أن صعدت امه سجاد وكالته عوفه يمه لا تموت بيدك وتبتلي
كاله يمه هاي محد يطلع وراه ولا واحد يسأل عليه كالت يمه جا شون تكتله لا يمه مايصير تروح جهنم انت
خليه تولي سويه خدامه بالبيت تخدم صغير وجبير
وخليه كاعده هنا بلقفص مالت الحمام
هي تنضفه وتكعد بي
واذا مايعجبه تنزول تكعد بلخان مالت الجاموس والصخول اني ضليت بس ابجي وهو لازم شعري بيده
طبعا هو طويل وضخم كلش وصاحب عظلات ومامبين عليه هو عمرة جبير مبين صغير
بس يخوف عافني ونزل وهي امه كالتي انزعي عباتج وتعالي وراي طبعا جنت لابس بدي طويل الركبه وبطرون شافتني هيج ماقبلت كالت البسي دشداشاتج وتعالي
بدلت لبست دشداشه السوده عدي وحطيت ملابسي بجنطه ونزلت وراه تقريبا الساعه ب 11:00 الصبح واني جعت كلش جنت ماماكه شيء وخوف وقلق.
يومين اني ماماكه شيء كالتي تعالي انسوي غده اني وياج بس اعلمج اليوم وباجر كله عليج كتله صار هم شيوخ مو مثلنه
ادور هي صاحت سجاد وكالته شكد عدك بديوان كاله اله محد عدنه فارغ اليوم يدرون بيه مشغول
جنت مدنكه وهو خازرني كالي اسمعي الكلام هذه وحطي ترجي بذنج كلام ماتردين وامي شدكلج دكليله صار واخواتي وخديجه.مالج دخل بيهم ولاتحطين راسج براسهم لان انت فصيلة مو مثلهن
اني مدنكه ودمعتي وكعت كالي وهاي دموع ماريده ماراح تأثير بيه سمعتي جنت خنكتني العبرة وماكدر احجي بس هزيت براسي. اي وجنت اكول بداخلي ليش يربي اني شمسويه....... لهنا ويخلص البارت الخامس لاتنسون لايك وكومنت وشنو توقعاتكم للبارت 🤝💜🖤