أوجاع طفله

تكمله البارت السادس

ضليت بس ابجي وهو يتباوعلي بنظرة استهزاء كمت رحت للمطبخ لكيتهم متريكين واخوه ضل يحجي وياه كله انته غلط هيج انته عشت الألم مال اليتم لا تذب قهرك على بنيه البنيه خطيه مكسور جناحه ماعدهه احد تستند عليه عوفه هيج عايشه وياك لاتصيح عليه ولاتضربه تردون تعيشوه خدامه عيشوه بس لا تأذيه تره اليتيم يشكيك لرب العالمين ونته تخاف من رب العالمين وتعرف الله وربيتنه وتعبت علينه وهاي تربيتك النه ماعلمتنه نقسي على بشر انته كلبك رقيق مو بهاي القساوه كاله سجاد اني فقدت ضلع من ضلوعي فقدت اخوي كاله الله هذا كاتبته النه شبيدنه وهو هم اخوي قابل بس اخوك هو هم عزيز على كلبي بس هيه هالطفله شنو ذنبه هيه شنو اله دخل قابل هيه الي دزت الولد وكالتله ادعمه هيه الدزته وكالتله أقتله حجه وياه هواي اجتي مرته(زوجه سجاد) كالتلي كومي سوي غده اليوم اني عازمه اهلي عالغده كمت بلشت بالغده طبعا اداوم مو مثل الناس العاديين كله صياني كبار يطبخون ويخلون بيه التمن واللحم (دليميه) اني بلشت اطبخ تقريبا ساعه بال٩ طلعت امه اللحم والسمج طبعا زوجته هم بنت شيوخ وعشاير ابوهه معروف المهم طبخت كملت ساعه بال١١ بديت اصب بالغده وبده يأذن اني فرشت السفره لما يكملون صلاه أجتي امه لخديجه وخواتهن اثنين واخوهه وابوهه جانوا كلهم يتباوعلي بنظره استمرار وياهو اليطب يكول هيه هاي الفصليه الله يا هلكلمه شكد عاشت وياي كتله ماله داعي تكولين هاي الكلمه نتي بنيه واني بنيه والدنيا دواره فهي كامت تصيح اخته شنو نتي تردين عليه هم فصليه وهم تغلطين عليه اجه سجاد كال روحيي صعدي فوك ومتنزلين الا اني اجي انزلج هو جان يعرف بيهه وحده جذابه صعدت وبدلت والجو جان كللش بارد جنت كاعده انتضر احد يجي يكلي نزلي متت من البرد والجوع ضليت انتضر الا ان صعدت مرته كالتلي يله نزلي غسلي المواعين وعزليهن اني جنت تعبانه كللش منا جوع منا برد منا قهر نزلت وراه اسمعه تكول لاخته شوفي شلون راح اذله راح اخليه تتندم عالساعه الي جتي بيه هنا ني ضليت ساكته شمرت عليه صينيه بيه اكل جان تكلي يله هاج اكلي من فضالتنه كالتلي لان تستحقين تكعدين ويانه كالت نتي حتى كلمه فصليه متستحقيه لان بيه شرف هالكلمه نتي قذره محجيت وياهه وضليت ابجي وكل شوي اغسل وجهي حتى محد يشوفني ابجي لان جنت ماكدر تسيطر على دموعي اجهه سجاد صاح بيه كالهه ساعديه وممنوع تحجين كلمه واذا حجيتي ترحين ويه اهلج هيه ضاجت حيلل اول مره احس سجاد انسان طيب