*كنتى بتكلمى زياد ليه يا ندى ؟
- هاا ،وانا هكلم خطيبك ليه ؟
* انتِ اللى المفروض تردى على السؤال دا ؟
- انتِ شكلك إتهبلتِ خلاص يا هبة .
•بَكت هبة ثم :
* ليه عملتى فيا كدا ! ليه ندى ! انتى صحبتى الوحيدة ..دا انتى اختى مش صحبتى !
- آآ..انتِ بتتكلمى عن أيه انا مش فاهمة حاجة ؟
•أرتفع صوت هبة ثم :
* بتكلم عن ايه ؟ بتكلم عن خيانتك ليا .. بتكلم عن قلة أصلك ،كل اللى انا عايزة أعرفه ليه ! انا عملت فيكى أيه !
•هدأت ثم أكملت :
* دا انا بحبك ..دا نتى صحبتى من الحضانة ..يعنى اختى ..ليه خطيبى يا ندى !
- انا مليش دعوه بخطيبك ،ومكلمتش حد ..اللى قالك كدا كداب .
* محدش قالى ياندى ..انا شوفتكوا بعينى ..شوفتكوا قاعدين، ومسكين إيد بعض ،شوفت صور ليكوا مع بعض ،الصورة اللى فِ فونك ،واللى انتِ عاملة ليها باسورد ومكنتيش راضية تدينهونِ ،فاكرة ،ولا افكرك !
•انهارت ندى ثم :
- طب ممكن تسمعينى انا مكنش قصدى واللَّ..
•قاطعتها هبة ثم:
* بس متكمليش ..مش عايزة أسمع مِنك حاجة ،ومش عايزة أعرفك تانى ياندى ..مش عايزة .
•تركتها وذهبت.
************
* الو ..انت فين !
= فى مشوار ياحبيبتى فى حاجة ولا اي ؟
* هه حبيبتى ! عايزة اشوفك حالاً.
...........
= فى أيه ياحبيبتى أيه اللى حصل !
* ليه !
= ليه أيه !
* ليه خونتينى ؟ لما انتَ مش بتحبنى من الأول بتخطبنى ليه ؟
= انا مش فاهم حاجة !
•بكت هبة ثم :
* ملقتش غير أختى ؟ البنات خِلصت يعنى ومفيش غيرها تخونى معاها !
= هبة افهمينى بس ...
•إنهارت هبة ثم :
* أفهم ! أفهم أيه ،أفهم إنك كسرتنى ،أفهم إنى أكتشفت خيانة اقرب ناس ليا ..اللى مكنتش اتخيل إنهم فِ يوم هيجرحونى ولو بكلمة ..عايزنى أفهم ايه ..رد عليااا .
= مين قالك الكلام دا ياهبة بس !
* عارف ! عارف لو كان حد قالى انا مكونتش صدقت ..لكن انا شوفتكوا بعين ،والجديد بقا، واللى متعرفهوش ، ولا انتَ ،ولا هىَ ..إنى كنت بسمعوكوا ،وانتوا بتكلموا بعض ..لما حسيت بحاجة؛ رقبتكوا ،وخلى بالك ..مفيش فرصة تكذب هى مأنكرتش .
= هبة اسمعينى بس ..شوفِ دوافعى !
•إنهارت أكثر ثم :
* دوافع ..انتَ ليك عين تقولى دوافع ...انا اللى مخلينى مقهورة ..إنك خونتنى معاها هىَ ..طب انا أروح أعيط فى حضن مين دلوقتى ! ..اسند على كتف مين دلوقتى ! مين هيقوينى بعدها ! مكنش لازم هى يا زياد ! انتَ هتروح، وهيجى مليون غيرك لكن ..لكن هى اختى هيجى غيرها ازاي !
•مسحت هبة دموعها ثم خلعت الدبلة من صوابعها ،ارتفع صوتها قليلاً ثم :
* انا مش عايزة اشوف وشك تانى ساامع ..مش عايزة ..ولا حتى صُدفة ، وصحيح ابقى حرص على نفسك معاها بدل متخونها ،ونفس الى جه حظرني يروح يقولها .. حرص لان طلع كل اللى حولينا خونا يا زياد .
_تمت
#shahd soliman .
