* ايه مالك !
- لا مفيش خالص ..خطيبى يخرجنى فى مكان ، وبالصدفة نلاقى خطيبته القديمة موجودة فيه!
* طيب انا مالى ! هو انا اللى قولتلها تيجى !
- طب هوسس بقا .
* انتِ غيرانة ولا ايه!
- انا مبغرش.
* امال اللى على وشك دا ايه ارهاق!
- بظبط كدا .
* يا ليلى انا بحبك والله ومش هحب غيرك .
• ابتسمت ليلى هذه الابتسامة التى تخطف بها قلبى ثم قالت : اللى انا متأكدة منه إنك مش هتحب بعدى لكن قبلى الله أعلم .
• ابتسمت انا الآخر ثم ألتقط كفها بين كفى وطبعت قبلة صغيرة دافئة على يداها .
ثم نظرت الى عينيها فى هيام وقولت لها : انا أول ماشوفتك يا ليلى عرفت أن اللى قبلك دا مكنش حب ..وبالنسبة للبعدك ف عمره ماهيكون فيه بعدك اصلا عشان انتِ عمرى اللى فات واللى جاى ودلوقتى .
•ضحكت ليلى هذه الضحكة التى اعشقها والتى حين تحين موعدها يحين موعد انتهاء النكد معها .
ثم قالت وهى تشدد على يداى التى فى يداها : كلامك الحلو دا بينسينى اى حاجة وحشة حصلتلى فى يومى ..انا بحبك اوى ياعمر بجد .
ثم سحبت كفها من كفى لتشبك أصابعها فى بعضها قائلة فى توتر : ممكن أسألك سؤال وترد عليا بصراحة ؟
* اكيد ياحبيبتى إسألى .
- انتَ سبتها ليه ؟
•تنهدت انا تنهيدة طويلة ثم قولت لها بصوت مبحوح : عشان انا مش مغفل .
- ازاى مش فاهمة وضح اكتر !
* انا وهى كُنا المفروض مخطوبين عن حب انا كنت بحبها ج....*
- بتحب مين يا استاذ !!
* استنى بس ، والله مابحب غيرك دلوقتى سبينى أكمل عشان تفهمى صح .
- كمل لما نشوف اخرتها .
* كُنت ..هاا كُنت فاكر أنى بحبها ..كُنت بعملها كل اللى هى عايزاه كل اللى بتطلبه كان بيجى تحت رجلها ..لحد ما أكتشفت إنها بتستغفلنى كانت بتسحب منى فلوس على قد متقدر ، كُنت مغرقها هدايا و لما كُنت أجبلها هدية أقل من ألماظ كانت تزعل وتتقمص وتتصالح برضه بألماظ ..المهم أكتشفت أن أمها هى اللى زقتها عليا عشان ياخدوا منى فلوس تعيشهم بعد ما أبوها خسر كل فلوسه وفلس ومات من الحسرة ..عارفة ! انا مش مضايق أنهم كانوا بيقلبونى ..لو كانوا طالبوا منى وقالوا عشان كذا وكذا انا كنت هقف جمبهم طول عمرى لكن هما كانوا بيستغفلونى وانا مش مغفل .
- انا مش مصدقة اللى بسمعه دا !
* لا صدقى هو دا الواقع ..كلوا بيضحك على كلوا .
- عندك حق انا لسه ضاحكة عليك دلوقتى .
* منا عارف .
- عارف ايه !
* إنك بتغيرى .
- لكن انا مبغرش .
_تمت .
#shahd soliman ♪
