* مين دى اللى بِتحبَك ؟
- حورية يا مُعتز مالك مستغرب ليه كدا ؟
* هاا لا مش مستغرب ولا حاجة بس هى قالتلك بحبك يا أحمد يعنى !
- ايوا قالت بحبك يا أحمد ..يابنى دا من زمان انتَ إزاى متعرفش مش انتَ من شِلتها ؟
* اه انا من شِلتها لكن هى محكتش حاجة زى دى .
- بقالنا حوالي شهرين مع بعض .
* شهرين !
- اه شهرين .
* اممم.
^ شهرين إيه دول ؟
- لا إحكيله انتَ بقا انا مش قادر أتكلم تانى سلام .
^ فى إيه يا مُعتز كان بيقولك إيه؟
"ضحك مُعتز وعيناه تدمع "
* قالى إيه هه عايز تعرف قالى إيه ؟
^ فى إيه يابنى !
" صرخ فى وجهه وهو يبكى "
* فى أن حلمى ضااااااع ،قالى أن حلمى ضاع يا مصطفى .
^حلم إيه متفهمنى ؟
" هدء مُعتز ثم بكا بشدة "
* ق..قالى أن حو..حورية بتحبه ، حورية بتحبه يا مصطفى ،قالى أن بقالهم شهرين مُرتبطين ،وانا فعلاً ملاحظ تغيرها دا ،قالى يا مصطفى انى ضيعت .
^ انتَ اللى غلطان يا مُعتز قولتلك مية مرة قولها ،قولها إنك بتحبها ريح قلبك اللى بيتعذب كل يوم دا .
" صرخ مُعتز "
* انا عملت كدا عشان بحافظ عليها عارف انا بحبها من إمتا ،عارف؟ " ثم هدء وهو مازال يبكى ": انا بحبها من ثانوى ..انا دخلت الكلية دى عشان أبقا معاها وانتَ أكتر واحد عارف أن حلمى كان حاجة تانية خالص بس هى كانت أول أولوياتى " امسك رأسه ودموعه تنهمر على وجنتيه بلا هوان ثم" : انا بتقطع ،انا بموت يا مصطفى " ثم وقع مغشيا عليه " .
فى مكان أخر .
• انتِ السبب يا شرين .
= السبب؟ انا عملت إيه ؟
• انتِ اللى قولتيلى أتقل عليه وأدينا دخلين فى شهر ونص، ومفيش حد فينا معبر التانى دى كانت نصيحتك يا شرين .
= خلاص ياستى متخديش بنصيحتى تانى.
• انا مش بقولك كدا يا شرين عشان تزعلى منى ،انا بس عايزة اتكلم براحتى واقول اللى فى قلبى ،متزعليش ياشيري عشان خاطرى .
= يابنتى انا عمرى مزع....
قطع حديثهم زميل لهم يلهث قائلا : الحقوا ياجماعة مُعتز أُغمى عليه و واده المستشفى .
• مستشفى ؟ مستشفى ايه ؟ وإيه اللى حصل ؟ تعالى وصلنى بسرعة انت لسه هتتكلم .
" كانت حورية تبكى بشدة ودموعها تنهمر على وجنتيها بغزارة، وعندما وصلوا إليه ذهبت حورية الى الطبيب "
• ايه الى حصل يا دكتور ؟
– متقلقيش يا فندم كانت غيبوبة سُكر وفاق الحمدللّٰه تقريبا كدا فى حاجة ديقته جامد أدت أن السُكر ينقص من جسمه .
• مُعتز عنده السُكر ؟
– ايوا يا فندم تقدرى تدخلى تطمنى عليه زمانه فاق ...عن اذن حضرتك .
" دخلت حورية تتحسب ببطئ حتى لا تزعجه دَفعت الباب ، ودخلت لتجده جالس على السرير ،وبجانبه صديقه مصطفى ألتفت لها بسرعة عندما دخلت "
* حورية ؟ انتِ إيه اللى جابك هنا ؟ قصدى يعنى جاية تعملى ايه ؟ يووهه قصدى انتِ عرفتى انى هنا ازاى؟
• الحمدللّٰه أنك بخير ،انا جيت أطمن عليك لما عرفت أن أُغمى عليك فى الكلية .
* مين قالِك ؟
• مين قالى إيه الدفعة كلها واقفة بره ..سيبك دلوقتى من كل دا أهم حاجة أنك كويس ،وموضوع الشوجر دا نتكلم فيه لما تخرج بسلامة .
* شوجر ؟ انتى كمان عرفتى أنى عندى السُكر ؟
• متتكلمش على الفاضى بقا لما تخرج نتفاهم .
* انا خارج وراكوا علطول .
• متجيش الكيلة تانى انهاردة نتقابل بكرة يلا باي .
" قبل أن تخرج فتح أحمد الباب و دخل "
* أحمد؟
- اذيك دلوقتى يا مُعتز ؟
* الحمدللّٰه .
• اذيك يا أحمد محدش بيشوفك ليه !
^ مش بتشوفيه إزاى وانتوا مرتبطين !
• انتَ بتقول إيه يا مصطفى مين دول اللى مرتبطين !
* انا مش فاهم حاجة ..هو انتوا مش مرتبطين وهتتخطبوا قريب ؟
• مين قال كدا مفيش حاجة من دى طبعاً ولا عمر هيكون فيه .
- طب هستأذن انا بقا .
* رايح فين يابا تعالى هنا كلمنى زى مبكلمك .
- عايز منى إيه يا مُعتز ؟
* ليه قولتلى أن انتَ و حورية مرتبطين..
ماتنطق ؟
- عشان انتَ بتحبها .
• إيه ؟ بيحبنى ؟
- اه بيحبك وانتِ كمان بتحبيه .
* بجد! بتحبينى ؟
^ ياعم انتَ وهى خلينا نفهم هو قال كدا ليه الأول وبعدين حبوا فى بعض ..ماتنطق يا أحمد ؟
" بكا أحمد قائلا": انا بكرهك يا مُعتز ، عارف يعنى إيه بكرهك ! طول عمرك أحسن منى سواء فى دراسة أو فى علاقة ،ليه ! انا مستحقش كدا ،مستحقش أكون وحش ، "مسح دموعه ": عموماً انا عارف أنى مش هعرف أبوظ حياتك ولا هعرف أكون زيك ..متستغربش انا كنت عايز فعلاً أبوظ مستقبلك بس خلاص انا فكرت ،و قررت أبعد أحسن عن كل دا ..هبعد ومش هتشوفه وشى تانى .
" ثم تركهم ،وخرج من الغرفة "
^ يالهوى فى حِقد كدا ؟
* فى يا مصطفى و أكتر من كدا كمان ،دا كويس أنه مقتلنيش .
• بعد الشر عليك .
* شر ! شر إيه ؟ دا انا عايز أبوس أحمد دا ، أخيراً طلعت السر اللى كنت مخبيه عنك وريحت قلبى ...انا بحبك اوى يا حورية .
• وانا كمان بحبك اوى .
* إحلفى ونبى إنك بتحبينى كدا ؟
• والله بحبك ...يا مُعتز انتَ جوا قلبى .
* يالهوى هيغمى عليا تانى .
^ يا جدعان نحن هُنا .
* يا عم أقعد بقا انا مصدقت .
" ضحكت حورية "
• انا همشى بقا نتقابل فى الكلية .
* كلية إيه اللى نتقابل فيها ،احنا هنتقابل بليل عند بابا فى البيت .
• إحلف ونبى أنك جاى !
* والنعمة جاى ..ياحورية قلبى .
^ طب استئذن انا بقا أصل مينفعش كدا انتوا مش مِراعين شعور السناجل .
" ضحك مُعتز و وحورية "
• انا همشى عشان أللحق أقول لبابا ، باي باي .
* بااى يا قلبى .
^ يا أخى انتَ مُصمم تجرح مشاعرى كدا .
* يا عم سيبنى براحتى دا احلى يوم فى عمرى .
^ بس انتَ فجأتنى .
* كان لازم تعرف انى مش هسيبها تضيع منى تانى . ♪♪♪♪♪♪♪
# أخيراً قالها♪♪ ..بسبب أحمد الحقود .😂
# تمت ♪
# shahd soliman ♪
