القوارير

8

انطوني موعد لجلسات العلاج الكيمياوي وفهموني راح افقد شعري وزني وحواجبي ورموشي اخذت قرار ويه نفسي اترك البيت واعيش بعيده مااتحمل الرجال الي حبني وكان يتغزل بيه وبكل جزء بيه راح يشوفني شبح وكومة اعضام وكل الي رابطه بيه هي الشفقه رجعت للبيت كتله هشام
اريد اعيش وحدي راح اعوف الولايه وروح عند اخواني
تركين بيتج وتروحين هناك ليش مضايقه من شي العلاج مو زين
لا مااريدكم تتذكروني بهاي الحاله وانت بالذات اريدك تبقى تتذكرني حلوه مو شعري واگع وعظامي طالعه
اسيل شنو هالحجي تتذكرني وشعري واگع هو احنا شعدنه غيرچ قابل انتي غريبه عنه هو البيت يسوا بدونچ
هشام خلي عنك هذا الحجي اريد اطلع زين وتعبانه مااگدر احجي
دخلت لغرفتي احضر ملابسي لحكني هشام وبيني وبينه خطوات اقترب مني وحضني
تتذكرين حلفتلچ والكفل زينب مااعوفچ وادفع عمري لسعادتچ هذا القسم مو شويه اسوله اني وبناتچ قوتچ سندچ لاتبعدينه عنچ وتخلين المرض ينتصر احنا وياچ
هشام شوف التشوه الي بصدري هذي اسيل الي اخذتها الجاي اصعب واقبح شعري وحواجبي ورموشي وجسمي كله يذوب من الكيمياوي الله يخليك اذا تحبني لاتخلي بناتي وانت تشوفوني واني اموت فدوه انت عمرك مارديتني
اسيل الناس شتكول ذب مرته وام بناته
معليك بالناس گلهم راحت لاهلها تتعالج والبنات شاطرات وكلشي يعرفن بالبيت بس انت عينك منهن وماري تجي يوميه عدكم

هشام رضخ لطلبي وسافرت لاهلي كان يتصل يوميه وبناتي اتصل بيهن مرات ارجع من العلاج تعبانه ومهدود حيلي انام واجاوبهم الصبح كنت اقاوم الموت والاشتياق لبناتي وزوجي وبيتي سرطان ثاني مااگدر اواجه صديقاتي يتصلون بيه ويگولولي ابو فاطمه متبهذل ليش عفتيه واجاوبهم مو بيدي المرض قبيح وحتى لو موجوده يتبهذل بيه اكثر

واستمرت ست اشهر فقدت شعري وحواجبي ورموشي ونص وزني غير الگابه الي عشتها بقيت احضر محاضرات ينطونه امل بالشفاء ايقنت وي نفسي اني بقائي بالدنيا محدود بوقت قليل قررت اعد بناتي لهذا اليوم حجيت وياهن  بچن بالبدايه وبعدين قررن يكونن قويات علمتهن كلشي يخص البيت وحجيت وياهن عن الحياة والدين والحب والزواج كلمه گالتها بنتي فاطمه من وصلنا للزواج
ماما اتمنى تكونين عايشه من البس البدله البيضه وتشوفيني
انشالله اكون موجوده واذا لا فتاكدي روحي يمج
وشلون احس بروحج يمي
من تنزل دموعج من الفرح اعرفي اني واگفه واشوفچ
ماما شوكت ترجعين بابا يگول متبهذلين بدونچ
حبايب ديروا بالكم على بابا انتم هسه كبار
ظليت الليل كله منايمه مؤمنه بقضاء الله لكن اني گدامي هواي أاديه كأم عمري تلاثين توسلت ودعيت ربنا يساعدني اقهر السرطان واعيش لبناتي بالصدفه تعرفت على بنيه هنديه متغلبه على السرطان ومن سالتها رجع شكلها من تعالجت جاوبت يرجع كلشي
وسمعت ثاني يوم بالتلفزيون عربي ان القران يوقف انتشار الخلايا السرطانيه ايقنت ان القران شفاء القران هو معجزه محمد اكيد كلماته معجزه
وبديت اسمع القران عشر ساعات يوميه وبدا التاثير للقران على نفسيتي وحياتي والاهم صحتي النتائج كانت احسن وگدروا يسيطرون على المرض رجع شعري ووزني وبقيت احارب السرطان بالقران وبرفضي للمرض بقيت خاليه من السرطان شهرين قررت ارجع ابيتي ورجعت بعد ثمن اشهر
حاولت استعيد ثقتي بنفسي كزوجه ظل التشويه حاجز بيني وبينه غيرت غرفتي بعيد عنه كان  كل مره يحاول نرجع سوا وكنت اصده لحد مرت سنه  على عمليتي
اسيل انتي تعتقدين السبب بالمرض اني والزواج
لا هشام منو گال هذا الحجي
لعد ليش تصديني وغيرتي غرفتچ
هشام تعبانه وهاي الشغلات مو بالي
بس اني بالي اريدچ زوجتي وحبيبتي
ميخالف تحمل شويه لخاطري
لخاطرچ اتحمل يمتى موعدچ ويه الدكتور
بعد يومين وخايفه ومتوتره ليگلي رجع المرض
انشاالله ماكو شي واذا خايفه خليني يمچ انام
ميفيد وياك ابن سهام راح اني اجي يمك بس مالي خلگ قال الشاعر فدوه
هي قصيده وحده وبس
امري ل الله هسه اني لوافتهم بالشعر هم خوش
لا اليوم القصيده بالانگليزي
اويلي صاير دولي
الصدمه كانت بغرفه النوم مگدرت نفسيا جوايه احس اني مو انثى وهشام يجامل حتى يحسن من حالتي النفسيه
اسفه هشام بس احس نفسي مريضه  الله يخليك لاتزعل
عادي حبيبتي بس خليچ يمي لتروحين
لا مااروح بس صدكني المرض اخذ مني حتى المشاعر وكل تفكيري بالموت
هسه بمرور الوقت تنسيه والله
اجى موعد الدكتور عرفت جسمي بدا تقل مقاومته وممكن في اي لحضه يرجع المرض بدوا وياي ابر كانت الابره الي اخذها تهد الحيل ينطوني كل اسبوعين وحده هشام ياخذني للموعد وارجع ابقى بالفراش تلث ايام ماگدر اكوم ويوميه قبل ايطلعون للدوام يتركون يمي صوت القران 
هشام كان يساندني وياي بكل مراحل العلاج معظم المواعيد للعلاج يروح وياي حتى شغله يأجله وكل جمعه كان ياخذني للجامع نصلي ومابطل فد يوم يگول اني وياچ لاتخافين
لكن علاقتنا الزوجيه توقفت وكان دائما حزين ومكتاب ماالومه خطط لزواج وحياه سعيده وزوجه شابه واطفال والي صار العكس حاول اكثر من مره يسترجعني زوجه