القوارير

11

ثاني يوم الصبح بدلت اريد اطلع
وين من الصبح
رايحه لصالون اصبغ شعري
شعرج مصبوغ گولي وين رايحه
اريد اغيره اسويه نفس لون شعر ماري يمكن نعجب
طلعت من البيت رحت لصالون كانت حفله لبنت صديقتي بقيت انتظر الحفله اول مبدت قفلت تلفوني خلصت طلعت افتر بالمول لحد الساعه عشره كتبت رقم تلفون زينب بنتي وخليته بالجنطه على اساس ماخذه الرقم من واحد
رجعت البيت صايرين اعصاب كلهم حتى البنات
ماما وين جنتي
حفله ام نور بتها حجبتها ومسويه حفله والي ميصدك يتصل بيها
لا ماما بس خفنا عليچ
سالني هشام وليش تلفونج مقفول
ليش هو مقفول ممنتبه اروح انام تعبانه
دخل هشام للغرفه العصبيه تقرا الف
شدتسووين انتي شبيچ متخافين على سمعتج على سمعة بناتچ
ليش شمسويه اني جايبه ولد للشقق يم المول وبعدين بدال متتعصب عليه گولي شعرج حلو فستانح حلو اعتبرني وحده من صاحباتك وجاملني
اسيل اني مااتحمل هذي التصرفات اذا متبطلين وترجعين لعقلچ والكفل زينب قسم اربطچ هنا وحتى دكتور ماخليچ تروحين
خلص بطلت بس فدوه الدوا مالتي بالجنطه انطينياه الله يخليك
راح فتح الجنطه اني مخليه الرقم اول ميفتح ااجنطه
شنو هذا الرقم منو منطيجياه ليش بدون اسم
يارقم
هذا الرقم لچ انتي تخبلتي
هذا رقم زينب شبيك يمكن قبل فتره كتبته والله ماادري شجابه عندي
باوع على الرقم وتذكره
اكولك هشام ترى اني لو اريد اخذ رقم اخزنه بالتلفون راسا اني خليت الرقم حتى تحس الخيانه شكد صعبه عمرك مامديت ايدك عليه لكن من حسيت بالخيانه ضربت لان متتحمل الخيانه ومحد يتحملها حتى لو مريض الي يحب ميخون حتى لو حبيبه على فراش الموت
تريدني اسامحك وانسى وانت الشك ماتحملته واني لازم اتحمل خيانتك وهي واقع
اسيل الوضع يختلف اني كنت مجبور
ماكو شي اسمه مجبور وحتى لو الدين يسمحلك المفروض تفكر بيه هم مرض وهم انت تخون
طلبي اي شي اسويه حتى تسامحين  والله حتى اني مدا اغفر الذنبي اسيل الانسان يغلط والي يحب يسامح
هشام انت خوش رجال واني لو باقيه عمري كله ماالكه مثلك بس خليها للايام لاتستعجل الغفران والسماح واطلبه يوميه
اقترب زواج بنتي وبديت اتعب بالتحضير والاستعداد للزواج تعبت واجهدت نفسي فد يوم رجع هشام من الدوام كنت مخليه راسي على الميز ونايمه فتح الباب شافني
خير اسيل شبيچ
مابيه شي بس تعبانه واخذت الابره اليوم
منو وصلچ من رحتي
ام علي جارتي فاطمه مشغوله وانت مشغول
شنو مشغول ليش ماگلتي واخذچ
اني هم مليت هشام من الابر والمواعيد وهم تجهيز فاطمه وعرسها
اني اخذ اجازه واساعدچ
ابن سهام بشنو تساعدني تجهز بنتك للعرس تعرف
لا بس على الاقل اخذج اجيبج انتي السياقه ممنوعه عليج من تاخذين الابره
ماادري شوكت تخلص هالابر صيح البنات يسوون العشى تعبانه
بدوا يحضرون العشى كمت حسيت روحي نزعت مني وگعت بالكاع واخر كلمه سمعتها ماما

وعيت على نفسي بالمستشفى اول سؤال
لا تكولون السرطان رجعلي هشام شبيه
مابيج شي لاتخافين هبوط بالضغط وارهاق
الحمد لله ياربي اول مشفت المستشفى خفت وجمدت بدمي
سلامتج حبيبتي
البنات بقوا بالبيت
ئي بالبيت واتصلت بيهم طمنتهم
وراح ابقى هنا لو ارجع
اذا ترجعين لغرفتج وتنامين يمي هسه اكل للدكتور يطلعچ واذا متقبلين ابقي هنا احسن
لاعفيه هشام طلعني متدري شگد اكره المستشفى
لعد تنامين يمي وتحلفين
خلص انام يمك
احلفي كولي والكفل زينب تدرين احبها
والكفل زينب بس وقع الاوراق خلي اطلع بنتي باقي تلث ايام على عرسها
رجعت البيت شفت بناتي نايمات شافني بوستهن وگتلهن مابيه شي ناموا
دخلت لغرفتنا هشام موجود حتى ماحجيت وياه رحت بحضنه
اسفه هشام مو قصدي اگول عنك شايب
ليش قابل مجذبه انتي اني شايب
حتى لو شايب تسوا الدنيا كلها
والكفل زينب وانتي عندي اغلى من روحي
صرت تحلف مثلي كول چا فد مره
چا وشتريدين اكول
بالبيت وبغرفتنا رجعنا اني وهشام زوجيين وتغاضيت عن الي صار صح اني استعاديت صحتي وشكلي بس بقت حياتي ناقصه شي عرفت هذا الشي هو زوجي هشام رغم الي صار ماگدرت اكرهه او امنع نفسي احبه اني ماحبيت وتزوجت لا تزوجت وحبيت زوجي كان اول شي بحياتي بكلشي
اعرف هواي راح يعتبروني غلطانه لان سامحته بس هاي الحقيقه هشام طفولتي وشبابي وعجزي وقوتي كلها كانت وياه مااشوف غيره ومااعرف احب غيره
مر زواجنا بصعوبات عبرناها سوا واتذكر امي چانت تكول الرجل عزيز وفعلا هشام عزيز اصلا اني حاربت السرطان حتى اعيش اله ولبناتي
تزوجت بنتي فاطمه وبيوم زواجها هشام حول فلم زواجنا من فديو لسي دي حتى نشوفه وتفرجنا على نفسنا كنا زغار واني ابجي خاصه من طلعت من بيت اهلي
بعد زواج فاطمه اتزوجت زينب
عمري هسه اربعين سنه اراجع شهريا للفحوصات مافي اثر للسرطان بس متوقعه بيوم من الايام يرجع ومستعده اله واسمع القران يوميه بالسياره بالبيت من انام المرض هذا يحتاج قوه وعزيمه
هشام متقاعد وعايشين سوا ونربي احفادنا التلاثه علي وبنين وحسنين الله يحفظهم وهو ايضا مستعد يواجه السرطان وياي في حالة رجع لاسامح الله
ماري صديقتي تزوجت وتسال عليه عن طريق بناتي الصوره اختاريتها تعبر عن سرطان الثدي لان هاي المعاناه ميدركها الا عاشها
القصه اهداء لمرضى السرطان وخاصة صديقاتي الي مازالن يقاومن  ام رضا وشيماء ولروح صديقتي جمانه الله يرحمها
وتحيه لمرضى سرطان الثدي بكل انحاء  العالم واسال من الله الشفاء الهن

#النهايه