احلا صدفة بحياتي..♡》

part 1

Ayota Alawimy

Like And comment please

《ورأيك بكل صراحه》º¤♡¤º♡¤º

نبدا بسم الله:
.
.
مرام شافتلي وردت شافت لرهف:رويدا محوله النقاب والله نتخيل
رهف ابتسمت:لا محولته مااتخيليش
مرام حضنتني:واخيرا قنعتيه هاالمتزمت هضا
انا ضحكت:بشويا خنقتيني؛ ماقنعتش فسخنا
مرام باعدت:تهبلي من غير النقاب؛ تريحتي منه بصراحه مكنتش متريحتله
انا: نجك لي ورينا مكان قسمنا وفي أي طابق
مرام: انا حندلكن بحكم انها ثاني سنة ليا هنا فعارفة الاقسام بس شن تخصصكن
انا: تقنية طبية بأذن الواحد الاحد انا ورهوف
وصلتنا مرام لقسمنا وعدت شفنا مجموعة طلبه وطالبات كانو واقفين يشوفو في لائحة او قسيمه معلقة مكتوب فيها اسماء الطلبة وفي اي قاعة موجود
___________
مش عارفة اذا هضا الشئ موجود في الجامعات الليبية او لا بس انا قلت هك حسب ماتخيلت
_____________________
في ناس قالولي انه عمرك24 سنة لأنه طريقة كلامك ادل انك اكبر بواجد
انتو كم تعطوني عمري الحقيقي!؟🤔😁
وقولولي طريقة سرد الرواية حلوه والله نغيرها🤔😁
Ayota Alawimy
___________________

º¤♡º¤♡º¤
سبحان الله وبحمده سبحان الله العظيم
أستغفر الله العلي العظيم وأتوب إليه
_____________♡
الحمدالله حتى ترضى
والحمدالله اذا رضيت
ولك الحمد بعد الرضى
______________º¤♡º¤♡º¤
.
.

المهم نرجعو لقصتنا:
خشينا للقاعة وكانت كبيرة وفيها زي المدرج ومختلطه يعني بنات وشباب
شوي وخش دكتور ابتاع مادة €£¥₩
الدكتور كان كبير في العمر
الدكتور:السلام عليكم
ردينا عليه السلام
دكتور:انا اسمي سالم انا حنجيكم على مادة €£¥ ياريت تشدو معايا الهمه لأنه المادة في شوية صعوبة واغلبيتها عملي؛ ياريت توا تكتبو اساميكم على الدفتر هضا
كتبنا اسامينا.....
تما يقرا فيهم لعند وصل لعند اسمي
دكتور: رويدا احمد وين رويدا احمد رسلان
انا رفعت يدي: انا هيا
دكتور: نبيك بعد المحاضرة
انا صبيت: بخصوص شنو!
دكتور: شئ عائلي مانقدرش نحكي قدامهم
انا:ياعمي انا مانعرفكش شن عائلي ماعائلي نستأذن "خذيت شنطتي بعصبية وطلعت ومعايا رهف لحقنى الدكتور"
دكتور:ارجي ارجي يابنتي انا اب خالد "وقفت
انا:اهلين ياعمي" اسفه لأني ماعرفتكش"
دكتور:عادي يابنتي مادوريش انا بنقولك حاجة على خالد ونبري ذمتي قدامك وقدام ربي خالد متزوج يابنتي ونا عرفت مأخر انك مش عارفة انه متزوج
انا انصدمت وخنقتني العبرة مهما كان هوا كان خطيبي حاولت قد مانقدر اني مانبينش انه انهزت فيا شعرة:عادي ياعمي اصلا نحنا فسخنا مايهمنيش توا نستأذنك" عدينا للمحاضرتنا"
جني البنات يقصقصن قلتلهن القصة عشان ماتطلعش عليا اشاعة وهكي
.
.
في نفس المحاضرة بس في نهاية المدرج كانو مجموعة شباب
الاول بخبث:كان طيحتها تأخذ 1000 جنيه
الثاني "بأعجاب وشوفولي": مش هاينة عليا البنيه والله انا في عقلي حاجة بس مش حنقولك عليها بس حنطيحها
بعد المحاضرة جا أمير لعندي
أمير:السلام عليكم أختي
انا شفتله: وعليكم السلام ورحمة الله وبركاته تفضل؟
أمير أبتسم:نبي تسجيل لنهاية المحاضرة لأنه هاتفي فضي شحنه
انا حليت هاتفي ودزيتله التسجيل
امير :مشكورة اختي
انا ابتسمت: ولو واجبي يلا رهف نستأذنك" عدا أمير"
رهف: يهبل يارويدا🙈
انا ضربتها على راسها بالخفيف:ماتتلمي يابت دنا هقول لطارق على كل اللي حصل اااخ يضيعت شبابك ياخويا😁" مع احترامي لخوتنا المصرية انا نحبكم واااجد هلباااا برشاااا بزاااف اوووي "
رهف:خززي باردة؛ مافيش حد ياخذ مكان طارق عندي💓
انا:يلا يلا محمد يتصل بيا
انا:هلا حمادي
محمد:اهلين يلا نرجى فيكن
انا: يلا جيين
.
.
.
عدا اليوم عادي جدا بدون اي احداث جديدة:
.
بعد مرور اسبوعين : في الجامعة
أمير:نبي نقولك على حاجة
انا: تفضل!🤔
امير مرتبك ويفرك في يديه على بعضهن: انا معجب بيك
انا بدهشة😇😅:بصراحة صدمتني
أمير: بالله ماترفضيش وفكري ماتخسريش حاجة مش حتندمي توا عطيني Phone نكتب رقمي عندك
انا: بس انا ماوافقتش😅
أمير ابتسم: محلاك وانتي مش موافقه عطييني phone وانتي ساكته هي سلم ابنيتي
انا ضحكت: قولي الرقم باش انسيفه" نحفظه" عندي
أمير ابتسم: اكتبي عندك092ººººººº
انا: تمام سيفته عندي ارتحت توا
امير: واخر راحه
.
.
.
تسرررررريع احداث😁:
.
.
تمينا نحكو انا وأمير وتعودنا على بعضنا
.
.
بعد مرور شهررر:
.
.
طارق:نبي نخطب رهف
انا حضنته: مبااارك ياروحي تتهنو ان شاء الله
طارق:الله يبارك فيك الفال ليك ان شاء الله
انا تميت نبكي: ماما كانت تراجي فينا بيش تفرح بينا ااااهخ لو كانو معانا توا والله رايفتلهم ياطارق تعبانه من غيرهم الله يرحمهم الله يرحمهم
طارق مسح دمعته: الله يرحمهم؛ خلاص عاد فكينامن النكد توا
انا باعدت عليه: فرحتلك وااااجد خلي نكلم رهف "رنيت عليها شوي وردت"
انا:الو رهوف اسمعي ماعنديش رصيد واجد بكرا ان شاء الله جيينكم نطلبو فيك وبالمرا خطبه المهم بكرا جايينكم رصيدي تم باااااي
"وصكرنا"
طارق بصدمه: من قال بكرا ومن قال خطوبة مش مجهز شئ نا شن درتي يارويدا
انا: انت اسكت بس وتوا صبي نمشو لمحل ذهب نشرو دبلة والمحبس وشبكة يلا نمشي نلبس باش نمشو
.
.
طارق ارتبك: صح يلا بسرعة
.
.
مشيت لبسة ع السريع وطلعنا شرينا الذهب وخذينا بوكس وشكلاطات وحطينا500دينار ومعاهن الدبلة والمحبس ومشينا لصاحب طارق يزينهن في البوكس بعدها مشينا لمحل حلويات شرينا بكلاوة وكيكة مكتوب عليها طارق ورهف وفي زي العرسان مديورات بشوكلاته
انا: طارق شن مازال من الفلوس
طارق تما يعد فيهن:1000جنيه
انا: وانا معاي 100 من مصروف اللي دزه لنا نادر
طارق:اشش مادوريش الفلوس توا ندور شغل ماتشغليش بالك
انا شفتله:ربي يوفقك ان شاء الله
طارق:نتكو على كودو ناكلو حاجة
انا: بس نا اللي ندفع انت خليهن فلوسك
طارق: وشن يبو يقولو عليا اللي يقرو في الرواية🤔 مخلي اخته تدفع
انا ابتسمت:عادي يقولو اللي يريحهم المهم نا اللي ندفع
طارق:شفتو راسها مسك
انا: قلت نا اللي ندفع امسك خوذ50 اشريلنا Lam Barger وبيتزا وعصير غازي "هابي تشكن" بعدك جعانه ونبي ناكل؛
طارق: توا ننزل نشري ونجيك توا ناكلو في الحوش " نزل يشري ونا فتحت الشنطة نبي فوني تذكرة اني سيبته في الحوش وأمير قالي نبي نتصل بيك جا طارق شايل في يديه شكاير حطهم على الكرسي الخلفي ورد ركب ومشينا لعند وصلنا للحوش خشينا
انا: انغير وانجي نحط وحتى انت خش غير
طارق: تمام
.
.
مشيت غيرت وخذيت phone انشوف فيه
وهنا كانت صدمتي......#يتبع
شن اللي شافاته رويدا وهل أمير اللي دازلها او واحد ثاني
كل نعرفوه مع البارتات القادمة بأذن الله
واسفه ع التأخير بس النت عندي ضعيييييف بكل وماحوتك بيش اقوي

وجاوبو على سؤالي اللي فوق
ياريت يزيد التفاعل شوي في اكثر من حد يقرا لا يعلق لا يصوت ونبي نغير اسم الرواية لأنه في رواية ثانية بفس الاسم باش ماحد يقول خانبه الاسم

Ayota Alawimy
متابعة طيبة❤
في حفظ الرحمن🤗❤